Doˆ-iˇ 27:9 - Akha

⁹ “Ngaˇ jawˇ duˬ sehˬ gʼawˆ-ahˇ, shawˇ jehˆ ni gʼeh-eu saˬ paˇ neh yaˇ kmˇ ya mˇ lahˇ meh. Laꞈ oˆ paw pyawˬ-ahˇ taw lahˇ-eu saˬ paˇ deuˬ, nyiˬ tseˇ ngaˬ lmˇ ya bi byah-eu meh.

Doˆ-iˇ 27:9 Σταυροειδείς Αναφορές

1 Sahˬpaˬ 6:36

Uˬ duˬ tahˬ nymˇ nymˇ ma-euˬ mehˬ shi laꞈ kʼoeˇ lahˇ lehˇ kuˇ-eu lahˇ kʼoeˇ lahˇ gawˬ ngeh, kʼaˬ lo smˬ tiˆ gawˬ-euˬ yaw kaˬ-ahˇ shuˬ liˇ yeuꞈ ma gawˬ tehˬ daˆ leꞈ-euˬ meh.

1 Sahˬpaˬ 8:64

Kʼoeˇ ngeh nah laꞈ kʼoeˇ, Uˬ duˬ tahˬ nymˇ nymˇ ma jawˬ jawˬ-ehˇ tsoˆ myahˬ taˬ-euˬ nymˇ maˬ ehˇ, Uˬ duˬ tahˬ nymˇ nymˇ ma mehˬ shi jaˆ-eu poˆ ka maˬ ehˇ, aˬ yawꞈ a nehˬ-awˇ, mawˇ lah-ehˇ dzah puiˆ-awˇ lawˇ-eu jeˬ maˬ ehˇ, dzaˬ la gʼo cehˇ lawˇ-eu jeˬ maˬ ehˇ, jeˬ zaˬ-euˬ tsiˇ neh lawˇ-eu cawˬ cawˬ taꞈ-eu lawˇ-eu jeˬ maˬ ehˇ, kʼoeˇ gaˇ aˬ yawꞈ lawˇ-euˬ meh. Guiˬ shuiˇ neh jahˇ taˬ-euˬ lawˇ duˬ kʼoeˇ yaw nyiˇ miˇ neh, lawˇ-eu shehˇ-eu kʼoeˇ deuˬ dawˬ tawˆ luꞈ lawˇ kʼaˇ maˬ deˇ-ehˇ, aˬ yawꞈ kʼoeˇ loꞈ-ehˇ jahˇ-euˬ meh.

2 Laˬsaˬbaˬ 33:5

Uˬ duˬ tahˬ nymˇ-euˬ kʼoeˇ paˆ ma paˆ-ehˇ jaˆ-eu pu kaˬ-ahˇ, aˬ guiˇ deuˬ-ahˇ uˬ duˬ tahˬ-eu lawˇ duˬ tsoˆ-euˬ meh.

2 Laˬsaˬbaˬ 4:9

Piˇ ma deuˬ gʼaˇ duˬ laꞈ kʼoeˇ pu kaˬ hawˇ-eu laꞈ nyiˇ pu kaˬ aˬ yawꞈ maꞈ taw paˆ-euˬ meh. Pu kaˬ kʼoeˇ nyiˬ kaˬ-euˬ yaw kaˬ-ahˇ jaˆ-eu laˇ gʼoˆ deuˬ-ahˇ guiˬ shuiˇ yaw-euˬ meh.

Jaceuq 100:4

Aˬ yawꞈ-euˬ guiˬ lahˬ-ahˇ noeˬ keuˆ-eu laꞈ kʼoeˇ, aˬ yawꞈ-euˬ gʼoˆ kʼehˬ-ahˇ uˇ leˇ-awˬ. Aˬ yawꞈ-ahˇ ja ceuˬ-eu laꞈ kʼoeˇ, aˬ yawꞈ-euˬ nymˇ-ahˇ uˇ leˇ-awˬ. Aˬ yawꞈ-euˬ guiˬ lahˬ-ahˇ noeˬ keuˆ-awˇ ja ceuˬ-awˬ.

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

Jaceuq 92:13

Sahˬpaˬ Miˬyehˇ-euˬ nymˇ laꞈ kʼoeˇ ka taˬ-awˇ, aˬ dui-euˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ mehˇ laˇ-eu laꞈ kʼoeˇ,

Doˆ-iˇ 27:10

Saˬ paˇ kʼoeˇ taw-eu gʼaˇ duˬ, pyuˇ kuˆ seuˬ hawˇ-eu pyuˇ laꞈ law tsoꞈ-eu guiˬ shuiˇ kʼawˇ zeuˇ nyiˬ tseˇ zeuˇ hawˇ-eu, guiˬ shuiˇ zeuˇ dahˇ nyiˬ tseˇ dahˇ ya lehˬ hmˬ meh.

