Dawˬ tsoˆ 9:1 - Akha

¹ Gaˇ kawˆ dawˬ tawˆ luꞈ-ahˇ ngaˇ yaw muiˬ paˬ-ehˇ shaˇ noeˬ duˬ leꞈ ngeh, tsawˇ gahˇ ahˇ-eu tsawˇ haˬ deuˬ hawˇ-eu yaw tsaˬ yaw dawˇ tsawˇ haˬ deuˬ kʼawꞈ, Miˬyehˇ-euˬ aˬ laꞈ laꞈ kʼoeˇ jaˆ-eu tehꞈ meh. Gaˬ-eu gaˇ kawˆ hawˇ-eu bye-eu gaˇ kawˆ kʼawꞈ, tsawˇ haˬ zaˬ-euˬ laꞈ-ahˇ jaˆ-eu maˬ ngeuˇ-a. Mehˬ hu paw kʼaˇ pyeuꞈ laˇ-eu gaˇ kawˆ deuˬ-ahˇ tiˬ gʼaˬ-iˬ maˬ siˬ duˬ nya-a.

Dawˬ tsoˆ 9:1 Σταυροειδείς Αναφορές

Yawˇbaˆ 12:10

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ Miˬyehˇ-euˬ aˬ laꞈ laꞈ kʼoeˇ jaˆ-awˇ, tsawˇ haˬ aˬ yawꞈ gʼaˬ yawꞈ-euˬ saꞈ laˇ kʼawꞈ aˬ yawꞈ-euˬ baoˬ laꞈ kʼoeˇ jaˆ jiˇ-eu meh.

Yawˇbaˆ 27:12

Gaˇ kawˆ heu deuˬ naw maꞈ-euˬ mawˇ do ya mawˇ duˬ gʼaˬ-euˬ meh. Ehˇ kʼawꞈ, aˬ jeˬ miˇ neh gaˇ dahˇ maˬ tsoeˬ-eu dawˬ heu deuˬ naw maꞈ ngehˬ te.

Yawˇbaˆ 5:8

“Ngaˬ-euˬ gʼawˇ mawˇ nawˇ pyeuꞈ law nmˇ-aˬ, Miˬyehˇ jawˇ paw ciˬ pyawˇ-awˇ gaˇ kawˆ heu aˬ yawꞈ-ahˇ a nehˬ ma.

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 119:109

Aˬ myah ya shiˇ kawꞈ, shiˇ gaˇ ngaˇ maˬ guˆ. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ.

Jaceuq 31:5

Ngaˬ-euˬsaˬlaˇgʼawˇmawˇdawˬtawˆ, nawˬ-euˬlaꞈ-ahˇ a nehˬ-eu ma. Saˇjaˇziꞈ-eu Miˬyehˇpyeuꞈ-eu, SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇka kʼoꞈ-euˬmeh.

Jaceuq 73:3

Haiˬ-eu tsawˇ haˬ deuˬ dehꞈ dzaˬ gaˇ ya mawˇ ngeh, nui ma huiˬ gaˇ mahˇ gaˇ myaˆ naˆ-euˬ ma.

Dawqdaq 16:3

Yawˬ ha noeˬ taˬ-euˬ jeˬ Sahˬpaˬ Miˬyehˇ-ahˇ a nehˬ naˇ, yaw ha mˇ-euˬ jeˬ guiˬ lahˬ za-eu meh.

Dawˬ tsoˆ 1:17

Zaˬ siˬ tsawˇ gahˇ gaˇ kawˆ hawˇ-eu aˬ dzawˬ aˇ gah-euˬ gaˇ kawˆ maˬ ehˇ, yaw muiˬ yaw doeˇ tseˇ paˆ nya-eu nui gahˇ hawˇ-eu tsawˇ uˬ-euˬ gaˇ kawˆ maˬ ehˇ, ngaˇ pyehˆ tseˇ duˬ-euˬ ma. Ehˇ kʼawꞈ, dawˬ tawˆ luꞈ jaˬ lehˇ mehˬ nah teh gaˇ duˇ-eu tehꞈ meh.

Dawˬ tsoˆ 10:14

Aˬ dzawˬ aˇ gah dawˬ saˬ dawˬ li maˬ baw-a. Mehˬ hu paw pyeuꞈ laˇ-eu gaˇ kawˆ tsawˇ haˬ tiˬ gʼaˬ-iˬ maˬ siˬ nya-a. Aˬ dui shiˇ dzeuˇ naˇ kʼah pyeuꞈ laˇ-eu gaˇ kawˆ, ehˇ nehˬ laꞈ nya-eu gʼaˬ maˬ jawˇ-a.

Dawˬ tsoˆ 7:15

Ngaˇ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ kʼawꞈ, yawˬ jeˬ na luꞈ ya mawˇ kuꞈ haw-euˬ ma. Dawˇ coe ni dehꞈ-eu yaw tsaˬ yaw dawˇ tsawˇ haˬ ziˇ teˬ-eu mawˇ haw-awˇ, maˬ tsaˬ maˬ dawˇ-eu jeˬ mˇ-eu haiˬ-eu tsawˇ haˬ ziˇ baw-eu mawˇ haw-euˬ ma.

