Dawˬmehˬ 9:7 - Akha

⁷ “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

Dawˬmehˬ 9:7 Σταυροειδείς Αναφορές

Doˆ-iˇ 14:10

Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ aˬ yawꞈ maꞈ jawˇ gaˇ oe luꞈ gaˇ Iˇsaˬleˬlaˆ tsawˇ haˬ deuˬ ya mawˇ ngeh, guˆ dui dui-awˇ, caw ba nehˬ laꞈ lehˇ, Sahˬpaˬ Miˬyehˇ-ahˇ guˇ-awˇ shaˇ-euˬ meh.

Doˆ-iˇ 14:11

Aˬ yawꞈ maꞈ Moˇseˬ-ahˇ ehˇ-eu, “Iˇjiˇtuˆ miˇ kʼahˬ-ahˇ lmˬ bymˇ maˬ jaˆ-eu miˇ neh, bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, nga maꞈ-ahˇ nawˇ heu gaˇ sheuꞈ leꞈ teˬ loˇ. Nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ miˇ neh aˬ jeˬ keuˆ le-euˬ nga lehˇ haw sheˇ.

Doˆ-iˇ 16:2

Bawˇ tsahˬ bawˇ dahˇ kʼoeˇ tsahˇ laꞈ kʼoeˇ, aˬ yawꞈ maꞈ nui ma cawˆ laˇ-awˇ, Moˇseˬ hawˇ-eu Aˬloˬ-ahˇ iˬ baˇ taˬ-euˬ meh.

Doˆ-iˇ 17:2

Aˬ yawꞈ maꞈ nui ma cawˆ-eu laꞈ kʼoeˇ, Moˇseˬ-ahˇ iˬ baˇ taˬ-awˇ, “Nga maꞈ dawˇ-eu gʼaˇ duˬ iˇ cuꞈ biꞈ nehˬ laꞈ-awˬ” lehˇ ehˇ nehˬ-euˬ meh. Moˇseˬ gʼeh, “Aˬ jeˬ miˇ neh naw maꞈ ngaˬ-ahˇ iˬ baˇ taˬ te. Aˬ jeˬ miˇ neh naw maꞈ Sahˬpaˬ Miˬyehˇ-ahˇ lawˬ haw te” lehˇ aˬ yawꞈ maꞈ-ahˇ ehˇ nehˬ-euˬ meh.

Doˆ-iˇ 23:21

Aˬ yawꞈ-ahˇ haw tsoˆ taˬ-awˇ, aˬ yawꞈ-euˬ ehˇ dawˬ naˇ haˬ-awˬ. Aˬ yawꞈ-aˬ, ngaˬ neh kʼehˇ gʼeh leꞈ-euˬ gʼaˬ pyeuꞈ-eu miˇ neh, naw maꞈ aˬ yawꞈ-ahˇ puiˬ naˇ, aˬ yawꞈ naw maꞈ-ahˇ iˬ baˇ maˬ pyehꞈ-a.

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Yeˬlaˬmiˇ 11:10

Ngaˬ-euˬ ehˇ dawˬ maˬ naˇ haˬ geuꞈ-eu aˬ yawꞈ maꞈ-euˬ aˬ poeˬ aˬ bawˇ deuˬ neh mˇ-euˬ iˬ baˇ-ahˇ, aˬ yawꞈ maꞈ paˇ mˇ poˆ-euˬ meh. Aˬ yawꞈ maꞈ miˬ yehˇ nui deuˬ-ahˇ uˬ duˬ tahˬ-euˬ meh. Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ ngaˬ neh dzaˬ taˬ-euˬ dawˬ ma saˇ jaˇ-ahˇ puiˬ-euˬ meh.

Yeˬlaˬmiˇ 32:30

Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, nyiˇ ngeh neh ngaˇ nui ma maˬ saˇ-eu jeˬ tehꞈ-ehˇ mˇ-euˬ meh.

Yeˬlaˬmiˇ 44:9

Naw maꞈ-euˬ aˬ poeˬ aˬ bawˇ deuˬ, Yuˇdaˆ sahˬ paˬ deuˬ hawˇ-eu aˬ yawꞈ maꞈ-euˬ miˬ zaˬ deuˬ, naw maꞈ hawˇ-eu naw maꞈ-euˬ miˬ zaˬ deuˬ neh, Yuˇdaˆ meuˬ deuˬ hawˇ-eu Yeˬluˇsaˬlehˬ meuˬ-euˬ gaˇ ma doe ni yaw haiˬ jeˬ mˇ byah yaꞈ-euˬ gaˇ naw maꞈ ngehˇ shaw teˬ loˇ.

