Dawqdaq 7:1 - Akha

¹ Ngaˬ li-oˇ, ngaˬ neh kʼaˇ ehˇ-euˬ jeˬ juiˇ uiˬ taˬ-awˬ. Pyuˇ shuiˇ jeˬ hmˬ taˬ-eu loꞈ-ehˇ, ngaˬ neh mehˬ nehˬ tsoˆ nehˬ-euˬ dawˬ deuˬ jeˬ hmˬ taˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq zaqyo-or! Ngaq-euq dawqdeuq jeqhmq-awr, Ngaq-euq khaerdawq, nawq-euq lafkhoer juiruiq taq-awq.

Dawqdaq 7:1 Σταυροειδείς Αναφορές

Yawˇbaˆ 22:22

Aˬ yawꞈ mehˬ-eu tsoˆ-eu jeˬ-ahˇ naˇ haˬ geuꞈ-awˇ, aˬ yawꞈ-euˬ dawˬ nawˬ-euˬ nui ma laꞈ kʼoeˇ bi ahˇ-awˬ.

Dawqdaq 1:8

Ngaˬ li-oˇ, nawˬ da dawˬ mehˬ dawˬ tsoˆ tsoˆ gaˇ naˇ haˬ geuꞈ-awˇ, nawˬ ma neh mehˬ nehˬ laꞈ-euˬ dawˬ-ahˇ taˬ byehˇ.

Dawqdaq 10:14

Nui gahˇ ahˇ-eu deuˬ zaˬ siˬ tsawˇ gahˇ poˆ uiˬ-awˇ, aˬ dzawˬ aˇ gah dawˬ ngehˬ ngeh, yaw cawˆ jeˬ kuˇ uiˬ gaˇ duˇ-eu meh.

Dawqdaq 3:1

Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawqdaq 4:21

Dawˬ kʼoeˇ deuˬ maˬ bi iˇ byoˆ ni, nawˬ-euˬ nui ma laꞈ kʼoeˇ juiˇ taˬ-awˬ.

Dawqdaq 5:5

Shiˇ-eu miˇ kʼahˬ paw aˬ yawꞈ kuiˇ toꞈ ciˬ gʼeh-eu meh. Aˬ yawꞈ-euˬ gaˇ ma-aˬ, shiˇ-eu gaˇ ma meh.

Dawqdaq 6:20

Ngaˬ li-oˇ, nawˬ da neh mehˬ-euˬ dawˬ-ahˇ taˬ ngehˇ, nawˬ ma neh tsoˆ-euˬ dawˬ-ahˇ taˬ byehˇ.

Dawqdaq 6:35

Pyuˇ shuiˇ doˆ gaˇ maˬ geuꞈ mawꞈ-ehˇ, nui ma pehˇ gaˇ maˬ tsoeˬ kʼoꞈ jiˇ coeˇ-a.

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Luˇkaꞈ 8:15

Miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ dawˬ kawˬ-ahˇ ya gaˬ ngeh, dawˇ coe ni gʼeh-eu muiˬ-eu jaˬ-eu nui ma laꞈ kʼoeˇ jeˬ hmˬ taˬ-awˇ, aˇ siˬ siˬ le ngeh keuˆ ni dawˬ kʼoeˇ deuˬ-ahˇ ziꞈ dah ni nyehꞈ tehˬ taˬ-eu tsawˇ haˬ deuˬ-ahˇ ehˇ mawꞈ-eu meh.

Yoˇhaˬ 14:23

Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Dawˬmehˬ 11:28

Ehˇ kʼawꞈ, zahˇ dawˬ kʼoꞈ dawˬ heu deuˬ-ahˇ maˬ naˇ haˬ geuꞈ ni byehˇ dzeh yaꞈ-awˇ, naw maꞈ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ uˬ duˬ tahˬ naˇ, yaˬ kʼehˇ yaˬ-eu jeˬ-ahˇ naw maꞈ za tehꞈ-a.

Panmaeq 1:3

Sahˬ boꞈ heu taꞈ-ahˇ kʼaˇ gui-eu tsawˇ haˬ guiˬ lahˬ huiˬ-eu meh. Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ ya gaˬ-eu laꞈ kʼoeˇ, heu gaˇ kʼaˇ boꞈ taˬ-euˬ gaˇ kawˆ deuˬ-ahˇ kʼaˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, heu gaˇ kʼaˇ ehˇ taˬ-euˬ jeˬ dawˬ tawˆ luꞈ keuˆ le-eu aˇ yamˬ dawˬ peh peh laˇ-euˬ meh.

Panmaeq 22:9

Ehˇ kʼawꞈ, aˬ yawꞈ ngaˬ-ahˇ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ pyeuꞈ-eu Miˬyehˇ gʼaˇ duˬ ngehˬ dah-eu deuˬ hawˇ-eu, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.”