Dawqdaq 2:7 - Akha

⁷ Yaw sui yaw dawˇ deuˬ gʼaˇ duˬ muiˬ-eu zaˬ siˬ tsawˇ gahˇ aˬ yawꞈ jeˬ hmˬ taˬ-awˇ, yaw tsaˬ yaw dawˇ tsawˇ haˬ deuˬ-ahˇ aˬ yawꞈ haw piˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawf, dawrcoeni daef-eu tsawrhaq-euq gharduq, Tsaq-awr tsanr-eu zaqsiq tsawrganr jeqhmq taq-awr; Aqyawf-aq, aerkhar maqza’ni daef-eu tsawrhaq deuq-euq gharduq, daeqdaqduq pyeuf-eu mae.

Dawqdaq 2:7 Σταυροειδείς Αναφορές

Yawˇbaˆ 28:8

Aˇ laˬ jaˬ shiˇ hawˇ-eu bawˇ tsahˬ jeˬ zaˬ yaw haiˬ deuˬ, gaˇ ma kʼoeˇ kahˇ-ahˇ tiˬ jawˇ-iˬ maˬ cah haw-aˬ.

Jaceuq 144:2

Aˬ yawꞈ-aˬ, ngaˬ-euˬ gʼoe duˬ ngaˬ-euˬ lo guˇ ma. Ngaˬ-ahˇ haw piˇ-awˇ ka kʼoꞈ-eu gʼaˬ pyeuꞈ-eu ma. Aˬ yawꞈ-ahˇ ngaˇ gʼoe-awˇ ngaˇ nui saˇ za-eu ma. Tsawˇ jeuˬ dawˬ tawˆ luꞈ ngaˬ-euˬ laꞈ oꞈ ya awꞈ ni aˬ yawꞈ jahˇ-eu meh.

Jaceuq 3:4

Caw ba nehˬ laꞈlehˇ ngaˇguˇngeh, gawˬjawˬyaw shawˇkʼoeˇtaˆ jawˇ-eu, SahˬpaˬMiˬyehˇ naˇhaˬ-eu meh.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Dawqdaq 14:8

Nui gahˇ ahˇ-eu deuˬ-euˬ tsawˇ gahˇ, dehꞈ jeˬ dehꞈ kawˆ tseˇ paˆ nya-awˇ, aˬ dzawˬ aˇ gah bym-eu jaˬ myawꞈ mehˇ shuiˇ meh.

Dawqdaq 28:18

Yaw sui yaw dawˇ tsawˇ haˬ guˆ-eu gaˆ-eu jeˬ-ahˇ dzeuˇ-iˇ-awˇ, maˬ sui maˬ dawˇ-eu tsawˇ haˬ coˬ-iˇ tehꞈ-a.

Dawqdaq 30:5

Miˬyehˇ neh saˇ jaˇ kʼaˇ dzaˬ taˬ-euˬ yawˬ jeˬ na luꞈ ziꞈ-eu meh. Aˬ yawꞈ-ahˇ kʼaˇ gʼoe-eu tsawˇ haˬ deuˬ-ahˇ aˬ yawꞈ yaw muiˬ paˬ-ehˇ haw piˇ-eu meh.

Dawqdaq 8:14

Ngaˬ-euˬ nui ma laꞈ kʼoeˇ yaw muiˬ paˬ-ehˇ sawˇ duˬ-awˇ, mˇ doˆ shaˇ doˆ nya-eu ma. Ngaˇ noeˬ siˬ noeˬ mawˇ nya-awˇ, gʼaˬ tiˬ byah tiˬ loꞈ ahˇ ma.

1 Gawˇliˬtu 1:19

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Tsawˇ gahˇ ahˇ-eu deuˬ-euˬ tsawˇ gahˇ, ngaˇ laˆ cawˆ jiˇ nehˬ-awˇ, tseˇ paˆ nya-eu deuˬ-euˬ nui gahˇ, ngaˇ laˆ tsoeˬ jiˇ nehˬ ma.”

1 Gawˇliˬtu 1:24

Ehˇ kʼawꞈ, Miˬyehˇ neh kuˇ doˆ-euˬ tsawˇ haˬ deuˬ pyeuꞈ-eu Yuˇdaˆ tsawˇ haˬ deuˬ gʼaˇ duˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ gʼaˇ duˬ, dawˬ heu-aˬ, Miˬyehˇ-euˬ baoˬ hawˇ-eu zaˬ siˬ tsawˇ gahˇ pyeuꞈ-eu Ka li meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

Gawˇlawˇsehˇ 2:3

Aˬ yawꞈ-aˬ, zaꞈ taˬ-euˬ pyuˇ pahˬ shuiˇ pahˬ-ahˇ duˇ-eu Miˬyehˇ-euˬ zaˬ siˬ tsawˇ gahˇ deuˬ-ahˇ pah dzeh-eu mawˬ tawꞈ kahˬ pyeuꞈ-eu meh.