Dawˬ caˇ 6:2 - Akha

² Ngaˬ-euˬ zaˬ kʼaˬ-aˬ, yaw saw jeˬ jaˆ kuꞈ-eu yaˇ kmˇ-ahˇ iˇ-euˬ meh. Yaˇ kmˇ-ahˇ yawˇ bo-awˇ, ka paꞈ aˇ yehˆ tseuˆ uiˬ-eu lehˇ iˇ-euˬ meh.

Dawˬ caˇ 6:2 Σταυροειδείς Αναφορές

Dawˬ caˇ 5:13

Aˬ yawꞈ-euˬ baˬ ba-aˬ, baw duˆ hawˇ-eu yaw saw jeˬ byah-eu yaˇ kmˇ-ahˇ duˇ-eu meh. Aˬ yawꞈ-euˬ mehˬ luˬ-aˬ, muˇ laˬ tsiˇ nyiꞈ leˇ taˬ-euˬ, ka paꞈ aˇ yehˆ-ahˇ duˇ-eu meh.

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

Yoˇhaˬ 14:3

Ngaˇ jawˇ zaˇ laˆ saˆ leˇ gʼaˬ ngeh, naw maꞈ-ahˇ paˇ sheuˬ laˬ le-awˇ, ngaˬ nehˬ-ehˇ bi jawˇ laˇ ma.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maꞈtehˬ 18:20

Aˬ jeˬ miˇ neh ehˇ naˇ, ngaˬ-euˬ tsawˇ myahˇ uˬ moˆ tsawˇ haˬ nyiˬ gʼaˬ smˇ gʼaˬ kʼaˇ uiˬ leˇ ngeh, aˬ yawꞈ maꞈ-euˬ gʼahˇ ceh ngaˇ jawˇ ma.”

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Yeˬsaˬgeˬlaˇ 34:23

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ tehꞈ-ehˇ aˬ yawꞈ maꞈ-ahˇ ngaˇ biꞈ-awˇ, aˬ yawꞈ maꞈ-ahˇ bo-eu yawˇ bo-eu yaw sahˇ bi geuꞈ ma.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Iˇsaˬyaˇ 58:11

Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Iˇsaˬyaˇ 57:1

Tsawˇ muiˬ deuˬ shiˇ-euˬ gaˇ, noeˬ keuˆ-eu tsawˇ haˬ maˬ jawˇ-a. Ehˇ kʼawꞈ, aˬ yawꞈ maꞈ shiˇ ngeh jawˇ, guˆ-eu gaˆ-eu jeˬ maˬ laˆ tsoeˬ nya-a.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Dawˬ caˇ 6:11

Aˬ laˬ moˬ aˇ bawˇ yaw kaˬ-ahˇ ngaˇ oe ka-euˬ ma. Deh kʼawꞈ-ahˇ dehꞈ laˇ-euˬ bawˇ byeꞈ deuˬ-ahˇ haw le-euˬ ma. Aˬ gaꞈ baw nmˬ nmˬ laˇ gaˇ haw le-euˬ ma. Aˇ ka uˆ aˇ bawˬ aˇ yehˆ yehˆ gaˇ haw le-euˬ ma.

Dawˬ caˇ 4:12

Ngaˇ gaˬ-eu ngaˬ-euˬ zaˬ kʼaˬ-aˬ, ciˬ cuˇ ni jaˆ-eu yaˇ kmˇ-ahˇ duˇ nya. Yaw muiˬ paˬ-ehˇ mˇ gʼoeˬ taˬ-awˇ iˇ cuꞈ lah jaˆ-eu yaˇ kmˇ-ahˇ duˇ nya.

Dawˬ caˇ 2:16

Ngaˇ gaˬ-eu gʼaˬ ngaˬ-euˬ pyeuꞈ-awˇ, ngaˇ aˬ yawꞈ-euˬ ma. Ka paꞈ aˇ yehˆ yehˆ yaˇ-ahˇ aˬ yawꞈ yawˇ bo-eu meh.

Dawˬ caˇ 4:5

Nawˬ-euˬ kʼahˬ nyiˬ pyawˬ-aˬ, boeˬ nmˬ tseuˆ dzaˬ luꞈ-eu kʼaˬ tsehˆ zaˬ nyiˬ mawˇ-ahˇ duˇ-eu meh.

Dawˬ caˇ 4:16

Laꞈ taˆ paw pyawˬ-ahˇ-euˬ jaˬ lehˇ-oˇ, noeˬ laˇ-awˬ. Laꞈ oˆ paw pyawˬ-ahˇ-euˬ jaˬ lehˇ ngaˬ-euˬ yaˇ kmˇ-ahˇ baw gʼeh laꞈ-awˇ, yaw saw jeˬ jaˬ lehˇ laꞈ kʼoeˇ hehˇ byah gʼeh-awˬ. Ngaˇ gaˬ-eu gʼaˬ aˬ yawꞈ-euˬ yaˇ kmˇ-ahˇ oe-awˇ, kuiˇ dui dui-eu aˇ siˬ deuˬ bi dzaˬ le-awˬ.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.