Dawqdaq 15:8 - Akha

⁸ Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ya’we Miqyaer, tsawrcawv nae lawr-euq jeq-anr nuidav dav-eu mae. Aerkhawf, dawrcoeni ghae-eu tsawrhaq-euq guiqlanq shardawq-anr, aqyawf nuima tsaq-eu mae.

Dawqdaq 15:8 Σταυροειδείς Αναφορές

2 Saˬmeuˬlaˆ 15:12

Aˬbaˇsaˬloˬ lawˇ-eu shehˇ-eu jeˬ mˇ luꞈ ngeh, Giˇlo meuˬ-ahˇ kʼawꞈ, aˬ yawꞈ tsawˇ haˬ pyehˬ gʼeh-awˇ, sahˬ paˬ Daˬbiˇ-ahˇ nui noeˬ nui duˇ biꞈ-eu gʼaˬ pyeuꞈ-eu Aˬhiˇtawˇpeˬlaˇ-ahˇ bi sheuˬ laˬ-iˇ-euˬ meh. Sahˬ paˬ Daˬbiˇ-ahˇ puiˬ-eu lehˇ gʼeh luꞈ-eu paw gʼaˬ kʼaˆ laˇ tehˇ tehˬ-awˇ, Aˬbaˇsaˬloˬ-euˬ mehˬ nah caw teh-eu tsawˇ haˬ myaˬ laˇ tehˇ tehˬ luꞈ-eu meh.

1 Sahˬpaˬ 3:10

Sawˇlaˬmoˬ neh shaˇ-euˬ jeˬ-ahˇ Sahˬpaˬ Miˬyehˇ nui kʼahˇ shiˇ-eu meh.

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Jaceuq 17:1

Sahˬpaˬ Miˬyehˇ-oˇ, yaw tsaˬyaw dawˇbi keuˆ le ni, guiˬlahˬshaˇgaˇ naˇhaˬnehˬlaꞈ. Nui ma dawˇcoe ni shaˇluꞈngeh, nawˬ-euˬnaˬbawˇciˬkʼmˇnehˬlaꞈ.

Dawqdaq 10:24

Tsawˇ doeˇ deuˬ kʼoeˇ taˆ yawˬ ha guˆ dzehˬ-eu jeˬ keuˆ le-awˇ, tsawˇ muiˬ deuˬ yawˬ ha geuꞈ mawꞈ dzehˬ-eu jeˬ za-eu meh.

Dawqdaq 15:29

Yaw haiˬ deuˬ-ahˇ Sahˬpaˬ Miˬyehˇ gaˇ mahˇ kaˬ-awˇ, tsawˇ muiˬ shaˇ dawˬ aˬ yawꞈ naˇ haˬ-eu meh.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Dawqdaq 21:3

Yaw tsaˬ yaw dawˇ jeˬ-ahˇ mˇ-awˬ. Lawˇ-eu shehˇ-eu jeˬ naˆ maˬ tseˇ, kʼoeˇ jeˬ-ahˇ Sahˬpaˬ Miˬyehˇ nui kʼahˇ shiˇ meh.

Dawqdaq 28:9

Zahˇ sahˇ kʼoꞈ mehˬ nah maˬ caw teh-eu tsawˇ haˬ-euˬ guiˬ lahˬ shaˇ dawˬ-ahˇ, Miˬyehˇ nui daˆ daˆ-eu meh.

Dawˬ tsoˆ 5:1

Uˬ duˬ tahˬ nymˇ nymˇ ma-ahˇ le ngeh, kuiˇ toꞈ ciˬ-eu yahˇ-awˬ. Yaw muiˬ yaw doeˇ maˬ tseˇ paˆ nya-eu aˬ dzawˬ aˇ gah deuˬ jahˇ-eu loꞈ-ehˇ lawˇ-eu shehˇ-eu naˆ maˬ tseˇ, Uˬ duˬ tahˬ nymˇ nymˇ ma-ahˇ naˇ haˬ geuꞈ leˇ-eu muiˬ dzehˬ meh.

Dawˬ caˇ 2:14

Nawˇ-aˬ, lo guˇ maˇ byoe-ahˇ dzuˇ zaꞈ luꞈ-eu kʼaˬ kʼoeˬ-ahˇ duˇ nga. Gʼawˬ shaˬ gaˬ dui dui paˬ-ehˇ gʼeh-eu nawˬ-euˬ myaˆ pyawˬ ciˬ mawˇ le-awˇ, naˇ haˬ muiˬ-eu nawˬ-euˬ teˇ saˇ bi gaˬ le sheˇ.

