Dawˬmehˬ 8:7 - Akha

⁷ Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, baw le za le-eu miˇ kʼahˬ-ahˇ naw maꞈ-ahˇ sheuˬ gʼeh luꞈ-eu meh. Lawˇ baˬ yoeˇ-awˇ iˇ beuˆ doˆ-eu miˇ kʼahˬ, miˇ tsaˬ dawˬ dah yoeˇ-eu lawˇ gawˆ deuˬ gawˬ jawˬ gʼaˬ lawˬ doe ni yoeˇ doˆ luꞈ-eu miˇ kʼahˬ,

Dawˬmehˬ 8:7 Σταυροειδείς Αναφορές

Aˇ dahˬ 49:11

Muiˬ dui dui-eu aˬ gaꞈ baw duˆ uˬ moˆ, aˬ yawꞈ-euˬ mahˬ tahˬ laˆ-ahˇ aˬ yawꞈ paꞈ tehꞈ-a. Shiˬ loꞈ-ehˇ neˇ-eu aˬ gaꞈ dzaˇ uiˇ laꞈ kʼoeˇ, aˬ yawꞈ-euˬ mehˬ tsoeˬ lehˬ tsiˬ tehꞈ-a.

2 Sahˬpaˬ 18:32

Naw maꞈ-euˬ miˇ kʼahˬ-ahˇ duˇ dui dui-eu miˇ kʼahˬ tiˬ kʼahˬ laꞈ kʼoeˇ, Aˬshuˇliˆ sahˬ paˬ naw maꞈ-ahˇ bi jawˇ nehˬ laꞈ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, aˬ gaꞈ dzaˇ uiˇ jahˇ-eu gʼaˇ duˬ aˬ gaꞈ baw duˆ dehꞈ-awˇ, kaˬ muˇ jahˇ-eu gʼaˇ duˬ cehˇ jaˆ meh. Saˬ loˬ aˇ bawˇ, saˬ loˬ tsiˇ hawˇ-eu byaˬ byaˬ uiˇ jaˆ-eu miˇ kʼahˬ kʼawꞈ pyeuꞈ-eu meh. Aˬ yawꞈ neh kʼaˇ ehˇ-euˬ loꞈ-ehˇ naw maꞈ geuꞈ naˇ, naw maꞈ maˬ shiˇ ni ya dehꞈ tehꞈ-a. Sahˬpaˬ Miˬyehˇ naw maꞈ-ahˇ ka kʼoꞈ le tehꞈ-a lehˇ, Heˬsaˬgiˇ mehˇ shuiˇ shuiˇ gaˇ naw maꞈ taˬ naˇ haˬ.

Jaceuq 104:10

Gʼaˬ lawˬ-ahˇ lawˇ gawˆ nawˇ bi yoeˇ-awˇ, gawˬ jawˬ yaw kaˬ-ahˇ lawˇ baˬ bi yoeˇ-euˬ meh.

Jaceuq 106:24

Miˬyehˇ-euˬ saˇ jaˇ-ahˇ maˬ jah-euˬ miˇ neh, nui saˇ oꞈ-eu miˇ kʼahˬ maˬ ya geuꞈ-aˬ.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Iˇsaˬyaˇ 36:17

Aˬ gaꞈ yaˇ kmˇ mˇ kʼaˇ za-awˇ, dzaˬ la gʼo cehˇ za le-eu naw maꞈ-euˬ miˇ kʼahˬ-ahˇ duˇ dui dui-eu jawˇ duˬ-ahˇ bi jawˇ-eu gʼaˇ duˬ, nga maꞈ-euˬ sahˬ paˬ naw maꞈ-ahˇ maˬ sheuˬ laˬ le kʼoeˇ keuˆ ni, naw maꞈ kʼoeˇ loꞈ-ehˇ ya dehꞈ ya jawˇ tehꞈ-a.

Iˇsaˬyaˇ 5:1

Ngaˬ-euˬ cawˬ hawˇ-eu aˬ yawꞈ-euˬ aˬ gaꞈ yaˇ kmˇ gaˇ kawˆ, ngaˇ caˇ gaˇ naˇ haˬ sheˇ. Miˇ muiˬ muiˬ dui dui-eu gawˬ duˇ kʼoeˇ taˆ, ngaˬ-eu cawˬ aˬ gaꞈ yaˇ kmˇ tiˬ kmˇ jaˆ meh.

Yeˬlaˬmiˇ 2:7

Dzaˬ la gʼo cehˇ mˇ za-awˇ baw le za le ni, miˇ tsaˬ miˇ muiˬ muiˬ-eu miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ sheuˬ uˇ nehˬ-euˬ kʼawꞈ, ngaˬ-euˬ miˇ kʼahˬ aˬ yawꞈ maꞈ laˆ cawˆ-awˇ, ngaˬ neh biꞈ-euˬ jeˬ biˇ laˆ jawꞈ-euˬ meh.

Yeˬsaˬgeˬlaˇ 17:5

Kʼoeˇ naˇ, Iˇsaˬleˬlaˆ miˇ kʼahˬ-ahˇ jaˆ-eu aˇ bawˇ aˇ ji tiˬ ji aˬ yawꞈ tsi-awˇ iˇ cuꞈ maˬ tsehˆ leˇ ni jaˆ-eu miˇ tsaˬ miˇ muiˬ muiˬ-eu jawˇ duˬ-ahˇ ka taˬ-euˬ meh.

Yeˬsaˬgeˬlaˇ 20:6

Kʼoeˇ ngeh jawˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-awˇ, aˬ yawꞈ maꞈ gʼaˇ duˬ ngaˬ neh tseˇ doˆ taˬ-euˬ miˇ kʼahˬ-ahˇ sheuˬ gʼeh nehˬ ma lehˇ, ngaˇ saˇ jaˇ dzaˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ, baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Dawˬmehˬ 8:6

Aˬ yawꞈ-euˬ zahˇ dawˬ kʼoꞈ dawˬ-euˬ mehˬ nah caw teh-eu laꞈ kʼoeˇ yaw dehꞈ dehꞈ-awˇ, aˬ yawꞈ-ahˇ guˆ-awˬ.

Dawˬmehˬ 8:8

dzaˬ la gʼo cehˇ maˬ ehˇ, aˬ gaꞈ aˇ siˬ maˬ ehˇ, siˬ guˬ aˇ siˬ maˬ ehˇ, aˇ ka uˆ aˇ siˬ maˬ ehˇ, saˬ loˬ tsiˇ maˬ ehˇ, byaˬ byaˬ uiˇ maˬ ehˇ, za dui dui le-eu miˇ kʼahˬ-ahˇ, naw maꞈ-ahˇ sheuˬ gʼeh luꞈ-eu meh.

Yaˇ kʼaˬ daˇ 18:10

Naw maꞈ kʼoeˇ gaˇ iˇ keuˆ ngeh, tsawˇ haˬ kʼoeˇ deuˬ tiˬ jeˬ-ahˇ-iˬ kʼahˬ maˬ lahˇ ni jawˇ luꞈ gaˇ ya mawˇ tehꞈ-a. Kʼoeˇ-aˬ, huiˬ-eu miˇ kʼahˬ tiˬ kʼahˬ pyeuꞈ-eu meh. Tsawˇ haˬ zaˬ kʼaˇ geuꞈ mawꞈ-eu jeˬ kʼoeˇ gaˇ jaˆ kuꞈ-awˇ, miˇ kʼahˬ kʼoeˇ kʼahˬ Miˬyehˇ naw maꞈ-ahˇ biꞈ laꞈ gʼaˬ-euˬ meh.”