Dawqdaq 16:21 - Akha

²¹ Nui ma laꞈ kʼoeˇ zaˬ siˬ tsawˇ gahˇ byah-eu gʼaˬ, noeˬ siˬ noeˬ mawˇ nya-eu tsawˇ haˬ lehˇ bi kuˇ-awˇ, naˇ haˬ mawꞈ-eu dawˬ ngehˬ nya-eu tsawˇ haˬ-ahˇ, aˬ cawˬ ya leˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Nuima-euq lafkhoer tsawrganr anr-eu tsawrhaq-aq, Ghovshaw nya-eu tsawrhaq laer yabi kur-awr, Yaler paq-aer ngaeq-eu-aq, Aqcawq-anr bi dzawgeuf nyadzaeq lar-eu mae.

Dawqdaq 16:21 Σταυροειδείς Αναφορές

1 Sahˬpaˬ 3:12

Nawˬ neh kʼaˇ shaˇ-euˬ jeˬ ngaˇ mˇ nehˬ ma. Aˇ hu ba neh tiˬ gʼaˬ-iˬ maˬ za haw-ehˇ, aˬ kaˇ kaˇ ziˇ keuˆ ni tiˬ gʼaˬ-iˬ maˬ paˇ za nya-eu zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu nui gahˇ deuˬ, nawˬ-ahˇ ngaˇ biꞈ ma.

Jaceuq 45:2

Kʼaˬ dzeˇ zaˬ dawˬ tawˆ luꞈ laꞈ kʼoeˇ, nawˇ aˬ cawˬ naˆ maˬ tseˇ seuˆ jeuꞈ aˇ gʼehˇ muiˬ-eu meh. Nawˇ dawˬ sahˇ dui dui-awˇ, Miˬyehˇ nawˬ-ahˇ aˬ myah luꞈ guiˬ lahˬ biꞈ-eu meh.

Dawqdaq 10:13

Noeˬ dahˇ doe-eu deuˬ-euˬ mehˬ luˬ, tsawˇ gahˇ ahˇ-eu dawˬ doˆ le-awˇ, aˬ dzawˬ aˇ gah dahˇ teˇ daˇ cuiˇ oꞈ meh.

Dawqdaq 10:23

Aˬ dzawˬ deuˬ yaw lehˬ jeˬ-ahˇ cehˇ gʼa-awˇ, yaw gahˇ deuˬ zaˬ siˬ tsawˇ gahˇ-ahˇ byawˬ gʼa-eu meh.

Dawqdaq 10:8

Tsawˇ gahˇ ahˇ-eu deuˬ dawˬ mehˬ dawˬ tsoˆ-ahˇ naˇ haˬ geuꞈ-eu meh. Ehˇ kʼawꞈ, kʼahˬ sehˇ jehˆ-eu tsawˇ haˬ deuˬ ya cawˆ-iˇ tehꞈ-a.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 16:22

Zaˬ siˬ tsawˇ gahˇ-aˬ, tsawˇ gahˇ ahˇ-eu deuˬ gʼaˇ duˬ dehꞈ-eu saꞈ laˇ lawˇ baˬ pyeuꞈ-awˇ, aˬ dzawˬ aˇ gah-ahˇ mehˬ paˇ-eu jeˬ-aˬ, aˇ yamˬ laˆ smˬ gaˇ duˇ-eu meh.

Dawqdaq 23:15

Ngaˬ li-oˇ, nawˇ zaˬ siˬ tsawˇ gahˇ byah laˇ gaˇ, ngaˇ nui kʼahˇ shiˇ dui dui ma.

Dawqdaq 27:9

Naˬ maˬ hawˇ hawˇ-eu tsiˇ yaw saw jeˬ nawˬ-ahˇ laˬ kʼaˬ bi cehˇ-awˇ, guˆ-eu gaˆ-eu jeˬ nawˬ-euˬ nui ma-ahˇ shaˬ zahˬ bi naꞈ-eu meh.

Dawˬ tsoˆ 12:10

Dawˬ mehˬ dawˬ tsoˆ tsoˆ-eu gʼaˬ gaˇ dahˇ tsoeˬ-eu dawˬ deuˬ poˆ doˆ-awˇ, aˬ yawꞈ neh kʼaˇ boꞈ taˬ-euˬ jeˬ tsaˬ dui dui-eu meh.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Yoˇhaˬ 7:46

Yehˇ kʼoeˇ deuˬ ehˇ-eu, “Tsawˇ haˬ tiˬ gʼaˬ-iˬ tsawˇ haˬ heu gʼaˬ loꞈ-ehˇ dawˬ ngehˬ-eu maˬ gaˬ haw-aˬ.”

Lormav 16:19

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ gaˇ kawˆ aˬ cawˬ siˬ nya jiˇ meh. Kʼoeˇ miˇ neh, naw maꞈ gʼaˇ duˬ ngaˇ laˬ kʼaˬ cehˇ dui dui-eu ma. Naw maꞈ laꞈ kʼoeˇ yaw muiˬ jeˬ-ahˇ tseˇ paˆ geuꞈ nya-eu nui gahˇ bi ahˇ mawꞈ-awˇ, maˬ muiˬ-eu jeˬ-ahˇ maˬ mˇ-eu shawˇ jehˆ ni gʼeh-eu tsawˇ haˬ bi pyeuꞈ mawꞈ miˇ-a.

Yaˬkoˆ 3:17

Ehˇ kʼawꞈ, mˬ-ahˇ neh doˆ le-euˬ zaˬ siˬ tsawˇ gahˇ gaˇ kawˆ ya ehˇ naˇ, yaw beh tiˬ jeˬ-aˬ, muiˬ-eu shawˇ-eu jeˬ meh. Kʼoeˇ jiˇ naˇ, tsaˬ leˇ dzoeˇ leˇ-eu, nui nahˬ nui yu ahˇ-eu, bya cehˆ ni cawˬ cawˬ taꞈ-eu heu deuˬ meh. Gʼawˬ shaˬ gaˬ-eu nui ma tiˬ byah ni ahˇ-awˇ, yaw muiˬ jeˬ mˇ doˆ shaˇ doˆ laꞈ-eu meh. Myaˆ pyawˬ huiˬ nyiˇ maˬ tseˇ-eu uˬ taꞈ, nui ma laꞈ gʼoꞈ maˬ baw-a.