Dawˬ tsoˆ 8:8 - Akha

⁸ Tsawˇ haˬ tiˬ gʼaˬ-iˬ ziˇ lahˬ maˬ ka nya-ehˇ, shiˇ nah maˬ shiˆ byoˆ nya-a. Kʼoeˇ-aˬ, aˬ dui maˬ dzeuˇ-iˇ nya ni ya deuˆ-eu guiˇ meh. Mehˇ shuiˇ maˬ shuiˇ dzeuˇ nya-a.

Dawˬ tsoˆ 8:8 Σταυροειδείς Αναφορές

Jaceuq 89:48

Tiˬ jawˇ-iˬ shiˇ-eu maˬ baw ni aˬ suˇ gʼaˬ dehꞈ nya ta. Tsawˇ haˬ zaˬ lmˬ bymˇ-ahˇ maˬ ya uˇ-iˇ ni yawˬ haˇ yawˬ ha aˬ suˇ gʼaˬ ziˇ lahˬ ka nya ta.

Yawˇbaˆ 14:5

Tsawˇ haˬ-euˬ ziˇ hawˇ-eu aˬ yawꞈ ya dehꞈ-eu ba la aˇ siˬ-ahˇ, yaw beh neh diˬ tsehˆ taˬ-euˬ meh. Nawˬ neh laˆ tsaˬ jiˇ taˬ-euˬ miˇ neh maˬ paˇ laˆ paˇ nya meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Dawˬ tsoˆ 3:21

Tsawˇ haˬ-euˬ saꞈ laˇ mˬ taˆ daˆ gʼoꞈ leˇ-awˇ, jeˬ zaˬ-euˬ saꞈ laˇ miˇ oˆ gʼoꞈ kʼoꞈ-iˇ-eu meh lehˇ aˬ suˇ gʼaˬ ehˇ tsehˆ nya ta.

Dawqdaq 14:32

Yaw haiˬ deuˬ-euˬ bawˬ toˆ yawˬ haˇ yawˬ ha paꞈ lah-awˇ, yaw tsaˬ yaw dawˇ mˇ-eu guiˬ lahˬ, tsawˇ shiˇ uˬ kʼawˇ dzeuˇ-iˇ-eu meh.

Jaceuq 9:17

Miˬyehˇ-ahˇbyehˇdzeh-euˬtsawˇjeuˬ, haiˬ-eu tsawˇhaˬkʼoeˇdeuˬdawˬtawˆ, shiˇ-eu miˇkʼahˬ-ahˇkeuˆtehꞈ-a.

2 Gawˇliˬtu 13:4

Aˬ jeˬ miˇ neh ehˇ naˇ, nahˬ jawˆ ni gʼeh-eu laꞈ kʼoeˇ aˬ yawꞈ-ahˇ laꞈ yaꞈ kʼoeˇ taˆ bi taꞈ sehꞈ-euˬ kʼawꞈ, Miˬyehˇ-euˬ baoˬ baˬ da neh nymˬ-mˇ aˬ yawꞈ dehꞈ luꞈ meh. Aˬ yawꞈ-ahˇ taꞈ-eu laꞈ kʼoeˇ nga maꞈ kʼawꞈ nahˬ jawˆ ni gʼeh-eu ma. Ehˇ kʼawꞈ, naw maꞈ nehˬ-ehˇ nga maꞈ dehꞈ taꞈ luꞈ-eu heu-aˬ, Miˬyehˇ-euˬ baoˬ-ahˇ gʼoe-awˇ Ka li nehˬ-ehˇ dehꞈ luꞈ-eu miˇ neh deuˇ geuˆ ni jaˆ luꞈ ma.