Doˆ-iˇ 35:17

sehˬ gʼawˆ kmˇ cehˇ mˇ lahˇ gaˇ taw-eu saˬ paˇ hawˇ-eu kʼawˇ zeuˇ deuˬ maˬ ehˇ, kmˇ cehˇ gʼoˆ kʼehˬ-ahˇ taw-eu saˬ paˇ deuˬ maˬ ehˇ,

Doˆ-iˇ 36:17

Yaw beh kahˇ-euˬ gaˇ dzeˇ dzeˇ saˬ dzeh mehˬ dzaˬ caw caw-ehˇ, laꞈ ma ngaˬ tseˇ hmˬ guꞈ tsoꞈ-awˇ, nyiˬ kahˇ tiˬ kahˇ-euˬ gaˇ dzeˇ dzeˇ saˬ dzeh mehˬ dzaˬ caw caw-ehˇ laꞈ ma ngaˬ tseˇ hmˬ paˇ guꞈ tsoꞈ-euˬ meh.

Doˆ-iˇ 39:40

sehˬ gʼawˆ-ahˇ yaˇ kmˇ mˇ lahˇ-eu gʼaˇ duˬ saˬ paˇ, kʼawˇ zeuˇ hawˇ-eu zeuˇ dahˇ deuˬ, yaˇ kmˇ laˇ gʼoˆ-ahˇ taw-eu saˬ paˇ hawˇ-eu kʼoeˇ-euˬ aˇ caˆ, sehˬ gʼawˆ gʼaˇ duˬ taꞈ cmˬ ,

Doˆ-iˇ 40:33

Sehˬ gʼawˆ hawˇ-eu lawˇ duˬ-euˬ jawˬ jawˬ-ehˇ Moˇseˬ yaˇ kmˇ mˇ jawˬ-awˇ, yaˇ kmˇ gʼoˆ kʼehˬ-ahˇ saˬ paˇ sheu taw taˬ-euˬ meh. Kʼoeˇ loꞈ-ehˇ jahˇ-awˇ, Moˇseˬ gaˇ mˇ jiˇ-euˬ meh.

Doˆ-iˇ 40:8

Sehˬ gʼawˆ jawˬ jawˬ-ehˇ yaˇ kmˇ mˇ lahˇ-awˇ, yaˇ kmˇ gʼoˆ kʼehˬ-ahˇ saˬ paˇ taw-awˬ.

Yeˬsaˬgeˬlaˇ 40:14

Gaˇ ma iˇ dzaˬ saˬ-iˇ-euˬ kuˆ lawˆ-ahˇ neh iˇ doˆ ngeh, Uˬ duˬ tahˬ nymˇ nymˇ ma-euˬ pu ka keuˆ le-eu meh. Kuˆ lawˆ kʼoeˇ lawˆ-ahˇ aˬ yawꞈ dza haw ngeh, yaw jeˇ paw ngaˬ tseˇ lmˇ byah-eu meh.

Yeˬsaˬgeˬlaˇ 40:17

Tsawˇ haˬ kʼoeˇ gʼaˬ ngaˬ-ahˇ gaˇ ma kʼoeˇ kahˇ law caw sheuˬ gʼeh-awˇ, uˬ duˬ tahˬ nymˇ nymˇ ma-euˬ pu kaˬ-ahˇ sheuˬ keuˆ nehˬ laꞈ-euˬ meh. Laꞈ nyiˇ lahˇ-ahˇ tsoˆ tawꞈ taˬ-euˬ kuˆ lawˆ smˬ tseˇ lawˆ jaˆ-awˇ, kuˆ lawˆ kʼoeˇ deuˬ-euˬ mehˬ shi kʼaˬ lo teˇ byaꞈ kʼawˬ taˬ-euˬ pehˇ tsahˇ jaˆ-eu meh.

Yeˬsaˬgeˬlaˇ 40:20

Kʼoeˇ naˇ, laꞈ taˆ paw pyawˬ-ahˇ neh Uˬ duˬ tahˬ nymˇ nymˇ ma-euˬ pu kaˬ-ahˇ uˇ leˇ-eu lahˇ kʼehˬ kʼoeˇ kʼehˬ-ahˇ, tsawˇ haˬ kʼoeˇ gʼaˬ dza haw-euˬ meh.

Yeˬsaˬgeˬlaˇ 40:23

Laꞈ taˆ paw pyawˬ-ahˇ jaˆ-eu lahˇ kʼehˬ heu kʼehˬ-ahˇ neh pu kaˬ nyiˬ tsehˆ-ehˇ iˇ naˇ, nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ kʼoeˇ kʼehˬ-ahˇ kʼaˇ jaˆ-eu loꞈ-ehˇ, laꞈ kʼoeˇ pu kaˬ-ahˇ uˇ leˇ-eu lahˇ kʼehˬ tiˬ kʼehˬ paˇ jaˆ-eu meh. Lahˇ kʼehˬ kʼoeˇ nyiˬ kʼehˬ yaw kaˬ tsawˇ haˬ kʼoeˇ gʼaˬ daˇ dza dehˬ haw ngeh, nyiˬ tseˇ ngaˬ lmˇ byah-eu meh.

