Dawˬmehˬ 9:3 - Akha

³ Aˬ yawꞈ maꞈ tsawˇ haˬ goˇ dui dui-awˇ, gʼaˬ kʼawꞈ kʼaˆ dui dui-eu meh. Aˬ yawꞈ maꞈ-aˬ, huiˬ dui goˇ dui dui-eu tsawˇ haˬ pyeuꞈ-awˇ, aˬ yawꞈ maꞈ-euˬ mehˬ shi aˬ suˇ gʼaˬ yawꞈ leˇ peuˬ ta lehˇ aˬ cawˬ ehˇ-eu naw maꞈ ya gaˬ haw-euˬ meh. Ehˇ kʼawꞈ, miˬ dzaˬ puiˆ daˆ leꞈ-eu loꞈ-ehˇ, tsawˇ haˬ kʼoeˇ deuˬ-ahˇ naw maꞈ yaw kawˇ kawˇ-ehˇ teh doˆ-awˇ laˆ luˬ laˆ seˇ nehˬ nya ni, naw maꞈ le gʼeh leꞈ-eu nehˬ-ehˇ, aˬ yawꞈ maꞈ-ahˇ Sahˬpaˬ Miˬyehˇ deuˆ gʼaˬ tehꞈ-a.

Dawˬmehˬ 9:3 Σταυροειδείς Αναφορές

Doˆ-iˇ 23:23

Ngaˬ-eu gʼaˬ kʼehˇ kʼoeˇ gʼaˬ naw maꞈ-euˬ mehˬ hu iˇ-awˇ, Aˬmawˇliˆ, Heˬtaˆ, Paˬyehˆ, Kaˬnaˬ, Hiˇbiˇ hawˇ-eu Yeˬbuˇ tsawˇ jeuˬ heu deuˬ-euˬ miˇ kʼahˬ deuˬ laꞈ kʼoeˇ, naw maꞈ-ahˇ sheuˬ uˇ gʼeh ngeh, tsawˇ jeuˬ heu deuˬ-ahˇ ngaˇ laˆ cawˆ ma. Aˬ yawꞈ maꞈ-euˬ miˬ yehˇ deuˬ-ahˇ naw maꞈ uˬ duˬ taˬ tahˬ.

Doˆ-iˇ 24:17

Sahˬpaˬ Miˬyehˇ-euˬ yaw shehꞈ kʼahˬ sehˇ-aˬ, gawˬ jawˬ uˬ du doꞈ luꞈ-eu miˬ dzaˬ-ahˇ duˇ gaˇ, Iˇsaˬleˬlaˆ tsawˇ haˬ deuˬ ya mawˇ-euˬ meh.

Iˇsaˬyaˇ 27:4

Yaˇ kmˇ kʼoeˇ-ahˇ ngaˇ nui ma maˬ pehˇ. Yaˇ moꞈ hawˇ-eu aˬ gah nawˆ laˇ gaˇ ngaˇ ceh gʼaˬ-awˇ, miˬ dzaˬ dzah puiˆ nehˬ-eu ma.

Iˇsaˬyaˇ 30:27

Haw yawˬ. Sahˬpaˬ Miˬyehˇ-euˬ tsawˇ myahˇ, gaˇ mahˇ kaˬ gaˇ neh oe luꞈ meh. Miˬ dzaˬ hawˇ-eu uˬ kʼoeˬ laꞈ kʼoeˇ, aˬ yawꞈ nui ma pehˇ-eu jeˬ mehˬ luꞈ meh. Aˬ yawꞈ mehˬ luˬ nui ma pehˇ dui dui-awˇ, aˬ yawꞈ-euˬ dawˬ, miˬ dzaˬ-ahˇ duˇ-eu meh.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Iˇsaˬyaˇ 30:33

Aˬshuˇliˆ miˇ kʼahˬ-ahˇ miˬ dzaˬ yaw kʼaˆ-ehˇ bi puiˆ-eu gʼaˇ duˬ, aˇ hu ba neh lehˬ hmˬ taˬ-euˬ jawˇ duˬ jaˆ-eu meh. Kʼoeˇ-aˬ, naꞈ dui jeˇ dui dui-eu miˬ dzaˬ jehˆ bymˇ bymˇ ma meh. Miˬ dzaˬ jehˆ bymˇ kʼoeˇ bymˇ-ahˇ, miˬ dzaˬ miˬ lmˇ ahˇ-eu Sahˬpaˬ Miˬyehˇ-euˬ saꞈ neh baw-awˇ bi puiˆ tehꞈ-a.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Miˇkaˬ 2:13

Aˬ yawꞈ maꞈ-ahˇ Miˬyehˇ gaˇ ma pah nehˬ-awˇ, aˬ cawˬ neh nyehꞈ gʼeh-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ sheuˬ doˆ nehˬ tehꞈ-a. Meuˬ meuˬ lahˇ-ahˇ aˬ yawꞈ maꞈ tahˬ paˆ doˆ-awˇ, ya buˬ ya law-iˇ tehꞈ-a. Aˬ yawꞈ maꞈ-euˬ sahˬ paˬ pyeuꞈ-eu Sahˬpaˬ Miˬyehˇ-euˬ mawˇ do aˬ yawꞈ maꞈ-ahˇ sheuˬ doˆ gʼeh tehꞈ-a.

