Dawqdaq 3:2 - Akha

² Ngaˬ neh mehˬ-euˬ tsoˆ-euˬ dawˬ deuˬ-aˬ, nawˬ-ahˇ bi baw bi za le-awˇ, nawˇ ziˇ baw ziˇ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqjeq mirnae aernar-aq, Heu-aq, nawr daef-eu arnan lavmanr nya-awr, zir bibaw bi zale-eu uqtaf, Nuisar of-eu jeq khawf nawq-anr lanqnaeq laf-eu mae.

Dawqdaq 3:2 Σταυροειδείς Αναφορές

1 Sahˬpaˬ 3:14

Nawˬ da Daˬbiˇ loꞈ-ehˇ ngaˬ-euˬ zahˇ dawˬ kʼoꞈ dawˬ-ahˇ nawˇ caw teh-awˇ, ngaˬ-euˬ dawˬ-ahˇ nawˇ naˇ haˬ geuꞈ naˇ, ziˇ baw ziˇ za-euˬ guiˬ lahˬ nawˬ-ahˇ ngaˇ biꞈ ma.”

Yawˇbaˆ 5:26

Cehˇ yehˬ ngeh yamˬ-ahˇ myah laˇ-euˬ cehˇ loꞈ-ehˇ, mawˬ-iˇ ngeh keuˆ ni nawˇ ya dehꞈ tehꞈ-a.

Jaceuq 119:165

Nawˬ-euˬ zahˇ dawˬ kʼoꞈ dawˬ-ahˇ gaˬ-eu deuˬ guˆ kʼaˇ maˬ za-ehˇ, aˬ yawꞈ maꞈ coˬ-iˇ ni maˬ jahˇ nya-a.

Jaceuq 128:6

Nawˬ-euˬ oeˬ paˬ oeˬ ma-ahˇ ya mawˇ ngeh keuˆ ni, nawˇ ziˇ baw ziˇ za le luꞈ-uˇ. Iˇsaˬleˬlaˆ tsawˇ jeuˬ nui saˇ oꞈ luꞈ-uˇ.

Jaceuq 21:4

Aˬyawꞈnawˬ-ahˇziˇlahˬshaˇngeh, ziˇza guiˬlahˬ nawˇbiꞈ-euˬmeh.

Jaceuq 91:16

Ziˇ baw za-eu guiˬ lahˬ biꞈ-awˇ, ngaˬ-euˬ ka kʼoꞈ-eu guiˬ lahˬ yaw dzahˇ biꞈma.

Dawqdaq 10:27

Sahˬpaˬ Miˬyehˇ-ahˇ guˆ-eu tsawˇ haˬ ziˇ baw-awˇ, haiˬ-eu tsawˇ haˬ deuˬ ziˇ maˬ ya dehꞈ jiˇ-a.

Dawqdaq 16:31

Yaw tsaˬ yaw dawˇ tsawˇ haˬ ziˇ baw-awˇ, uˬ duˬ dehꞈ pyuˇ-eu jeˬ yaw shehꞈ kʼahˬ sehˇ tiˬ jeˬ meh.

Dawqdaq 4:10

Ngaˬ li-oˇ, nawˇ ziˇ baw ziˇ za ni, ngaˬ neh ehˇ-euˬ dawˬ-ahˇ yaw muiˬ paˬ-ehˇ naˇ haˬ geuꞈ-awˬ.

Dawqdaq 4:4

ngaˬ da ngaˬ-ahˇ heu loꞈ-ehˇ mehˬ nehˬ laꞈ-euˬ meh. Ngaˬ-euˬ dawˬ-ahˇ nui ma laꞈ kʼoeˇ maˬ ngehˇ ni juiˇ taˬ-awˇ, ngaˇ mehˬ-eu jeˬ-ahˇ ziꞈ dah ni tuˆ tehˬ-awˇ dehꞈ-awˬ.

Dawqdaq 9:11

Zaˬ siˬ tsawˇ gahˇ nawˬ-ahˇ ziˇ bi baw-awˇ, nawˬ-euˬ aˇ kʼoꞈ bi mahˇ dzehˬ laˇ tehꞈ-a.

Iˇsaˬyaˇ 32:17

Tsawˇ haˬ yawˬ gʼaˬ na luꞈ yaw tsaˬ yaw dawˇ jeˬ-ahˇ poˆ-eu miˇ neh, nui saˇ oꞈ-awˇ coꞈ ngehˇ ni gʼeh-eu jeˬ, mˬ maˬ maˬ byaˆ zaˇ ziˇ keuˆ le tehꞈ-a.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

Dawˬmehˬ 11:21

Kʼoeˇ loꞈ-ehˇ jahˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, naw maꞈ hawˇ-eu naw maꞈ-euˬ zaˬ deuˬ gʼawˬ myahˇ ni ya jawˇ tehꞈ-a. Mˬ hawˇ-eu miˇ kʼaˇ jaˆ kʼoeˇ keuˆ ni, kʼoeˇ gaˇ naw maꞈ ya jawˇ tehꞈ-a.

Dawˬmehˬ 5:32

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ maˬ ngehˇ ni mˇ-awˬ. Aˬ yawꞈ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni tiˬ dawˬ-iˬ taˬ byehˇ.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.