Dawˬmehˬ 5:1 - Akha

¹ Iˇsaˬleˬlaˆ tsawˇ haˬ dawˬ tawˆ luꞈ-ahˇ Moˇseˬ kuˇ uiˬ-awˇ ehˇ nehˬ-eu, “Iˇsaˬleˬlaˆ tsawˇ haˬ deuˬ-oˇ, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ-awˇ dzaw geuꞈ-eu laꞈ kʼoeˇ, yaw muiˬ paˬ-ehˇ caw teh-awˬ.

Dawˬmehˬ 5:1 Σταυροειδείς Αναφορές

Jaceuq 78:7

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-ahˇ aˬ yawꞈ maꞈ gʼoe-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ aˬ myah luꞈ caw teh nya tehꞈ-a.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Doˆ-iˇ 18:20

Miˬyehˇ-euˬ zahˇ dawˬ kʼoꞈ dawˬ deuˬ aˬ yawꞈ maꞈ-ahˇ mehˬ nehˬ tsoˆ nehˬ-awˇ, aˬ yawꞈ maꞈ aˬ joˆ-ehˇ ya dehꞈ ya jawˇ ya mˇ ya shaˇ-eu gaˇ kawˆ mehˬ duˬ nehˬ-eu tsaˬ tehꞈ-a.

Maꞈtehˬ 23:3

Kʼoeˇ miˇ neh, aˬ yawꞈ maꞈ kʼaˇ ehˇ-eu yawˬ jeˬ na luꞈ-ahˇ, naw maꞈ naˇ haˬ-awˇ ya caw teh meh. Ehˇ kʼawꞈ, aˬ yawꞈ maꞈ mˇ gaˇ shaˇ gaˇ naw maꞈ taˬ dzaw geuꞈ. Aˬ jeˬ miˇ neh ehˇ naˇ, aˬ yawꞈ maꞈ mehˬ-eu tsoˆ-eu loꞈ-ehˇ, aˬ yawꞈ maꞈ maˬ mˇ maˬ shaˇ-a.

Dawˬmehˬ 1:1

Yawˇdaˬ lawˇ baˬ nahˇ ma doˆ kʼehˬ paw jaˆ-eu bawˇ tsahˬ bawˇ dahˇ laꞈ kʼoeˇ, Iˇsaˬleˬlaˆ tsawˇ haˬ deuˬ jawˇ luꞈ ngeh, aˬ yawꞈ maꞈ-ahˇ Moˇseˬ neh ehˇ nehˬ-euˬ dawˬ deuˬ, sahˬ boꞈ heu taꞈ laꞈ kʼoeˇ ahˇ-eu meh. Tiˬ paw paˆ Paˬlaˬ meuˬ hawˇ-eu, tiˬ paw paˆ Tawˇpeˬlaˇ, Laˬbaˬ, Haˬzeˬloˆ, Diˇzaˬhaˇ meuˬ heu deuˬ jaˆ luꞈ-eu yaw kaˬ-ahˇ, Suˇpaˬ meuˬ dawˬ peh Yawˇdaˬ lawˇ baˬ deh kʼawꞈ-ahˇ aˬ yawꞈ maꞈ jawˇ-euˬ meh.

Dawˬmehˬ 11:1

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, aˬ yawꞈ-euˬ zahˇ dawˬ kʼoꞈ dawˬ deuˬ-ahˇ aˬ myah luꞈ naˇ haˬ geuꞈ-awˬ.

Dawˬmehˬ 12:1

“Heu-aˬ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ kʼoeˇ kʼahˬ laꞈ kʼoeˇ kʼaˇ jawˇ kʼoeˇ keuˆ ni, naw maꞈ ya caw teh-eu zahˇ sahˇ kʼoꞈ deuˬ meh. Zahˇ dawˬ kʼoꞈ dawˬ heu deuˬ-ahˇ naˇ haˬ sheˇ.

Dawˬmehˬ 17:19

Sahˬpaˬ Miˬyehˇ-ahˇ taˬ huiˬ taˬ mahˇ nya laˇ-awˇ, kʼoeˇ gaˇ kʼaˇ boꞈ taˬ-euˬ zahˇ dawˬ kʼoꞈ dawˬ deuˬ-ahˇ saˇ jaˇ ziꞈ-eu laꞈ kʼoeˇ caw teh nya laˇ ni, sahˬ boꞈ paˇ dmˬ kʼoeˇ aˬ yawꞈ dawˬ peh bi jaˆ-awˇ, ziˇ jiˇ leˇ ngeh keuˆ ni ya gui meh.

