Dawqdaq 24:24 - Akha

²⁴ Mˇ bahˬ taˬ-euˬ jeˬ jaˆ-eu tsawˇ haˬ-ahˇ maˬ bahˬ-a lehˇ daˇ tsehˆ naˇ, tsawˇ haˬ dawˬ tawˆ luꞈ yaˇ kʼaˬ daˇ-eu gʼaˬ-ahˇ bye-awˇ yaˬ kʼehˇ yaˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Tsawrcawv-anr, “Nawr-aq, tsaq-awr dawr-eu tsawrhaq mae” laer aer-eu tsawrhaq-anr, Aqcawq yaqkhaer yaq-awr, tsawrjeuq tsawrca deuq khawf byae taef-a.

Dawqdaq 24:24 Σταυροειδείς Αναφορές

Dawqdaq 11:26

Cehˇ poeˬ kʼaˆ laˇ gaˇ dawˬ-awˇ cehˇ maˬ ahˬ-eu gʼaˬ-ahˇ aˬ cawˬ yaˬ kʼehˇ yaˬ-awˇ, cehˇ ahˬ nehˬ-eu gʼaˬ-ahˇ aˬ cawˬ ja ceuˬ-eu meh.

Dawqdaq 17:15

Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

Dawqdaq 28:27

Iˇ shaˬ zaˬ-ahˇ caw ba nehˬ-awˬ. Nawˇ tiˬ jawˇ-iˬ maˬ shaˬ le-aˇ. Yaw shaˬ zaˬ-ahˇ nawˇ myaˆ haw maˬ cawˬ nehˬ naˇ, aˬ cawˬ yaˬ kʼehˇ yaˬ-eu dawˬ doeˇ maˬ daˬ jiˇ coeˇ-a.

Dawqdaq 30:10

Zaˬ kʼaˆ-euˬ yaw doeˇ aˬ yawꞈ-euˬ baw leˬ-ahˇ taˬ ja mehˬ. Yaˬ kʼehˇ yaˬ-eu jeˬ-ahˇ nawˇ ya daˬ tehꞈ-a.

Iˇsaˬyaˇ 5:20

Yaw doeˇ-ahˇ yaw muiˬ no-awˇ, yaw muiˬ-ahˇ yaw doeˇ no-eu deuˬ, yaw zahˇ-ahˇ yaw shehꞈ ciˬ paˇ-awˇ, yaw shehꞈ-ahˇ yaw zahˇ ciˬ paˇ-eu deuˬ, yaw kʼaˬ-ahˇ laˆ coeˇ-awˇ, yaw coeˇ-ahˇ laˆ kʼaˬ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.