Dawqdaq 27:5 - Akha

⁵ Tsawˇ haˬ tiˬ gʼaˬ-ahˇ nawˇ maˬ haw nahˇ-eu gaˇ kawˆ siˬ leˇ ni maˬ haw cawˬ-ehˇ jawˇ-eu naˆ maˬ tseˇ, bya tsehˆ ni mehˬ paˇ nehˬ-eu jeˬ muiˬ dzehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Byacaevni maeqpar naeq-eu-aq, Zaftaq-euq gaq-eu jeq navmaqtser muiqdzaeq-eu mae.

Dawqdaq 27:5 Σταυροειδείς Αναφορές

Dawqdaq 28:23

Ja poeˬ nya-eu gʼaˬ-ahˇ naˆ maˬ tseˇ, mehˬ paˇ tsoˆ paˇ nehˬ-eu gʼaˬ-ahˇ aˬ cawˬ guiˬ lahˬ huiˬ-eu meh.

Uˬ duˬ 19:17

“Aˬ cawˬ kʼoeˇ taˆ nui ma taˬ laˆ jaˆ. Ehˇ kʼawꞈ, aˬ cawˬ baˬ da neh yawˬ ha laꞈ kʼoeˇ iˬ baˇ maˬ ya doˆ laˇ ni, aˬ cawˬ nehˬ-ehˇ jahˇ tsaˬ geuꞈ-awˬ.

Maꞈtehˬ 18:15

Nawˬ-euˬ mehˇ nmˇ nawˬ-ahˇ mˇ lehˬ laꞈ naˇ, aˬ yawꞈ jawˇ gaˇ iˇ-awˇ, aˬ yawꞈ-euˬ yaw lehˬ toeˬ mehˬ nehˬ-awˬ. Kʼoeˇ loꞈ-ehˇ jahˇ ngeh, yawˬ ha mehˇ nmˇ yaw kaˬ tehꞈ-ehˇ ciˬ cuˇ ni jahˇ-awˬ. Nawˬ-euˬ ehˇ dawˬ-ahˇ aˬ yawꞈ naˇ haˬ nehˬ laꞈ naˇ, nawˬ-euˬ mehˇ nmˇ-ahˇ nawˇ paˇ za kʼoꞈ-euˬ gaˇ duˇ-eu meh.

Gaˬlaˬtiˆ 2:14

Laˬ kʼaˬ cehˇ-eu Guiˬ lahˬ dawˬ-euˬ yaw tsaˬ yaw dawˇ jeˬ-ahˇ tsaˬ ni aˬ yawꞈ maꞈ maˬ cah-eu miˇ neh, aˬ yawꞈ maꞈ dawˬ tawˆ luꞈ-euˬ mehˬ shi Beˬtuˆluˆ-ahˇ ngaˇ heu loꞈ-ehˇ ehˇ nehˬ-euˬ ma. “Nawˇ-aˬ, Yuˇdaˆ tsawˇ haˬ pyeuꞈ-eu kʼawꞈ, Yuˇdaˆ tsawˇ haˬ loꞈ-ehˇ maˬ dehꞈ ni, aˬ cawˬ tsawˇ jeuˬ loꞈ-ehˇ dehꞈ-eu meh. Toˆ-ehˇ ngeuˇ naˇ, aˬ cawˬ tsawˇ jeuˬ deuˬ Yuˇdaˆ tsawˇ haˬ loꞈ-ehˇ dehꞈ ni nawˇ aˬ joˆ-ehˇ sheuˬ pyawˇ nya nmˇ.”

1 Tiˆmoˇseˬ 5:20

Tsawˇ haˬ dawˬ tawˆ luꞈ noeˬ guˆ-awˇ yahˇ nya laˇ ni, iˬ baˇ mˇ-euˬ tsawˇ haˬ-ahˇ dawˬ tawˆ luꞈ-euˬ mehˬ shi dehˬ-awˬ.