Dawqdaq 15:25 - Akha

²⁵ Nui ma huiˬ-eu gʼaˬ-euˬ nymˇ-ahˇ Sahˬpaˬ Miˬyehˇ deh pyaˆ kʼawꞈ, miˬ coeˬ miˬ ma-euˬ kʼmˇ cehˇ maˬ laˆ nyi nehˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Ya’we Miqyaer, nuima huiq-eu tsawrhaq-euq nymr pyavdzae-eu mae. Aerkhawf, miqcoeq miqma-euq mirkaq lavbaw naeq-eu mae.

Dawqdaq 15:25 Σταυροειδείς Αναφορές

Yawˇbaˆ 24:21

Miˬ coeˬ miˬ ma deuˬ-ahˇ aˬ yawꞈ yehˬ bawˬ-ehˇ gʼeh-awˇ, zaˬ maˬ jawˇ-eu aˬ ma deuˬ-ahˇ gʼawˬ shaˬ maˬ gaˬ nehˬ-eu miˇ neh, aˬ yawꞈ kʼoeˇ taˆ kʼoeˇ loꞈ-ehˇ keuˆ le-eu meh.

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 138:6

Goˇ dui dui gaˇ nawˇ jawˇ luꞈ kʼawꞈ, yaw awˆ-ahˇ jawˇ-eu deuˬ-ahˇ nawˇ ngehˬ gʼeh-awˇ, nui ma huiˬ-eu mahˇ-eu deuˬ nawˬ-euˬ mehˬ shi cehˆ zaꞈ kʼaˇ maˬ za-a.

Jaceuq 146:9

Aˬ dui-euˬ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ aˬ yawꞈ haw piˇ nehˬ-awˇ, muˇ coe aˬ nmˇ hawˇ-eu miˬ coeˬ miˬ ma deuˬ-ahˇ caw ba nehˬ-euˬ meh. Ehˇ kʼawꞈ, haiˬ-eu tsawˇ haˬ deuˬ-euˬ nui kʼahˇ-ahˇ aˬ yawꞈ laˆ cawˆ nehˬ-euˬ meh.

Jaceuq 52:1

Baoˬ yaw shehꞈ kʼahˬ sehˇ jaˆ-eu tsawˇ haˬ deuˬ-oˇ, naw maꞈ-euˬ haiˬ-eu gaˇ-ahˇ gʼoe-awˇ, aˬ jeˬ miˇ neh kʼahˬ sehˇ jehˆ te. Miˬyehˇ-euˬ gʼoeˇ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 52:5

Kʼoeˇ miˇ neh, mˬ maˬ maˬ byaˆ zaˇ ziˇ naw maꞈ-ahˇ Miˬyehˇ laˆ luˬ laˆ seˇ nehˬ laꞈ tehꞈ-a. Naw maꞈ-ahˇ aˬ yawꞈ tsuˆ tehˬ-awˇ, naw maꞈ-euˬ nymˇ jiˇ laꞈ kʼoeˇ neh gʼeu doˆ gʼeh tehꞈ-a. Yaw dehꞈ zaˬ jawˇ-eu miˇ kʼahˬ-ahˇ neh, naw maꞈ-ahˇ aˬ yawꞈ sheu dzeh byoˆ tehꞈ-a.

Dawqdaq 12:7

Haiˬ-eu tsawˇ haˬ-euˬ tsuiꞈ dahˬ-iˇ-awˇ, yaw tsaˬ yaw dawˇ deuˬ zaˬ oeˬ sahˇ le tehꞈ-a.

Dawqdaq 14:11

Tsawˇ doeˇ-euˬ nymˇ muiˬ coˬ-iˇ kʼawꞈ, tsawˇ muiˬ-euˬ sehˬ gʼawˆ maˬ pyaˆ-iˇ-a.

Dawqdaq 15:26

Yaw haiˬ deuˬ-euˬ nui noeˬ-ahˇ Sahˬpaˬ Miˬyehˇ nui daˆ daˆ-awˇ, yaw sui yaw dawˇ deuˬ-euˬ dawˬ aˬ yawꞈ-ahˇ laˬ kʼaˬ bi cehˇ-eu meh.

Dawqdaq 23:10

Aˇ hu ba neh tsaˬ tsoˆ taˬ-euˬ miˇ kaˬ tiˬ jawˇ-iˬ taˬ teh jiˆ. Muˇ coe aˬ nmˇ-euˬ miˇ tsaˬ taˬ kʼaˆ geuꞈ.

Iˇsaˬyaˇ 1:17

Yaw muiˬ jeˬ mˇ-eu dzaw-awˬ. Yaw tsaˬ yaw dawˇ jeˬ-ahˇ poˆ-awˬ. Nawˬ dzaˬ kʼaˆ dzaˬ-eu jeˬ laˆ byoˆ-awˬ. Aˬ da maˬ baw-eu deuˬ-ahˇ haw piˇ-awˬ. Miˬ coeˬ miˬ ma-ahˇ gʼawˬ shaˬ gaˬ-awˬ.”

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Yeˬlaˬmiˇ 5:28

Aˬ yawꞈ maꞈ ya dzaˬ ya dawˇ dehˆ-awˇ tsuˇ dui dui-eu meh. yaw haiˬ jeˬ mˇ-eu aˇ saˬ saˬ-euˬ maˬ baw-ehˇ, muˇ coe aˬ nmˇ deuˬ-ahˇ ngehˬ maˬ gʼeh-eu uˬ taꞈ, yaw shaˬ zaˬ-ahˇ yaw dawˇ dawˇ-ehˇ yaˇ kʼaˬ maˬ daˇ nehˬ-a.

Daˬyeˬlaˇ 5:20

Ehˇ kʼawꞈ, aˬ yawꞈ nui ma huiˬ-eu mahˇ-eu jeˬ ahˇ laˇ-awˇ nui ma gʼahˇ-eu uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-eu miˇ neh, aˬ yawꞈ-euˬ sahˬ paˬ aˇ yaˬ bi yuˇ ka-awˇ, yaw shehꞈ kʼahˬ sehˇ maˬ jaˆ ni pyeuꞈ-iˇ-euˬ meh.

Dawˬmehˬ 19:14

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ-ahˇ yaw beh neh jaˆ luꞈ-eu yawˬ ha nehˬ-ehˇ nymˇ kaˬ taꞈ-eu tsawˇ haˬ-euˬ miˇ kaˬ maˬ ya teh jiˆ-a.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.