Maꞈtehˬ 15:10

Kʼoeˇ naˇ, Yeˬsuˇ tsawˇ haˬ aˇ maꞈ-ahˇ kuˇ uiˬ-awˇ ehˇ nehˬ-eu, “Naˇ haˬ-awˇ gʼoˆ shaw geuꞈ-awˬ.

Maˬkuˆ 7:14

Kʼoeˇ naˇ tsawˇ haˬ aˇ maꞈ-ahˇ Yeˬsuˇ tiˬ poˆ paˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Naw maꞈ daw tawˆ luꞈ yaw muiˬ paˬ-ehˇ naˇ haˬ-awˇ gʼoˆ shaw geuꞈ-awˬ.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Eˇpeˇsu 5:17

Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.

Dawˬmehˬ 1:30

‘Tsawˇ haˬ kʼoeˇ deuˬ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ gʼeh-awˇ, Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ naw maꞈ ya mawˇ-euˬ loꞈ-ehˇ, tsawˇ haˬ kʼoeˇ deuˬ-ahˇ kʼawꞈ, naw maꞈ gʼaˇ duˬ aˬ yawꞈ guiˇ deuˆ tehꞈ-a.

Dawˬmehˬ 20:1

“Nawˬ-ahˇ muiˇ-eu deuˬ-ahˇ guiˇ deuˆ-iˇ-eu lehˇ nawˇ doˆ-iˇ-awˇ, naw maꞈ naˆ maˬ tseˇ myaˬ dzehˬ-eu mahˬ laˆ lawˬ deuˬ hawˇ-eu guiˇ guiˇ maꞈ deuˬ-ahˇ ya mawˇ ngeh, taˬ guˆ. Iˇjiˇtuˆ miˇ kʼahˬ laꞈ kʼoeˇ neh nawˬ-ahˇ ka kʼoꞈ doˆ laꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a.

Dawˬmehˬ 20:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ iˇ-awˇ, naw maꞈ gʼaˬ leˇ tehꞈ-a’ lehˇ ya ehˇ meh.

Dawˬmehˬ 4:24

Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, puiˆ dzaˬ laˇ-eu miˬ dzaˬ-ahˇ duˇ-awˇ, myaˆ naˆ-eu Miˬyehˇ meh.

Dawˬmehˬ 7:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ laꞈ-ahˇ bi ahˇ le-euˬ tsawˇ jeuˬ dawˬ tawˆ luꞈ-ahˇ, naw maꞈ laˆ luˬ laˆ seˇ nehˬ-awˬ. Aˬ yawꞈ maꞈ-ahˇ gʼawˬ shaˬ taˬ gaˬ. Aˬ yawꞈ maꞈ-euˬ miˬyehˇ deuˬ-ahˇ uˬ duˬ taˬ tahˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ-ahˇ lahˇ ju kʼmˇ gaˇ duˇ-eu meh.

Dawˬmehˬ 7:22

Naw maꞈ le gʼeh leꞈ-eu nehˬ-ehˇ, aˬ yawꞈ maꞈ-ahˇ tiˬ jawˇ ui cuiˆ ui cuiˆ-ehˇ Sahˬpaˬ Miˬyehˇ teh doˆ nehˬ tehꞈ-a. Aˬ yawꞈ maꞈ dawˬ tawˆ luꞈ-ahˇ, naw maꞈ tiˬ poˆ tehꞈ-ehˇ maˬ laˆ luˬ maˬ laˆ seˇ nehˬ nya-a. Kʼoeˇ loꞈ-ehˇ jahˇ naˇ, bawˇ tsahˬ jeˬ zaˬ myaˬ dui dui laˇ-awˇ, naw maꞈ-ahˇ laˆ bahˬ tehꞈ-a.

Dawˬmehˬ 9:6

Naw maꞈ za geuˇ-eu miˇ neh baw le za le-eu miˇ kʼahˬ kʼoeˇ kʼahˬ naw maꞈ-ahˇ aˬ yawꞈ biꞈ laꞈ-eu maˬ ngeuˇ-a lehˇ siˬ duˬ-awˬ. Aˬ jeˬ miˇ neh ehˇ naˇ, naw maꞈ-aˬ, nui ma gʼahˇ-eu tsawˇ jeuˬ pyeuꞈ-eu meh.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.

