Dawˬ caˇ 4:6 - Akha

⁶ Mˬ bya laˇ-awˇ yaw zahˇ byoˆ-iˇ ngeh keuˆ ni, muˇ laˬ gawˬ jawˬ-ahˇ ngaˇ jawˇ ma. Tsiˇ yaw saw jeˬ-euˬ gawˬ jawˬ-ahˇ jawˇ ma.

Dawˬ caˇ 4:6 Σταυροειδείς Αναφορές

Jaceuq 66:15

Lawˇ duˬ kʼoeˇ taˆ dzah puiˆ-awˇ bi lawˇ-eu yawˇ, nawˬ-ahˇ ngaˇ damˬ nehˬ ma. Mawˇ neˇ hawˇ-eu ciꞈ myehꞈ ngaˇ lawˇ-awˇ, mˬ kʼoeˇ taˆ uˬ kʼoeˬ bi le keuˆ ma.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Doˆ-iˇ 30:8

Uˬ ciꞈ uˬ taw paw aˬ yawꞈ tsiˇ kʼmˬ laˆ saˆ doꞈ laˇ ngeh kʼawꞈ, kʼoeˇ loꞈ-ehˇ ya jahˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, yaw saw jeˬ doꞈ-awˇ damˬ-eu heu, tiˬ jawˇ-iˬ maˬ ya bi tsehˆ leˇ-a.

Doˆ-iˇ 37:29

Tsiˇ yaw saw jeˬ jahˇ ngeh, gʼawˬ mya jeˬ keuˬ-awˇ jahˇ-euˬ loꞈ-ehˇ, tseˇ doˆ-euˬ deuˬ-ahˇ lehꞈ-eu gʼaˇ duˬ, muiˬ-eu shawˇ-eu tsiˇ hawˇ-eu saw dui dui-eu doꞈ-awˇ damˬ-eu jeˬ kʼawꞈ aˬ yawꞈ jahˇ-euˬ meh.

Dawˬ caˇ 2:17

Mˬ bya laˇ-awˇ yaw zahˇ byoˆ-iˇ ngeh keuˆ ni bo-eu meh. Ngaˇ gaˬ-eu gʼaˬ-oˇ, ciˇ haˬ loꞈ-ehˇ cehˆ gʼoꞈ gʼeh-awˬ. Kʼaˬ lo gahˬ-ahˇ cehˆ-eu yaˬ loꞈ-ehˇ gʼoꞈ-iˇ-awˬ.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Dawˬ caˇ 4:14

Saˬ poˬ, gaˬ laˬ muˇ, siˬ naˬ moˬ aˇ bawˇ hawˇ-eu tsiˇ yaw saw aˇ bawˇ kʼaˇ ngeuˇ-eu jeˬ kʼoeˇ gaˇ dehꞈ-eu meh. Muˇ laˬ hawˇ-eu Aˇ jawˬ aˇ bawˇ maˬ ehˇ, saw dui dui-eu tsiˇ yaw saw aˇ bawˇ deuˬ kʼoeˇ gaˇ dehꞈ kuꞈ-eu meh.

Dawˬ caˇ 8:14

Ngaˇ gaˬ-eu gʼaˬ-oˇ, kʼaˬ tsehˆ loꞈ-ehˇ ngaˇ jawˇ gaˇ coeˬ gʼeh leꞈ-awˬ. Aˇ bawˇ yaw saw gʼawˬ mya ni dehꞈ-eu gawˬ jawˬ-ahˇ jawˇ-eu kʼaˬ tsehˆ zaˬ loꞈ-ehˇ, yaw kawˇ-ehˇ coeˬ gʼeh leꞈ-awˬ.

Iˇsaˬyaˇ 2:2

Aˬ kaˇ mehˬ hu paw keuˆ le-eu aˇ nah aˇ yamˬ laꞈ kʼoeˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma jaˆ-eu gawˬ jawˬ kʼoeˇ, gawˬ jawˬ dawˬ tawˆ luꞈ kʼoeˇ taˆ goˇ dzehˬ laˇ-awˇ, gawˬ duˇ dawˬ tawˆ luꞈ kʼoeˇ taˆ jaˆ tehꞈ-a. Tsawˇ jeuˬ dawˬ tawˆ luꞈ kʼoeˇ gaˇ le uiˬ jiˇ-awˇ,

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Luˇkaꞈ 1:78

Aˬ dui Miˬyehˇ nui nahˬ ahˇ-awˇ, gʼawˬ shaˬ gaˬ nya dui dui-eu meh. Ka kʼoꞈ-eu jeˬ aˬ dui kʼoeˇ taˆ, uˬ bya bya shawˇ laˇ-eu loꞈ-ehˇ,

2 Beˬtuˆluˆ 1:19

Kʼoeˇ miˇ neh, Miˬyehˇ gʼaˇ duˬ ngeh dah-eu deuˬ neh ngehˬ yaꞈ tmˇ yaꞈ-euˬ dawˬ deuˬ-ahˇ nga maꞈ jah dzehˬ laˇ-euˬ ma. Dawˬ kʼoeˇ deuˬ-ahˇ naw maꞈ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, kʼoeˇ-aˬ, Aˇ nah kʼoeˇ nah uˬ bya bya taw taw laˇ-awˇ naw maꞈ-euˬ nui ma laꞈ kʼoeˇ shawˬ ga shawˬ muiˇ tsehˬ laˇ ngeh keuˆ ni, yaw zahˇ laꞈ kʼoeˇ yaw shehꞈ bya nehˬ laꞈ-eu tsiˇ kʼmˬ-ahˇ duˇ-eu meh.

1 Yoˇhaˬ 2:8

Ehˇ kʼawꞈ, nymˬ-mˇ ngaˇ naw maꞈ jawˇ gaˇ boꞈ ahˇ laꞈ-euˬ dawˬ heu-aˬ, yaw shuiꞈ lehˇ ehˇ nya ma. Aˬ jeˬ miˇ neh ehˇ naˇ, dawˬ heu-euˬ yaw tsaˬ yaw dawˇ jeˬ-ahˇ Ka li-euˬ laꞈ kʼoeˇ ya mawˇ-awˇ, naw maꞈ-euˬ laꞈ kʼoeˇ kʼawꞈ ya mawˇ-eu meh. Aˬ jeˬ miˇ neh ehˇ naˇ, yaw zahˇ byoˆ-iˇ luꞈ-awˇ, maˇ jawˆ ni gʼeh-eu yaw shehꞈ nymˬ-mˇ bya doˆ le-euˬ meh.

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”

Panmaeq 5:8

Kʼoeˇ loꞈ-ehˇ yuˇ laˬ leˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, Yawˇzaˬ-euˬ mehˬ shi awˆ byaˆ-euˬ meh. Aˬ yawꞈ maꞈ yawˬ gʼaˬ na luꞈ, deuˇ-mˬ tiˬ siˬ hawˇ-eu tsiˇ yaw saw jeˬ tiˬ byah ni dahˬ-eu shuiˇ naˬ bo deuˬ ahˇ-eu meh.