Yeˬsaˬgeˬlaˇ 20:13

Ehˇ kʼawꞈ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ ngaˬ-ahˇ puiˬ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ puiˬ-awˇ, ngaˬ neh dawˬ biꞈ-euˬ gaˇ maˬ naˇ haˬ geuꞈ-a. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, aˬ yawꞈ maꞈ-ahˇ ngaˬ-euˬ nui ma bi mawˇ-awˇ, laˆ cawˆ nehˬ ma lehˇ ngaˇ lehˬ hmˬ-euˬ ma.

Yeˬsaˬgeˬlaˇ 20:43

Kʼoeˇ ngeh jawˇ, naw maꞈ neh mˇ dzeuˇ yaꞈ-euˬ shaꞈ dawˇ paˬ-ehˇ gʼeh-eu gaˇ deuˬ hawˇ-eu, naw maꞈ yawˬ haˇ yawˬ ha laˆ jawꞈ-euˬ gaˇ kawˆ-ahˇ noeˬ mawˇ laˇ tehꞈ-a. Naw maꞈ neh mˇ dzeuˇ yaꞈ-euˬ yaw haiˬ jeˬ baˬ da neh, naw maꞈ yawˬ haˇ yawˬ ha nui daˆ daˆ tehꞈ-a.

Yeˬsaˬgeˬlaˇ 20:8

Ehˇ kʼawꞈ, aˬ yawꞈ maꞈ ngaˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ-a. Nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ maˬ biˬ dzeh-ehˇ, nui daˆ daˆ laˇ paˬ-ehˇ gʼeh-eu Iˇjiˇtuˆ miˬyehˇ deuˬ-ahˇ kʼawꞈ, aˬ yawꞈ maꞈ maˬ byehˇ coeˇ-a. Kʼoeˇ gaˇ, Iˇjiˇtuˆ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˬ-euˬ nui ma bi mawˇ-eu lehˇ ngaˇ noeˬ tsehˆ-euˬ ma.

Yeˬsaˬgeˬlaˇ 36:31

Naw maꞈ neh mˇ-euˬ yaw haiˬ jeˬ hawˇ-eu naw maꞈ-euˬ yaw lehˬ yaw ca-ahˇ naw maꞈ noeˬ mawˇ laˇ-awˇ, naw maꞈ-euˬ iˬ baˇ baˬ da neh, yawˬ haˇ yawˬ ha nui daˆ daˆ tehꞈ-a.

Bawˇtsahˬ 11:4

Iˇsaˬleˬlaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ gaˇ ma doˆ-iˇ luꞈ-eu boeˇ miˬ siˬ kʼaˬ tiˬ deuˬ jawˇ-eu meh. Boeˇ miˬ siˬ kʼaˬ kʼoeˇ deuˬ shaˬ jiˇ mehꞈ dui dui laˇ taˬ-euˬ meh. Iˇsaˬleˬlaˆ tsawˇ haˬ deuˬ kʼawꞈ, heu loꞈ-ehˇ toˇ-eu meh. “Shaˬ jiˇ ya dzaˬ law nmˇ-aˬ, gʼaˬ-eu miˇ-a.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Bawˇtsahˬ 17:10

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ-euˬ gawˬ yoeˬ-ahˇ Dawˬ ma saˇ jaˇ Bahˬ keuˆ mehˬ shi paˇ yuˇ taˬ-iˇ-awˬ. Puiˬ-eu tsawˇ haˬ deuˬ iˬ baˇ taˬ-eu dawˬ ngehˬ-eu maˬ naˬ leˇ naˇ ya shiˇ-eu gaˇ kawˆ, gawˬ yoeˬ kʼoeˇ yoeˬ saˇ kiˇ pyeuꞈ-eu meh.”

