Dawqdaq 7:3 - Akha

³ Dawˬ kʼoeˇ deuˬ nawˬ-euˬ laꞈ noeˇ laꞈ ma-ahˇ paꞈ tawꞈ taˬ-awˇ, nawˬ-euˬ nui ma laꞈ kʼoeˇ boꞈ ahˇ taˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Dawq khoerdeuq, nawq-euq lafnoer-anr paftawf taq-awr, Nawq-euq nuima-euq terbyaf-anr bofmyanq taq-awq.

Dawqdaq 7:3 Σταυροειδείς Αναφορές

Dawqdaq 3:3

Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Dawqdaq 4:21

Dawˬ kʼoeˇ deuˬ maˬ bi iˇ byoˆ ni, nawˬ-euˬ nui ma laꞈ kʼoeˇ juiˇ taˬ-awˬ.

Dawqdaq 6:21

Dawˬ kʼoeˇ deuˬ nawˬ-euˬ nui ma-ahˇ paꞈ tawꞈ-awˇ, nawˬ-euˬ kawˬ lahˇ-ahˇ dah-awˬ.

Dawqdaq 7:4

Zaˬ siˬ tsawˇ gahˇ-ahˇ nawˬ-euˬ dmˇ ma loꞈ-ehˇ sawˇ-awˇ, noeˬ siˬ noeˬ mawˇ nya-eu jeˬ-ahˇ nawˬ-euˬ cawˬ loꞈ-ehˇ sawˇ-awˬ.

Iˇsaˬyaˇ 30:8

Tsawˇ haˬ heu deuˬ haiˬ dui dui-eu gaˇ kawˆ, aˬ kaˇ kaˇ ziˇ keuˆ ni maˬ bi ngehˇ ni, sahˬ boꞈ laꞈ kʼoeˇ boꞈ ahˇ taˬ-eu gʼaˇ duˬ, Miˬyehˇ ngaˬ-ahˇ kʼehˇ le-euˬ meh.

Iˇsaˬyaˇ 59:21

Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”

Yeˬlaˬmiˇ 17:1

Sahˬpaˬ Miˬyehˇ ehˇ-eu, “Yuˇdaˆ tsawˇ haˬ deuˬ-oˇ, naw maꞈ-euˬ iˬ baˇ-ahˇ shmˇ sahˬ duˇ neh boꞈ taˬ-euˬ meh. Gʼahˇ dui dui-eu kʼaˬ lo sehˇ daˇ ceh neh naw maꞈ-euˬ nui ma-ahˇ kawˆ boꞈ taˬ-awˇ, naw maꞈ-euˬ lawˇ duˬ laꞈ coeˇ doe ni taꞈ boꞈ taˬ-euˬ meh.

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

2 Gawˇliˬtu 3:3

Naw maꞈ-aˬ, Ka li neh boꞈ ahˇ leꞈ-awˇ nga maꞈ neh hehˇ leꞈ-euˬ sahˬ boꞈ tiˬ dzeh pyeuꞈ-eu meh. Sahˬ boꞈ heu dzeh-ahˇ sahˬ uiˇ zmˬ-awˇ boꞈ taˬ-euˬ maˬ ngeuˇ-a. Dehꞈ luꞈ-eu Miˬyehˇ-euˬ Yaw sahˇ-ahˇ zmˬ-awˇ boꞈ taˬ-euˬ meh. Kʼaˬ lo teˇ byaꞈ kʼoeˇ taˆ boꞈ taˬ-euˬ maˬ ngeuˇ-a. Tsawˇ haˬ-euˬ nui ma teˇ byaꞈ kʼoeˇ taˆ boꞈ taˬ-euˬ meh.