Dawˬ tsoˆ 6:9 - Akha

⁹ Kʼoeˇ-aˬ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh. Aˇ dzehˬ poˆ geuꞈ-eu naˆ maˬ tseˇ, yawˬ ha kʼaˇ jaˆ-eu jeˬ-ahˇ nui kʼahˇ shiˇ-eu zaˬ dzehˬ meh.

Dawˬ tsoˆ 6:9 Σταυροειδείς Αναφορές

Yawˇbaˆ 31:7

Yaw tsaˬ yaw dawˇ gaˇ ma-ahˇ ngaˇ byehˇ dzeh-awˇ, yaw haiˬ jeˬ mˇ mawꞈ-eu nui kʼahˇ jaˆ-awˇ, ngaˬ-euˬ aˬ laꞈ neh iˬ baˇ mˇ-euˬ ngeuˇ naˇ,

Dawˬ tsoˆ 1:14

Mˬ heu siˬ-euˬ uˬ moˆ kʼaˇ pyeuꞈ luꞈ-eu yawˬ jeˬ na luꞈ ngaˇ mawˇ duˬ-euˬ ma. Gaˇ dahˇ tsoeˬ-eu tiˬ jeˬ-iˬ maˬ jaˆ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 1:17

Zaˬ siˬ tsawˇ gahˇ gaˇ kawˆ hawˇ-eu aˬ dzawˬ aˇ gah-euˬ gaˇ kawˆ maˬ ehˇ, yaw muiˬ yaw doeˇ tseˇ paˆ nya-eu nui gahˇ hawˇ-eu tsawˇ uˬ-euˬ gaˇ kawˆ maˬ ehˇ, ngaˇ pyehˆ tseˇ duˬ-euˬ ma. Ehˇ kʼawꞈ, dawˬ tawˆ luꞈ jaˬ lehˇ mehˬ nah teh gaˇ duˇ-eu tehꞈ meh.

Dawˬ tsoˆ 1:2

Dawˬ mehˬ dawˬ tsoˆ tsoˆ-eu gʼaˬ ehˇ-eu, Yawꞈ ngehꞈ meh. Yawꞈ ngehꞈ meh. Yaw dehꞈ dehꞈ-eu jeˬ-aˬ, tiˬ pawꞈ-iˬ gaˇ dahˇ maˬ tsoeˬ-a. Maˇ maˇ ni gaˇ dahˇ maˬ tsoeˬ-a.

Dawˬ tsoˆ 11:9

Zaˬ guˬ deuˬ-oˇ, zaˬ guˬ aˇ yamˬ-ahˇ nui kʼahˇ shiˇ-awˬ. Zaˬ guˬ guˬ ngeh laˬ kʼaˬ cehˇ-awˬ. Nawˬ-euˬ nui loˆ kʼaˇ jaˆ-eu loꞈ-ehˇ nui kʼahˇ tiˬ shiˇ dehꞈ-awˬ. Ehˇ kʼawꞈ, nawˬ neh kʼaˇ dehꞈ-euˬ loꞈ-ehˇ aˬ kaˇ tiˬ nah Miˬyehˇ yaˇ kʼaˬ daˇ nehˬ laꞈ gaˇ taˬ ngehˇ.

Dawˬ tsoˆ 2:11

Ngaˬ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ-ahˇ ngaˇ shaˇ sawˇ duˬ haw ngeh, ngaˇ aˇ naˆ ni shaˬ shaˬ-ehˇ mˇ dzeuˇ shaˇ dzeuˇ yaꞈ-euˬ nga. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ law hawˇ ngaˬ lehˇ ngaˇ siˬ duˬ-eu ma. Jaˬ lehˇ mehˬ nah teh-eu loꞈ-ehˇ yawꞈ ngehꞈ meh. Nahˇ ma heu siˬ uˬ moˆ tiˬ jeˬ-iˬ mˇ za shaˇ za-euˬ maˬ baw-a.

Dawˬ tsoˆ 4:4

Tsawˇ haˬ zaˬ dehꞈ dzaˬ laˇ ni gaˇ mˇ-eu leh jeh-eu-aˬ, yawˬ ha dawˬ peh dehꞈ-eu deuˬ-ahˇ myaˆ naˆ-eu miˇ neh meh lehˇ ngaˇ haw siˬ-euˬ ma. Ehˇ kʼawꞈ, kʼoeˇ loꞈ-ehˇ mˇ-eu tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 5:18

Ngaˇ heu loꞈ-ehˇ noeˬ duˬ taˬ-euˬ ma. Muiˬ dzehˬ-eu jeˬ-aˬ, Miˬyehˇ aˬ dui-ahˇ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ bi dehꞈ laꞈ ngeh, dzaˬ byawˬ dawˇ byawˬ-awˇ, aˬ dui neh mˇ-euˬ gaˇ-ahˇ nui kʼahˇ shiˇ-eu jeˬ muiˬ dzehˬ meh.

Dawˬ tsoˆ 6:2

Tsawˇ haˬ zaˬ tiˬ gʼaˬ-ahˇ Miˬyehˇ pyuˇ shuiˇ myawˬ gahˬ biꞈ-awˇ, tsawˇ myahˇ bi doˆ-euˬ uˬ taꞈ, kʼaˇ geuꞈ mawꞈ-eu jeˬ dawˬ tawˆ luꞈ ehˇ kʼaˇ maˬ za ni biꞈ byah nehˬ-euˬ meh. Ehˇ kʼawꞈ, kʼoeˇ deuˬ dawˬ tawˆ luꞈ-ahˇ aˬ yawꞈ maˬ ya geuꞈ ni, boeˇ miˬ siˬ kʼaˬ tiˬ gʼaˬ neh bi geuꞈ jiˇ-eu meh. Kʼoeˇ-aˬ, tiˬ pawꞈ-iˬ maˬ tsaˬ maˬ dawˇ-ehˇ, tiˬ jeˬ-iˬ gaˇ dahˇ maˬ tsoeˬ-a.

Yeˬlaˬmiˇ 2:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.