Dawˬ caˇ 7:1 - Akha

¹ Sahˬ paˬ zaˬ miˬ-oˇ, sehˬ nawˆ nawˬ luꞈ-eu nawˬ-euˬ aˬ kuiˇ aˇ naˆ ni haw muiˬ-eu nga. Lah joˆ ni gʼeh-eu nawˬ-euˬ shaˬ pyaˬ-aˬ, nya dui dui-eu myawˬ guˇ tehˆ-eu gʼaˬ neh tehˆ-euˬ, aˇ poeˬ kʼaˆ-eu myawˬ guˇ loꞈ-ehˇ haw muiˬ-eu meh.

Dawˬ caˇ 7:1 Σταυροειδείς Αναφορές

Aˇ dahˬ 32:3

Yaˬkoˆ-aˬ, aˬ yawꞈ oe luꞈ-eu gaˇ kawˆ Eˬdoˬ miˇ kʼahˬ-ahˇ jawˇ-eu aˬ yawꞈ-euˬ aˇ doˆ Iˇsawˇ-ahˇ bi tsaꞈ gaˬ-iˇ-eu gʼaˇ duˬ, aˬ yawꞈ-euˬ zaˬ kʼaˆ deuˬ-ahˇ mehˬ hu paw kʼehˇ gʼeh-euˬ meh.

Jaceuq 45:13

Sahˬ paˬ-euˬ miˬ shuiꞈ gʼaˬ sahˬ paˬ-euˬ nymˇ-ahˇ jawˇ luꞈ meh. Aˬ yawꞈ aˇ naˆ ni muiˬ gaˇ haw sheˇ. Aˬ yawꞈ-euˬ pehˇ kʼahˬ pehˇ mahˇ shuiˇ neh zaꞈ taˬ-euˬ meh.

Doˆ-iˇ 28:15

“Miˬyehˇ nui ma tsaˬ-eu loꞈ-ehˇ ngehˬ ngeh tmˇ ngeh maˬ ehˇ, yaˇ kʼaˬ daˇ ngeh maˬ ehˇ, zmˬ-eu gʼaˇ duˬ, piˇ ma yaw huiˬ gʼaˬ-ahˇ, kʼahˬ-ahˇ dehˬ daˬ duˬ tiˬ hmˬ ya guꞈ nehˬ meh. Pehˇ kʼahˬ pehˇ nymˇ guꞈ gaˇ zmˬ-eu saˬ paˇ hawˇ-eu saˬ kahˇ kʼoeˇ jeˬ neh, guꞈ-awˇ, aˇ boꞈ kʼawꞈ kʼoeˇ loꞈ-ehˇ ya boꞈ meh.

Doˆ-iˇ 28:42

Aˬ yawꞈ maꞈ laꞈ kʼoeˇ shaꞈ dawˇ-eu jeˬ maꞈ ya doˆ laˇ ni, aˬ yawꞈ ha-euˬ gʼawˇ mawˇ-ahˇ dm kaˬ-eu gʼaˇ duˬ, joꞈ-ahˇ neh shaˬ pyaˬ-ahˇ keuˆ ni gʼoeˬ-eu laꞈ di laꞈ deu guꞈ nehˬ-awˬ.

Doˆ-iˇ 35:35

Mawˇ kawˇ deuˬ hawˇ-eu aˇ boꞈ deuˬ taꞈ-eu ba jiˬ-euˬ gaˇ maˬ ehˇ, shawˇ jehˆ ni gʼeh-eu saˬ paˇ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ paˇ deuˬ hawˇ-eu, saˬ paˇ nui deuˬ zaꞈ nya-eu tsawˇ gahˇ maˬ ehˇ, heu deuˬ dawˬ tawˆ luꞈ-ahˇ yaw muiˬ paˬ-ehˇ mˇ nya ni, aˬ yawꞈ nyaꞈ-ahˇ tsawˇ gahˇ biꞈ taˬ-euˬ meh. Aˬ yawꞈ nyaꞈ-aˬ, yawˬ jeˬ na luꞈ mˇ nya-awˇ, gʼawˬ mya jeˬ noeˬ doˆ mˇ doˆ nya-eu gahˇ dui dui-eu tsawˇ haˬ pyeuꞈ-eu meh.

Dawˬ caˇ 7:2

Nawˬ-euˬ caˆ tahˬ-aˬ, aˬ gaꞈ dzaˇ uiˇ gʼawˬ mya jeˬ dahˬ-eu, tiˬ jawˇ-iˬ maˬ gui-iˇ-eu naˬ bo bo zah-ahˇ duˇ-eu meh. Nawˬ-euˬ uˬ maˆ-aˬ, ka paꞈ aˇ yehˆ lahˇ jawˬ taˬ-euˬ, cehˇ cehˇ dzahˬ-ahˇ duˇ-eu meh.

Daˬyeˬlaˇ 2:32

Mawˇ kawˇ kʼoeˇ-euˬ uˬ duˬ-ahˇ muiˬ dui dui-eu shuiˇ neh jahˇ taˬ-awˇ, kʼahˬ hawˇ-eu aˬ laꞈ-ahˇ pyuˇ neh jahˇ taˬ-euˬ meh. Joꞈ hawˇ-eu shaˬ pyaˬ-ahˇ guiˬ shuiˇ neh jahˇ taˬ-euˬ meh.

Luˇkaꞈ 15:22

Ehˇ kʼawꞈ, aˬ da gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ-awˇ ehˇ-eu, ‘Aˬ cawˬ naˆ maˬ tseˇ muiˬ dzehˬ-eu pehˇ kʼahˬ pehˇ mahˇ yuˇ leꞈ-awˇ ngaˬ li-ahˇ yaw kawˇ-ehˇ bi dm sheˇ. Laꞈ behˬ gʼeh bi behˬ-awˇ, sehˬ nawˆ gʼeh bi nawˆ-awˬ.

2 Gawˇliˬtu 6:18

Ngaˇ naw maꞈ-euˬ aˬ da geuꞈ-awˇ, naw maꞈ ngaˬ-euˬ zaˬ geuꞈ ma lehˇ, Baoˬ huiˬ Sahˬpaˬ Miˬyehˇ ehˇ meh.”

Eˇpeˇsu 6:15

Biˬ tsaˬ bi dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ sehˬ nawˆ nawˆ-awˬ.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Gawˇlawˇsehˇ 2:19

Aˬ yawꞈ maꞈ-aˬ, Ka li zaˬ aˇ muˇ-euˬ uˬ duˬ pyeuꞈ-eu Ka li-ahˇ maˬ paˇ tsoꞈ taꞈ ni byehˇ-euˬ meh. Uˬ duˬ pyeuꞈ-eu Ka li uˆ lahˇ-eu uˬ moˆ gʼawˇ mawˇ mawˇ lah-ehˇ gʼaˬ tiˬ byah ni ahˇ-awˇ, yoeˬ tsuiꞈ yoeˬ laꞈ hawˇ-eu shaˬ guˬ shaˬ caˆ deuˬ neh tiˬ gaˇ gʼeu tawꞈ jiˇ taˬ-euˬ miˇ neh, Miˬyehˇ nui ma tsaˬ-eu loꞈ-ehˇ huiˬ laˇ-eu meh.