Iˇsaˬyaˇ 61:8

Sahˬpaˬ Miˬyehˇ heu loꞈ-ehˇ ehˇ-eu meh. “Yaw tsaˬ yaw dawˇ-ahˇ ngaˇ gaˬ-awˇ, myawꞈ dzaˬ kʼaˆ dzaˬ gaˇ byeh-eu ma. Ngaˬ-euˬ tsawˇ haˬ deuˬ-ahˇ saˇ jaˇ ziꞈ-eu laꞈ kʼoeˇ, aˬ yawꞈ maꞈ-ahˇ geuˇ-eu aˇ poeˬ ngaˇ biꞈ tsoeˬ ma. Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Yeˬlaˬmiˇ 6:20

Sheˬba miˇ kʼahˬ-ahˇ jaˆ-eu tsiˇ yaw saw hawˇ-eu, gaˇ mahˇ kaˬ-eu miˇ kʼahˬ-ahˇ jaˆ-eu pawˬ coeˇ yaw saw jeˬ, ngaˬ-ahˇ aˬ yawꞈ maꞈ damˬ laˇ gaˇ laˬ kʼaˬ maˬ cehˇ. Aˬ yawꞈ maꞈ damˬ nehˬ laꞈ-euˬ jeˬ ngaˇ maˬ ha geuꞈ. Aˬ yawꞈ maꞈ lawˇ-eu jeˬ-ahˇ ngaˇ laˬ kʼaˬ maˬ cehˇ.

Daˬyeˬlaˇ 9:23

Nawˇ guiˬ lahˬ shaˇ dahˬ beh ngeh neh, nawˬ-euˬ shaˇ dawˬ-ahˇ Miˬyehˇ naˇ haˬ geuꞈ-euˬ meh. Aˬ yawꞈ nawˬ-ahˇ gaˬ-eu meh. Kʼoeˇ miˇ neh, ngaˇ nawˬ-ahˇ ehˇ mehˬ le-eu lehˇ oe-euˬ ma. Yaw sahˇ laꞈ kʼoeˇ ya siˬ ya mawˇ-euˬ gaˇ kawˆ heu ngaˇ ja mehˬ ngeh, nawˇ yaw muiˬ paˬ-ehˇ naˇ haˬ taˬ-awˬ.

Uˬ duˬ 7:18

Smˬ nah jaˆ keuˆ-euˬ shaˬ jiˇ dzaˬ naˇ, kʼoeˇ ngeh poˆ lawˇ-euˬ jeˬ-ahˇ Sahˬpaˬ Miˬyehˇ maˬ ha geuꞈ-a. Lawˇ-euˬ kʼoeˇ-aˬ, maˬ geuˇ-eu lawˇ-eu jeˬ pyeuꞈ-awˇ, maˬ muiˬ maˬ shawˇ-eu uˬ taꞈ, shaˬ jiˇ kʼoeˇ kʼaˇ dzaˬ-euˬ tsawˇ haˬ-aˬ, kʼaˇ keuˆ le-eu iˬ baˇ ya pi meh.

Miˇkaˬ 6:6

Mˬ taˆ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ laˇ ngeh, aˬ yawꞈ gʼaˇ duˬ aˬ jeˬ ya hehˇ laꞈ nmˇ. Muiˬ dui dui-eu mawˇ neˇ mawˇ zaˬ tsahˇ laꞈ-awˇ, miˬ dzaˬ-ahˇ dzah puiˆ-awˇ ya lawˇ nehˬ nmˇ loˇ.

Miˇkaˬ 6:7

Yawˇ aˬ buˬ aˇ heˇ aˇ muiˇ mawˇ hawˇ-eu lawˇ baˬ aˇ heˇ gawˆ-ahˇ yoeˇ luꞈ-eu iˇ cuꞈ myaˆ ni ahˇ-eu saˬ loˬ tsiˇ deuˬ-ahˇ ngaˇ yuˇ laꞈ nehˬ naˇ, Sahˬpaˬ Miˬyehˇ nui kʼahˇ shiˇ-eu duˇ loˇ. Ngaˬ-euˬ iˬ baˇ shawˇ-eu gʼaˇ duˬ ngaˬ li aˬ yuiꞈ gʼaˬ aˬ yawꞈ-ahˇ ya lawˇ nehˬ nmˇ loˇ.

Haˬgaiˇ 2:14

Kʼoeˇ naˇ, Haˬgaiˇ ehˇ-eu, “Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ hawˇ-eu, aˬ yawꞈ-maꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ, kʼoeˇ gaˇ duˇ meh lehˇ, Sahˬpaˬ Miˬyehˇ ehˇ-eu meh. Kʼoeˇ miˇ neh aˬ yawꞈ maꞈ neh kʼaˇ lawˇ kʼaˇ shehˇ-euˬ jeˬ dawˬ tawˆ luꞈ maˬ shawˇ-a.”

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Yoˇhaˬ 4:24

Miˬyehˇ-aˬ, Yaw sahˇ meh. Aˬ yawꞈ-euˬ Yaw sahˇ-euˬ baoˬ baˬ da neh tehꞈ-ehˇ, aˬ yawꞈ-ahˇ siˬ duˬ-awˇ uˬ duˬ tahˬ nya-eu meh.”