Dawqdaq 7:17 - Akha

¹⁷ Muˇ laˬ, aˬ loˬ, siˬ naˬ moˬ tsiˇ yaw saw deuˬ, yuꞈ zaˇ kʼoeˇ taˆ byaˆ shehˬ taˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Ngar, ngaq-euq yufzar-anr murlaq, Aqloq hawr-eu siqnaqmoq nae lavsaw taq-euq ma.

Dawqdaq 7:17 Σταυροειδείς Αναφορές

Jaceuq 45:8

Muˇ laˬ hawˇ-eu aˇ jawˬ tsiˇ yaw saw jeˬ, nawˬ-euˬ mehˬ tsoeˬ kʼoeˇ taˆ saw luꞈ-eu meh. Ya ma juiˇ neh laˆ muiˬ taˬ-euˬ sahˬ paˬ-euˬ hawˇ nymˇ laꞈ kʼoeˇ, dawˬ caˇ caˇ-eu deuˬ nawˬ-euˬ mehˬ shi caˇ mehˬ tehꞈ-a.

Jaceuq 45:9

Nawˬ-euˬ nymˇ laꞈ kʼoeˇ jawˇ luꞈ-eu zaˬ miˬ deuˬ laꞈ kʼoeˇ, sahˬ paˬ zaˬ miˬ deuˬ kʼawꞈ ahˇ-awˇ, muiˬ dui dui-eu shuiˇ myawˬ guˇ deuˬ geuꞈ luꞈ-eu sahˬ paˬ-euˬ miˬ zaˬ gʼaˬ, nawˬ-euˬ nuiˇ mahˬ aˇ maˇ paw yawꞈ luꞈ meh.

Doˆ-iˇ 30:23

“Muiˬ dui dui-eu yaw saw jeˬ pyeuꞈ-eu, muˇ laˬ dzaˇ uiˇ smˇ jawꞈ-i koꞈ kaˇ, saw dui dui-eu cawˬ kʼaˬ cawˬ piˇ tiˬ jawꞈ-i yehꞈ kaˇ, saw dui dui-eu pawˬ coeˇ tiˬ jawꞈ-i yehꞈ kaˇ,

Dawqdaq 7:18

Oe-awˬ, uˬ bya bya laˇ ngeh keuˆ ni, nui kʼahˇ tiˬ shiˇ kʼaˬ miˬ sheu-awˇ, tiˬ dehˆ yuꞈ taꞈ jawˇ taꞈ kaˇ-euˇ.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Yeˬsaˬgeˬlaˇ 27:19

Uˇzaˬlaˇ meuˬ-ahˇ jawˇ-eu Daˬniˇ tsawˇ haˬ hawˇ-eu Heˬlaˬshaˆ tsawˇ haˬ deuˬ, maˇ dui dui-eu shmˇ hawˇ-eu, tsiˇ yaw saw gʼawˬ mya jeˬ hehˇ leꞈ-awˇ, nawˬ-euˬ myawˬ zeuˇ geuꞈ le-eu meh.

Yoˇhaˬ 19:39

Yaw beh Yeˬsuˇ-ahˇ uˬ ciꞈ tiˬ miˇ tahˬ puˬ leˇ haw-euˬ Niˇgawˇdeˬ kʼoeˇ gʼaˬ kʼawꞈ, muˇlaˬ hawˇ-eu aˇjawˬ keuˬ-awˇ jahˇ taˬ-euˬ mawˇ tawˆ tawˆ gaˇ zmˬ-eu tsiˇ yaw saw jeˬ nyiˬ tseˇ jawꞈ-i ehˇ gʼaˬ ni yuˇ-awˇ, Yoˇsehˆ nehˬ-ehˇ iˇ-euˬ meh.