Doˆ-iˇ 22:7 - Akha

⁷ “Tsawˇ haˬ tiˬ gʼaˬ, yawˬ gʼaˬ yawˬ-euˬ pyuˇ hawˇ-eu aˇ poeˬ kʼaˆ-eu myawˬ gahˬ deuˬ jeˬ hmˬ nehˬ-eu gʼaˇ duˬ nui ma tsaˬ-awˇ, aˬ yawꞈ-euˬ nymˇ-ahˇ jeˬ hmˬ taˬ ngeh, smˇ kʼoeˬ bi kʼoeˬ-awˇ, smˇ kʼoeˬ nyehꞈ mi naˇ, smˇ kʼoeˬ kʼoeˇ gʼaˬ nyiˬ bymˇ ya tsoeˬ kʼoꞈ meh.

Doˆ-iˇ 22:7 Σταυροειδείς Αναφορές

Doˆ-iˇ 22:4

Tsoeˬ kʼoꞈ-eu tiˬ jeˬ-iˬ maˬ jaˆ naˇ, yawˬ ha-euˬ gʼawˇ mawˇ ahˬ-awˇ ya bi tsoeˬ tehꞈ-a.

Doˆ-iˇ 22:6

“Tsawˇ haˬ tiˬ gʼaˬ yawˬ ha-euˬ yaˇ-ahˇ miˬ dzaˬ keuˬ ngeh, aˬ cawˬ-euˬ yaˇ-ahˇ bi doꞈ nyawˬ-iˇ-awˇ, maˬ yehˬ-euˬ cehˇ puiˆ dzaˬ-euˬ maˬ ehˇ, cehˇ cehˇ bymˇ puiˆ dzaˬ-euˬ maˬ ehˇ, miˬ dzaˬ keuˬ-eu gʼaˬ ya tsoeˬ meh.

Yeˬlaˬmiˇ 2:26

Sahˬpaˬ Miˬyehˇ heu loꞈ-ehˇ ehˇ-eu meh. “Smˇ kʼoeˬ bi nyehꞈ mi ngeh ya shaꞈ dawˇ-eu loꞈ-ehˇ, naw maꞈ Iˇsaˬleˬlaˆ tsawˇ jeuˬ dawˬ tawˆ daˬ ga tehꞈ-a. Sahˬ paˬ hawˇ-eu yaw huiˬ yaw mahˇ dawˬ tawˆ maˬ ehˇ, piˇ ma hawˇ-eu miˬ yehˇ gʼaˇ duˬ ngehˬ dah-eu deuˬ maˬ ehˇ, daˬ ga-awˇ ya shaꞈ dawˇ tehꞈ-a.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Uˬ duˬ 6:1

Zahˇ sahˇ kʼoꞈ heu deuˬ Moˇseˬ-ahˇ Sahˬpaˬ Miˬyehˇ neh biꞈ nehˬ-euˬ meh.

Uˬ duˬ 6:2

Tsawˇ haˬ tiˬ gʼaˬ na, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ neh yawˬ ha-ahˇ bi jeˬ hmˬ taˬ-euˬ mˇ myawˬ maˬ biꞈ kʼoꞈ nehˬ-euˬ, aˬ cawˬ-eu myawˬ kʼoeˬ-euˬ, aˬ cawˬ kʼoeˇ taˆ kʼaˆ dzaˬ-euˬ,

Yoˇhaˬ 12:6

Shaˬ zaˬ zahˬ zaˬ deuˬ gʼaˇ duˬ shaˇ noeˬ-awˇ aˬ yawꞈ kʼoeˇ loꞈ-ehˇ ehˇ-eu maˬ ngeuˇ-a. Aˬ yawꞈ smˇ kʼoeˬ tiˬ gʼaˬ miˇ neh, kʼoeˇ loꞈ-ehˇ gʼeh-eu dawˬ ngehˬ-eu meh. Aˬ yawꞈ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-awˇ, tiˬ poˆ na pyuˇ daˬ yuˇ-awˇ aˬ yawꞈ-euˬ gʼaˇ duˬ zmˬ-eu tsawˇ haˬ pyeuꞈ-eu meh.

1 Gawˇliˬtu 6:10

smˇ kʼoeˬ kʼoeˬ-eu tsawˇ haˬ, nui kʼahˇ huiˬ-eu tsawˇ haˬ, jiˇ baˬ dawˇ yehꞈ-eu tsawˇ haˬ, aˬ cawˬ-ahˇ yehˬ bawˬ sehˇ lu-ehˇ ehˇ-eu tsawˇ haˬ, tahˇ joe joe-eu tsawˇ haˬ, heu deuˬ-aˬ, Miˬyehˇ Miˇkʼahˬ laꞈ kʼoeˇ tiˬ gʼaˬ-iˬ maˬ ya uˇ leˇ-a.