Bawˇtsahˬ 21:5

Miˬyehˇ hawˇ-eu Moˇseˬ-ahˇ iˬ baˇ taˬ-euˬ meh. Aˬ yawꞈ maꞈ ehˇ-eu, “Iˇ cuꞈ hawˇ-eu dzaˇ maˬ jaˆ-eu bawˇ tsahˬ-ahˇ bi shiˇ-eu lehˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ aˬ jeˬ gʼeh sheuˬ doˆ laꞈ te. Dzaˇ heu deuˬ-ahˇ nga maꞈ maˬ paˇ dzaˬ nahˇ miˇ-a.”

Bawˇtsahˬ 25:2

Mawˇbaˆ miˬ yehˇ-ahˇ uˬ duˬ tahˬ-eu lawˇ-eu shehˇ-eu bawˬ-iˬ gʼeh gaˇ, zaˬ miˬ zaˬ kʼoeˇ deuˬ aˬ yawꞈ maꞈ-ahˇ sheuˬ gʼeh-euˬ meh. Iˇsaˬleˬlaˆ tsawˇ haˬ deuˬ aˬ cawˬ tsawˇ jeuˬ-euˬ dzaˇ dzaˬ-awˇ, aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-euˬ meh.

1 Gawˇliˬtu 15:9

Aˬ jeˬ miˇ neh ehˇ naˇ, gʼaˬ kʼehˇ dawˬ tawˆ luꞈ laꞈ kʼoeˇ ngaˇ aˬ cawˬ naˆ maˬ tseˇ teˬ-eu gʼaˬ pyeuꞈ-eu ma. Miˬyehˇ-euˬ Ka li zaˬ aˇ muˇ-ahˇ kʼehˬ haw kʼaˆ haw-euˬ tsawˇ haˬ pyeuꞈ-eu miˇ neh, gʼaˬ kʼehˇ lehˇ bi kuˇ-eu kʼawꞈ maˬ geuˇ nya.

Eˇpeˇsu 2:11

Kʼoeˇ miˇ neh, dehꞈ le ngeh neh Yuˇdaˆ tsawˇ haˬ maˬ ngeuˇ-eu naw maꞈ-ahˇ, Yuˇdaˆ tsawˇ haˬ deuˬ neh “baˆ kʼoˆ mehˬ dzaˬ maˬ yehˬ-euˬ tsawˇ haˬ” lehˇ bi kuˇ-awˇ, Yuˇdaˆ tsawˇ haˬ deuˬ yawˬ haˇ yawˬ ha “baˆ kʼoˆ mehˬ dzaˬ yehˬ-euˬ tsawˇ haˬ deuˬ” lehˇ kuˇ-euˬ gaˇ taˬ ngehˇ. (Dawˬ kʼoeˇ dawˬ-aˬ, tsawˇ haˬ zaˬ neh shiˬ shaˬ jiˇ gʼawˇ mawˇ-ahˇ mˇ-euˬ jeˬ-ahˇ ehˇ mawꞈ-eu meh.)

Dawˬmehˬ 31:27

Aˬ yawꞈ maꞈ nui ma aˇ naˆ ni gʼahˇ-awˇ, puiˬ mawꞈ-eu nui ma aˇ naˆ ni ahˇ-eu ngaˇ siˬ nya ma. Ngaˇ yaw dehꞈ dehꞈ luꞈ-eu aˇ yamˬ laꞈ kʼoeˇ, aˬ yawꞈ maꞈ Sahˬpaˬ Miˬyehˇ-ahˇ puiˬ-euˬ meh. Ngaˇ shiˇ dzeuˇ naˇ, kʼoeˇ naˆ maˬ tseˇ aˬ yawꞈ maꞈ paˇ puiˬ tehꞈ-a.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Dawˬmehˬ 9:4

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ gʼaˇ duˬ tsawˇ haˬ kʼoeˇ deuˬ-ahˇ teh doˆ gʼaˬ ngeh, miˇ kʼahˬ kʼoeˇ kʼahˬ naw maꞈ za geuˇ-eu miˇ neh, naw maꞈ-ahˇ aˬ yawꞈ sheuˬ uˇ nehˬ laꞈ-euˬ meh lehˇ naw maꞈ yawˬ haˇ yawˬ ha taˬ ehˇ. Kʼoeˇ loꞈ-ehˇ maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu miˇ neh, naw maꞈ gʼaˇ duˬ Sahˬpaˬ Miˬyehˇ aˬ yawꞈ maꞈ-ahˇ teh doˆ-euˬ jeˬ pyeuꞈ-eu meh.