Dawˬmehˬ 28:15

“Ehˇ kʼawꞈ, iˬ nah ngaˇ nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ hawˇ-eu aˬ yawꞈ neh biꞈ-euˬ dawˬ deuˬ -ahˇ nawˇ saˇ jaˇ ziꞈ-eu laꞈ kʼoeˇ maˬ caw teh naˇ, maˬ muiˬ maˬ jaˬ-eu heu deuˬ dawˬ tawˆ luꞈ nawˬ-euˬ kʼoeˇ taˆ keuˆ le tehꞈ-a.

Dawˬmehˬ 29:10

“Iˬ nah naw maꞈ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi yawꞈ luꞈ-eu meh. Naw maꞈ-euˬ aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ maˬ ehˇ, kʼaˬ dzeˇ zaˬ deuˬ maˬ ehˇ,

Dawˬmehˬ 29:2

Iˇsaˬleˬlaˆ tsawˇ haˬ dawˬ tawˆ luꞈ-ahˇ Moˇseˬ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Iˇjiˇtuˆ sahˬ paˬ-ahˇ maˬ ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ kʼahˬ lah ni-ahˇ maˬ ehˇ, Sahˬpaˬ Miˬyehˇ neh jahˇ nehˬ-euˬ jeˬ-ahˇ naw maꞈ-euˬ mawˇ do ya mawˇ duˬ gʼaˬ-euˬ meh.

Dawˬmehˬ 4:1

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-eu lehˇ lehˬ hmˬ taˬ-euˬ miˇ kʼahˬ-ahˇ naw maꞈ ya jawˇ leˇ ni, ngaˇ naw maꞈ-ahˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˬ.

Dawˬmehˬ 4:49

Laꞈ oˆ paw Shiˇ-eu Iˬ ma laˆ shaˆ-ahˇ neh aˇ dahˬ beh-awˇ, nahˇ ma doˆ kʼehˬ paw Piˇsaˬgaˬ gawˬ jawˬ-ahˇ keuˆ ni Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu gahˬ kaˬ kʼoeˇ deuˬ kʼawꞈ, miˇ kʼahˬ kʼoeˇ kʼahˬ-ahˇ taꞈ-euˬ meh.

Dawˬmehˬ 4:5

“Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ bi ngehˬ kʼaˇ bi tmˇ laꞈ-euˬ loꞈ-ehˇ, zahˇ dawˬ kʼoꞈ dawˬ dawˬ tawˆ luꞈ naw maꞈ-ahˇ ngaˇ mehˬ nehˬ tsoˆ nehˬ gʼaˬ-euˬ ma. Naw maꞈ jawˇ uˇ leˇ-eu lehˇ gʼeh-eu miˇ kʼahˬ laꞈ kʼoeˇ, kʼoeˇ deuˬ-ahˇ naw maꞈ naˇ haˬ geuꞈ-awˬ.

Dawˬmehˬ 5:2

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ, Siˇnaˆ gawˬ jawˬ kʼoeˇ taˆ dawˬ ma saˇ jaˇ dzaˬ-euˬ meh.

Dawˬmehˬ 6:17

Aˬ yawꞈ neh kʼaˇ biꞈ laꞈ-euˬ zahˇ dawˬ kʼoꞈ dawˬ deuˬ-ahˇ naw maꞈ maˬ ngehˇ ni yaw duˬ duˬ-ehˇ caw teh-awˬ.

Yawˇshuˆ 1:8

Nawˇ uˬ duˬ kʼaˇ tahˬ ngeh, Zahˇ dawˬ kʼoꞈ dawˬ sahˬ boꞈ-ahˇ maˬ ngehˇ ni gui-awˬ. Uˬ ciꞈ nah gʼahˇ maˬ ehˇ, maˬ byehˇ ni gui-eu laꞈ kʼoeˇ, kʼoeˇ gaˇ kʼaˇ boꞈ taˬ-euˬ yawˬ jeˬ na luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, nawˇ baw le za le-awˇ, mˇ-eu shaˇ-eu yawˬ jeˬ na luꞈ laꞈ kʼoeˇ, guiˬ lahˬ baw tehꞈ-a.