Yeˬsaˬgeˬlaˇ 40:28

Laꞈ oˆ paw pyawˬ-ahˇ jaˆ-eu lahˇ kʼehˬ gaˇ ma-ahˇ neh laꞈ kʼoeˇ pu kaˬ-ahˇ, tsawˇ haˬ kʼoeˇ gʼaˬ ngaˬ-ahˇ sheuˬ uˇ gʼeh nehˬ laꞈ-euˬ meh. Lahˇ kʼehˬ gaˇ ma kʼoeˇ tsahˇ aˬ yawꞈ daˇ dza dehˬ haw ngeh, laꞈ nyiˇ lahˇ kʼehˬ gaˇ ma deuˬ hui ni ahˇ-eu meh.

Yeˬsaˬgeˬlaˇ 40:32

Nahˇ ma doˆ kʼehˬ paw jaˆ-eu lahˇ kʼehˬ gaˇ ma-ahˇ neh, laꞈ kʼoeˇ pu kaˬ paw tsawˇ haˬ kʼoeˇ gʼaˬ ngaˬ-ahˇ sheuˬ uˆ gʼeh nehˬ laꞈ-euˬ meh. Lahˇ kʼehˬ gaˇ ma kʼoeˇ aˬ yawꞈ dza haw ngeh, laꞈ nyiˇ lahˇ kʼehˬ gaˇ ma deuˬ hui ni ahˇ-eu meh.

Yeˬsaˬgeˬlaˇ 40:44

Kʼoeˇ naˇ, tsawˇ haˬ kʼoeˇ gʼaˬ ngaˬ-ahˇ laꞈ kʼoeˇ pu kaˬ-ahˇ sheuˬ ahˇ gʼeh nehˬ laꞈ-euˬ meh. Laꞈ kʼoeˇ pu kaˬ kʼoeˇ tsahˇ-ahˇ kuˆ lawˆ nyiˬ lawˆ jaˆ-eu meh. Tiˬ lawˆ-aˬ, laꞈ oˆ paw pyawˬ-ahˇ mehˬ shi pyawˇ-ehˇ laꞈ taˆ paw pyawˬ lahˇ kʼehˬ dawˬ peh jaˆ-awˇ, tiˬ lawˆ-aˬ, laꞈ taˆ paw pyawˬ-ahˇ mehˬ shi pyawˇ-ehˇ, laꞈ oˆ paw pyawˬ lahˇ kʼehˬ dawˬ peh jaˆ-eu meh.

Yeˬsaˬgeˬlaˇ 42:3

Nymˇ kʼoeˇ nymˇ-euˬ pyawˬ ma tiˬ pyawˬ mehˬ shi, Uˬ duˬ tahˬ nymˇ nymˇ ma caw caw-ehˇ ngaˬ lmˇ jeˇ-eu pu kaˬ jaˆ-awˇ, pyawˬ ma yawˬ pyawˬ yawˬ-euˬ mehˬ shi, kʼaˬ lo teˇ byaꞈ kʼawˬ taˬ-euˬ laꞈ nyiˇ pu kaˬ jaˆ-eu meh. Nymˇ kʼoeˇ nymˇ-aˬ, dawˬ dzm loꞈ-ehˇ smˬ tiˆ jahˇ taˬ-euˬ uˬ kʼawˬ kʼoeˇ taˆ tsoˆ taˬ-euˬ meh.

Bawˇtsahˬ 3:26

Sehˬ gʼawˆ jawˬ jawˬ-ehˇ yaˇ kmˇ mˇ gaˇ taw-eu saˬ paˇ hawˇ-eu lawˇ duˬ, Sehˬ gʼawˆ yaˇ kmˇ gʼoˆ kʼehˬ-ahˇ taw-eu saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ aˬ yawꞈ maꞈ ya mˇ meh.

Bawˇtsahˬ 4:26

Sehˬ gʼawˆ hawˇ-eu lawˇ duˬ-ahˇ yaˇ kmˇ mˇ jawˬ gaˇ taw-eu saˬ paˇ hawˇ-eu aˇ caˆ deuˬ, yaˇ kmˇ gʼoˆ kʼehˬ-ahˇ taw-eu saˬ paˇ hawˇ-eu kʼoeˇ deuˬ tsoˆ ngeh zmˬ-eu keu ka deuˬ aˬ yawꞈ maꞈ ya baꞈ meh. Keu ka heu deuˬ-ahˇ taꞈ leˇ-awˇ mˇ paˬ-ehˇ gʼeh-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.

Bawˇtsahˬ 4:32

Sehˬ gʼawˆ jawˬ jawˬ-ehˇ yaˇ kmˇ mˇ lahˇ gaˇ geuꞈ-eu kʼawˇ zeuˇ, zeuˇ dahˇ, taꞈ cmˬ, aˇ caˆ hawˇ-eu, kʼoeˇ deuˬ gʼoˆ tsoꞈ ngeh zmˬ-eu keu ka dawˬ tawˆ luꞈ-ahˇ ya baꞈ-eu gaˇ pyeuꞈ-eu meh.