Dawqdaq 2:4 - Akha

⁴ Pyuˇ shuiˇ myawˬ gahˬ-ahˇ poˆ-eu loꞈ-ehˇ, kʼoeˇ deuˬ-ahˇ nawˇ poˆ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nawr, aqyawf-anr pyur pov-eu lof-aer pov-awr, Zaftaq-euq pyurshuir myawqganq-anr pov-eu lof-aer pov nar-aq,

Dawqdaq 2:4 Σταυροειδείς Αναφορές

Aˇ dahˬ 26:32

Kʼoeˇ ngeh nah, Iˇtsaˆ-euˬ zaˬ kʼaˆ deuˬ Iˇtsaˆ jawˇ gaˇ laˇ-awˇ, aˬ yawꞈ maꞈ duˬ luꞈ-eu lah duˬ kʼoeˇ duˬ iˇ cuꞈ mawˇ le-euˬ gaˇ kawˆ tsaꞈ gaˬ laˇ-euˬ meh.

Yawˇbaˆ 3:21

Shiˇ-eu jeˬ-ahˇ aˬ yawꞈ maꞈ loꞈ luꞈ kʼawꞈ, tiˬ jawˇ-iˬ keuˆ le-eu maˬ baw-a. Pyuˇ shuiˇ naˆ maˬ tseˇ lmˬ bymˇ-ahˇ aˬ yawꞈ maꞈ gaˬ-eu meh.

Jaceuq 119:127

Shuiˇ naˆ maˬ tseˇ nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma. Muiˬ dui dui-eu shuiˇ naˆ maˬ tseˇ gaˬ-euˬ ma.

Jaceuq 119:14

Pyuˇ shuiˇ myawˬ gahˬ-ahˇ gaˬ-eu naˆ maˬ tseˇ, nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ ma.

Jaceuq 119:72

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ naˆ maˬ tseˇ, nawˬ neh biꞈ laꞈ-eu zahˇ dawˬ kʼoꞈ dawˬ aˇ poeˬ kʼaˆ dzehˬ nya.

Jaceuq 19:10

Shuiˇnaˆmaˬtseˇ poeˬdui dui-awˇ, byaˬuiˇmaˬtseˇ coeˇdzehˬ-eu meh.

Dawqdaq 16:16

Zaˬ siˬ tsawˇ gahˇ poˆ-eu-aˬ, shuiˇ-ahˇ poˆ-eu naˆ maˬ tseˇ poeˬ-awˇ, noeˬ siˬ noeˬ mawˇ nya-eu jeˬ-ahˇ za-eu-aˬ, pyuˇ poˆ za-euˬ naˆ maˬ tseˇ gaˇ dahˇ tsoeˬ-eu meh.

Dawqdaq 2:3

Tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ za ni, yaw kʼaˆ-ehˇ shaˇ-awˬ.

Dawqdaq 23:23

Yaw tsaˬ yaw dawˇ jeˬ zaˬ siˬ nui gahˇ, tsawˇ gahˇ dzaw geuꞈ-eu jeˬ hawˇ-eu nui ma-ahˇ noeˬ-eu heu deuˬ-aˬ, aˇ poeˬ aˇ naˆ ni kʼaˆ kʼawꞈ poˆ geuꞈ-eu tsaˬ meh. Ehˇ kʼawꞈ, aˇ poeˬ kʼaˆ dui dui-eu miˇ neh ahˬ dzeh-eu maˬ tsaˬ-a.

Dawqdaq 4:7

Dawˬ tawˆ luꞈ naˆ maˬ tseˇ nawˇ poˆ paˬ-ehˇ gʼeh-eu jeˬ-aˬ, zaˬ siˬ tsawˇ gahˇ meh. Nawˇ aˬ geu jeˬ za-eu maˬ kaˬ, noeˬ siˬ noeˬ mawˇ nya-eu jeˬ za ni leh jeh-awˬ.

Dawqdaq 8:17

Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Maꞈtehˬ 13:44

“Mˬtaˆ Miˇkʼahˬ-aˬ, heu loꞈ-ehˇ duˇ-eu meh. Tsawˇ haˬ tiˬ gʼaˬ deh ma tiˬ kawˬ-ahˇ pyuˇ pahˬ mawˇ-awˇ, yaˆ pymˬ taˬ yaꞈ-euˬ meh. Aˬ yawꞈ laˬ kʼaˬ cehˇ dui dui-eu laꞈ kʼoeˇ, kʼaˇ jaˆ-eu jeˬ dawˬ tawˆ luꞈ ahˬ jiˇ-awˇ, deh ma kʼoeˇ kawˬ zeuˇ tsehˆ-euˬ meh.

Maꞈtehˬ 19:29

Ngaˬ-euˬ mehˬ nah caw teh laˇ-eu gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ dawˬ tawˆ luꞈ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ, yawˬ ha neh kʼaˇ byehˇ yaꞈ-euˬ jeˬ tiˬ yaˇ bymˇ paˇ za dzehˬ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.

Luˇkaꞈ 16:8

Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.