Dawˬ caˇ 1:11 - Akha

¹¹ Pyuˇ toeˬ taˬ-euˬ shuiˇ nawˬ-ahˇ ngaˇ maꞈ bi geuꞈ ma.

Dawˬ caˇ 1:11 Σταυροειδείς Αναφορές

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Jaceuq 149:4

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui kʼahˇ shiˇ-eu meh. Nui nahˬ nui yu ahˇ-eu deuˬ-ahˇ aˬ cawˬ kʼoeˇ taˆ bi gʼaˬ leˇ-eu laꞈ kʼoeˇ taˬ huiˬ taˬ mahˇ nehˬ-eu meh.

Dawˬ caˇ 8:9

Aˬ yawꞈ meuˬ meuˬ lahˇ law nmˇ-aˬ, pyuˇ nymˇ goˇ tsoˆ tsoeˬ ma. Aˬ yawꞈ meuˬ lahˇ kʼehˬ pyeuꞈ law nmˇ-aˬ, shuˬ liˇ daˇ kawˬ neh kawˬ tsoeˬ ma.

Aˇ dahˬ 1:26

Kʼoeˇ naˇ, “Aˬ dui maꞈ-euˬ aˇ gʼehˇ-ahˇ duˇ-eu tsawˇ haˬ zaˬ deuˬ-ahˇ beh kaˇ-euˇ. Aˬ yawꞈ maꞈ aˬ dui-ahˇ duˇ-awˇ, ngaˬ shaˬ ngaˬ deˇ deuˬ kʼoeˇ taˆ maˬ ehˇ, bawˇ tsahˬ jeˬ zaˬ hawˇ-eu cu nya-eu jeˬ zaˬ yaw yah deuˬ yaw huiˬ yaw nyiˇ dawˬ tawˆ luꞈ kʼoeˇ taˆ maˬ ehˇ, baoˬ jaˆ tehꞈ-a” lehˇ Miˬyehˇ ehˇ-eu meh.

Dawˬ caˇ 1:10

Nawˬ-euˬ baˬ ba kʼoeˇ taˆ jaˆ-eu uˬ duˬ tsehˇ kahˇ muiˬ dui dui-awˇ, shuiˇ caˆ sehˇ caˆ loꞈ-ehˇ kawˬ lahˇ kʼoeˇ taˆ ga gʼeu-eu meh.

Dawˬ caˇ 1:12

Ngaˬ-euˬ sahˬ paˬ ja ciˬ-ahˇ yuꞈ luꞈ ngeh, ngaˬ-euˬ saw dui dui-eu tsiˇ jaˬ lehˇ-ahˇ byah luꞈ meh.

Yeˬsaˬgeˬlaˇ 16:12

Naˇ mehˇ naˇ yoˆ hawˇ-eu naˬ tsiˇ naˬ yoˆ bi geuꞈ kuꞈ-awˇ, muiˬ dui dui-eu shuiˇ uˬ kʼoˆ bi kʼoˆ-euˬ ma.