Dawˬ tsoˆ 7:25

Ehˇ kʼawꞈ, zaˬ siˬ tsawˇ gahˇ poˆ-awˇ dzaw geuꞈ-eu gʼaˇ duˬ, ngaˇ noeˬ tsehˆ taˬ-euˬ ma. Ngaˬ-euˬ nui ma laꞈ kʼoeˇ maˬ noeˬ shaw-euˬ jeˬ shaw laˇ jiˇ-awˇ, aˬ dzawˬ dzawˬ-awˇ aˇ gah gah-eu jeˬ aˇ naˆ ni doeˇ-eu gaˇ kawˆ ciˇ tahˬ teh li nya ni, zaˬ siˬ tsawˇ gahˇ poˆ ma lehˇ ngaˇ noeˬ duˬ taˬ-euˬ ma.

Dawˬ tsoˆ 8:14

Ehˇ kʼawꞈ, kʼoeˇ loꞈ-ehˇ ehˇ-eu tiˬ jeˬ-iˬ gaˇ dahˇ maˬ tsoeˬ-a. Miˇ tsaˬ kʼoeˇ taˆ pyeuꞈ luꞈ gaˇ haw sheˇ. Tiˬ poˆ na, yaw haiˬ deuˬ iˬ baˇ mˇ-eu baˬ da neh, yaw tsaˬ yaw dawˇ tsawˇ haˬ deuˬ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ deuˬ neh mˇ-euˬ muiˬ-eu gaˇ aˇ poeˬ, haiˬ-eu tsawˇ haˬ deuˬ guiˬ lahˬ za-eu meh. Kʼoeˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a lehˇ ngaˇ ehˇ-eu ma.

Dawˬ tsoˆ 8:16

Ngaˇ zaˬ siˬ tsawˇ gahˇ ahˇ laˇ ni kʼaˇ leh jeh ngeh, miˇ tsaˬ heu kʼoeˇ taˆ kʼaˇ pyeuꞈ luꞈ-eu jeˬ-ahˇ ngaˇ shaˇ sawˇ haw luꞈ ngeh, ngaˇ heu loꞈ-ehˇ pyehˆ tseˇ duˬ-euˬ ma. Uˬ ciꞈ nah gʼahˇ maˬ ehˇ ni, nawˇ maˬ yuꞈ-ehˇ haw tsoˆ taˬ kʼawꞈ,

Dawˬ tsoˆ 8:7

Mehˬ hu paw pyeuꞈ laˇ-eu gaˇ kawˆ tiˬ gʼaˬ-iˬ maˬ siˬ nya-ehˇ, ehˇ mehˬ nehˬ laꞈ-eu gʼaˬ maˬ jawˇ-a.

Dawˬ tsoˆ 9:6

Aˬ yawꞈ maꞈ-euˬ nui gaˬ, nui bye, nui kʼahˇ, dawˬ tawˆ luꞈ aˬ yawꞈ maꞈ shiˇ ngeh shiˇ caw-awˇ, nahˇ ma heu siˬ uˬ moˆ kʼaˇ pyeuꞈ yaꞈ-euˬ jeˬ-ahˇ tiˬ pawꞈ-iˬ maˬ paˇ taꞈ meh.

Iˇsaˬyaˇ 26:12

Nga maꞈ kʼoeˇ taˆ baw le za le-eu jeˬ, Sahˬpaˬ Miˬyehˇ nawˇ biꞈ nehˬ laꞈ tehꞈ-a. Nga maꞈ neh kʼaˇ mˇ kʼaˇ shaˇ za-euˬ jeˬ, nawˬ neh biꞈ-euˬ guiˬ lahˬ tehꞈ meh.

Yeˬlaˬmiˇ 43:6

Baˬluˆ nga nyaꞈ ahˇ leˇ-ehˇ, kʼaˬ dzeˇ zaˬ hawˇ-eu zaˬ miˬ zaˬ deuˬ maˬ ehˇ, zaˬ yaw nyiˇ deuˬ maˬ ehˇ, sahˬ paˬ zaˬ miˬ deuˬ maˬ ehˇ, Baˬbuˇloˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ neh Geˬdaˬliˇ haw-u pyaˆ-eu uˬ moˆ kʼaˇ bi jawˇ yaꞈ-euˬ tsawˇ haˬ dawˬ tawˆ luꞈ-ahˇ, aˬ yawꞈ maꞈ sheuˬ ka gʼeh-euˬ meh.

Dawˬmehˬ 33:3

Aˬ yawꞈ-euˬ tsawˇ haˬ heu deuˬ-ahˇ, Sahˬpaˬ Miˬyehˇ gaˬ-eu miˇ neh, ngehˬ gʼeh dah teˬ haw piˇ-eu meh. Aˬ kuiˇ uˬ moˆ tah uˇ leˇ-awˇ, yawꞈ-euˬ ehˇ dawˬ aˬ dui geuꞈ ma.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.