1 Gawˇliˬtu 15:43

Baꞈ pahˬ-euˬ gʼawˇ mawˇ-aˬ, maˬ haw muiˬ-eu uˬ taꞈ, gʼaˬ maˬ ahˇ-eu gʼawˇ mawˇ pyeuꞈ-eu meh. Ehˇ kʼawꞈ, bi gʼoꞈ dehꞈ laˇ-euˬ gʼawˇ mawˇ-aˬ, haw muiˬ dui dui-awˇ, gʼaˬ ahˇ-eu gʼawˇ mawˇ pyeuꞈ-eu meh.

Iˇsaˬyaˇ 28:18

Shiˇ-eu jeˬ nehˬ-ehˇ naw maꞈ saˇ jaˇ dzaˬ-euˬ cawˆ-iˇ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jeˬ pyaˆ-iˇ-eu miˇ neh, guˆ-eu gaˆ-eu jeˬ keuˆ le ngeh, naw maꞈ shaˬ zahˬ naꞈ tehꞈ-a.

Yawˇbaˆ 34:14

Miˬyehˇ neh dehꞈ luꞈ-eu saꞈ laˇ yuˇ kʼoꞈ nehˬ naˇ,

2 Saˬmeuˬlaˆ 14:14

Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

2 Sahˬpaˬ 7:15

Yawˇdaˬ lawˇ baˬ-ahˇ keuˆ ni aˬ yawꞈ maꞈ iˇ haw ngeh, gaˇ pehˇ kahˇ li-ehˇ Suˇliˆ tsawˇ haˬ deuˬ cehˆ gʼoꞈ ngeh byehˇ dzeh yaꞈ-euˬ mehˬ tsoeˬ deuˬ ga gaˇ ya mawˇ-euˬ meh. Kʼoeˇ naˇ, aˬ yawꞈ maꞈ gʼoꞈ laˇ-awˇ, gaˇ kawˆ kʼoeˇ sahˬ paˬ-ahˇ dzawˇ nehˬ-euˬ meh.

Dawˬ tsoˆ 8:13

Ehˇ kʼawꞈ, haiˬ-eu tsawˇ haˬ deuˬ ya shaˬ ya zahˬ tehꞈ-a. Aˬ yawꞈ maꞈ Miˬyehˇ ehˇ dawˬ maˬ naˇ haˬ-eu miˇ neh, dehꞈ ziˇ maˬ shehˇ-ehˇ, naˇ shmˇ shmˇ-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ byoˆ-iˇ tehꞈ-a.”

Dawqdaq 12:3

Yaw haiˬ jeˬ mˇ-awˇ nymˇ dahˬ maˬ laˆ ziꞈ nya-a. Ehˇ kʼawꞈ, yaw tsaˬ yaw dawˇ deuˬ-euˬ dawˬ pehˬ duˬ puˇ, ziꞈ dah ni jaˆ-eu meh.

Dawˬ tsoˆ 9:12

Tsawˇ haˬ tiˬ gʼaˬ-iˬ yawˬ ha-euˬ aˇ yamˬ aˇ law maˬ siˬ nya-a. Lahˇ ju-ahˇ paꞈ leˇ-euˬ aˇ jiˇ hawˇ-eu ngaˬ myahˬ-ahˇ paꞈ leˇ-euˬ ngaˬ shaˬ loꞈ-ehˇ, maˬ noeˬ miˇ-ahˇ aˬ dui kʼoeˇ taˆ yaw doeˇ jeˬ keuˆ le nya-eu meh.

Iˇsaˬyaˇ 47:10

“Yaw haiˬ jeˬ-ahˇ nawˇ kʼaˬ duˬ ni mˇ-awˇ, nawˬ neh mˇ-euˬ aˬ cawˬ maˬ mawˇ nya-a lehˇ nawˇ noeˬ meh. Nawˬ-euˬ zaˬ siˬ tsawˇ gahˇ nawˬ-ahˇ gaˇ ma sheuˬ bahˬ nehˬ-awˇ, Ngaˇ miˬ yehˇ ma. Ngaˬ-ahˇ duˇ-eu tsawˇ haˬ maˬ jawˇ, lehˇ nawˇ ehˇ meh.