Dawqdaq 27:8 - Akha

⁸ Iˇ kahˇ byehˇ-awˇ cah byoˆ-euˬ tsawˇ haˬ-aˬ, bahˬ-ahˇ gaˇ mahˇ zaw kaˬ-euˬ aˇ jiˇ zaˬ-ahˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yawqha-euq nymr-anr nae, irbyov ghae-euq tsawrhaq-aq, Yawqha-euq banq-anr nae, zawbyov ghae-euq jartseuv-anr dur-eu mae.

Dawqdaq 27:8 Σταυροειδείς Αναφορές

Aˇ dahˬ 21:14

Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Aˇ dahˬ 4:16

Kʼoeˇ naˇ, Sahˬpaˬ Miˬyehˇ-euˬ mehˬ shi neh Gaˬiˇnaˆ iˇ doˆ gʼeh-awˇ, Eˬdeˬ yaˇ kmˇ-euˬ nahˇ ma doˆ kʼehˬ paw jaˆ-eu Nawˇdaˆ miˇ kʼahˬ-ahˇ jawˇ-iˇ-euˬ meh.

1 Sahˬpaˬ 11:22

“Nawˇ aˬ jeˬ miˇ neh gʼoꞈ leˇ mawꞈ-eu nya. Ngaˬ neh nawˬ-ahˇ tiˬ jeˬ paˬ maˬ mˇ byah nehˬ-euˬ jaˆ ta loˇ. Kʼoeˇ miˇ neh nawˇ gʼoꞈ leˇ mawꞈ te loˇ” lehˇ, aˬ yawꞈ-ahˇ sahˬ paˬ ehˇ-eu meh. Ehˇ kʼawꞈ, Haˬdaˇ gʼaˬ aˬ yawꞈ-ahˇ bi gʼoꞈ leˇ laꞈ lehˇ paˇ ehˇ-awˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Eˬdoˬ miˇ kʼahˬ-euˬ sahˬ paˬ pyeuꞈ-eu Haˬdaˇ-aˬ, Iˇsaˬleˬlaˆ miˇ kʼahˬ-ahˇ muiˇ-eu haiˬ-eu tsawˇ haˬ tiˬ gʼaˬ pyeuꞈ-eu meh.

1 Sahˬpaˬ 19:9

Kʼoeˇ gaˇ uˬ ciꞈ tiˬ miˇ yaꞈ bya-eu gʼaˇ duˬ, lo kʼahˬ tiˬ kʼahˬ laꞈ kʼoeˇ aˬ yawꞈ uˇ leˇ-euˬ meh. Ja pyuˬ ni, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ le-awˇ, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ ehˇ-eu meh.

Dawqdaq 21:16

Nui ma-ahˇ maˬ noeˬ ni dehꞈ-eu deuˬ-euˬ mehˬ hu, shiˇ-eu jeˬ dawˬ luꞈ meh.

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Dawqdaq 27:7

Uˬ maˆ dehˆ ngeh byaˬ byaˬ uiˇ-ahˇ maˬ haw nahˇ kʼawꞈ, mehꞈ le shuꞈ le-euˬ mehˬ hu, gʼawˬ kʼaˬ yaw coeˇ coeˇ-eu meh.

Iˇsaˬyaˇ 16:2

Bahˬ-ahˇ uˇ-eu bi teh doˆ-euˬ aˇ jiˇ loꞈ-ehˇ, Mawˇbaˆ tsawˇ haˬ deuˬ Aˬnoˬ lawˇ baˬ lawˇ dzeˇ, gʼoꞈ laˆ gʼoꞈ dmˇ-ehˇ cah-awˇ dawˬ luꞈ meh.

Yawˇnaˆ 1:3

Ehˇ kʼawꞈ, Yawˇnaˆ-aˬ, Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ, yawˬ paw yawˬ iˇ gʼeh-euˬ meh. Yuˇbeˬ meuˬ-ahˇ aˬ yawꞈ iˇ-awˇ, Saˬbeˬ miˇ kʼahˬ-ahˇ iˇ-eu lehˇ gʼeh luꞈ-eu saˇ baoˬ tiˬ laˇ iˇ puˬ-euˬ meh. Aˬ yawꞈ saˇ baoˬ dziˬ poeˬ biꞈ-awˇ, saˇ baoˬ kʼoeˇ taˆ gaˇ mˇ-eu tsawˇ haˬ deuˬ nehˬ-ehˇ dziˬ leˇ-awˇ, (Saˬbeˬ miˇ kʼahˬ-ahˇ) Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ iˇ gʼeh-euˬ meh.

1 Gawˇliˬtu 7:20

Yawˬ gʼaˬ na luꞈ Miˬyehˇ neh kuˇ-euˬ jeˬ-ahˇ ha geuꞈ ngeh kʼaˇ pyeuꞈ luꞈ-eu loꞈ-ehˇ dehꞈ gʼeh-eu tsaˬ meh.

Yuˇdaˆ 1:13

Aˬ yawꞈ maꞈ-aˬ, iˬ ma laˆ shaˆ iˇ luˆ dzeh gaˇ duˇ-awˇ, yawˬ ha neh mˇ-euˬ shaꞈ dawˇ dui dui paˬ-ehˇ gʼeh-eu jeˬ boeˇ loeˇ yoˆ-i bi siˬ bi mawˇ-eu meh. Miˬyehˇ neh lehˬ hmˬ taˬ-euˬ yaw zahˇ zahˇ dui dui-eu jawˇ duˬ-ahˇ mˬ maˬ maˬ byaˆ zaˇ ziˇ ya jawˇ leˇ-eu, gaˇ ma maˬ poˆ ni doe doe gʼa gʼa-ehˇ cah luꞈ-eu aˬ guiˇ-ahˇ duˇ-eu meh.

1 Saˬmeuˬlaˆ 22:5

Kʼoeˇ naˇ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu, Gaˆ lehˇ myahˇ-euˬ tiˬ gʼaˬ Daˬbiˇ jawˇ gaˇ oe-awˇ, “Nawˇ heu gaˇ maˬ paˇ jawˇ ni Yuˇdaˆ miˇ kʼahˬ-ahˇ yaw kawˇ-ehˇ iˇ-awˬ” lehˇ ehˇ le-euˬ meh. Kʼoeˇ ngeh, Daˬbiˇ doˆ-iˇ-awˇ, Hehˇyehˆ lehˇ kuˇ-eu bawˇ tsahˬ bawˇ dahˇ-ahˇ jawˇ-iˇ-euˬ meh.