Yawˇshuˆ 11:12

Sahˬpaˬ Miˬyehˇ-euˬ zaˬ kʼaˆ Moˇseˬ neh dawˬ biꞈ taˬ-euˬ loꞈ-ehˇ, meuˬ kʼoeˇ deuˬ hawˇ-eu sahˬ paˬ kʼoeˇ deuˬ dawˬ tawˆ luꞈ-ahˇ Yawˇshuˆ deuˆ gʼaˬ-awˇ, tsawˇ haˬ yawˬ gʼaˬ na luꞈ-ahˇ sehꞈ jiˇ nehˬ-euˬ meh.

Yawˇshuˆ 11:8

Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ tsawˇ haˬ kʼoeˇ deuˬ kʼoeˇ taˆ bi gʼaˬ leˇ-euˬ meh. Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ deuˆ deuˆ-ehˇ teh-awˇ, laꞈ taˆ paw Miˇsaˬleˬpawˇmeˬ meuˬ hawˇ-euˬ Siˇdoˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw Miˇzaˬpaˬ deh kʼawꞈ-ahˇ keuˆ ni maˬ ehˇ, teh keuˆ gʼeh-euˬ meh. Muiˇ-eu deuˬ tiˬ gʼaˬ-iˬ maˬ dehꞈ-ehˇ pyeuꞈ-iˇ ngeh keuˆ ni, maˬ naˬ leˇ ni guiˇ deuˆ-euˬ meh.

Yawˇshuˆ 14:12

Ngaˇ hawˇ-eu ngaˬ-euˬ tsawˇ haˬ deuˬ kʼoeˬ sho haw leˇ-euˬ gaˇ kawˆ paˇ dzawˇ poˆ nehˬ ngeh nah, Sahˬpaˬ Miˬyehˇ ngaˬ-ahˇ saˇ jaˇ dzaˬ-euˬ loꞈ-ehˇ, gawˬ jawˬ gawˬ duˇ gahˬ kaˬ kʼoeˇ ngaˬ-ahˇ biꞈ nehˬ laꞈ-awˬ. Huiˬ dui goˇ dui dui-eu tsawˇ jeuˬ pyeuꞈ-eu Aˬnaˬkaˆ tsawˇ haˬ deuˬ, goˇ dui dui-eu meuˬ lahˇ laꞈ kʼoeˇ jawˇ luꞈ meh lehˇ naw maꞈ-ahˇ nga maꞈ ehˇ nehˬ-euˬ ma. Sahˬpaˬ Miˬyehˇ neh ehˇ taˬ-euˬ loꞈ-ehˇ, ngaˬ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ maꞈ-ahˇ ngaˇ teh doˆ nya-eu duˇ.”

Yawˇshuˆ 3:11

naw maꞈ-euˬ mehˬ shi Yawˇdaˬ lawˇ baˬ tsehˆ doˆ ngeh, dehꞈ luꞈ-eu Miˬyehˇ naw maꞈ nehˬ-ehˇ jawˇ-eu gaˇ kawˆ naw maꞈ ya siˬ tehꞈ-a.

Yawˇshuˆ 3:14

Aˇ yamˬ kʼoeˇ yamˬ-aˬ, cehˇ laˆ luiˆ yamˬ pyeuꞈ-awˇ, Yawˇdaˬ lawˇ baˬ iˇ cuꞈ bi lehˬ lehˬ luꞈ-eu meh. Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ tsehˆ-eu lehˇ sehˬ gʼawˆ laˆ luiˆ-awˇ doˆ-iˇ ngeh, piˇ ma deuˬ Dawˬ ma saˇ jaˇ Bahˬ keuˆ baꞈ-awˇ aˬ yawꞈ maꞈ-euˬ mehˬ hu doˆ-iˇ-euˬ meh. Piˇ ma deuˬ lawˇ baˬ-ahˇ aˬ kuiˇ cawˬ puꞈ-eu nehˬ-ehˇ,

Yaˇ kʼaˬ daˇ 4:14

Kʼoeˇ naˇ, Baˬyehˇ-ahˇ Diˬboˇlaˬ ehˇ nehˬ-eu, “Iˇ-awˬ. Sahˬpaˬ Miˬyehˇ nawˬ-ahˇ sheuˬ gʼeh luꞈ meh. Iˬ nah aˬ yawꞈ nawˬ-ahˇ Siˇseˬlaˇ-ahˇ bi gʼaˬ leˇ laꞈ tehꞈ-a.” Kʼoeˇ ngeh, Baˬyehˇ-aˬ, aˬ yawꞈ-euˬ tsawˇ haˬ tiˬ muiˇ gʼaˬ sheuˬ-awˇ, Taˬbawˬ gawˬ jawˬ-ahˇ neh zaꞈ ka-iˇ-euˬ meh.