Dawˬmehˬ 4:12 - Akha

¹² Miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ aˬ joˆ-ehˇ dawˬ ngehˬ-euˬ gaˇ kawˆ hawˇ-eu, aˬ yawꞈ-euˬ dawˬ ya gaˬ-euˬ kʼawꞈ, aˬ yawꞈ-ahˇ maˬ ya mawˇ-euˬ gaˇ kawˆ aˬ yawꞈ maꞈ-ahˇ dzawˇ nehˬ-awˬ.

Dawˬmehˬ 4:12 Σταυροειδείς Αναφορές

Doˆ-iˇ 19:9

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ nawˬ-ahˇ dawˬ ngehˬ cawˬ gaˇ tsawˇ haˬ heu deuˬ ya gaˬ-awˇ, aˬ kaˇ naˇ, aˬ yawꞈ maꞈ nawˬ-ahˇ jah laˇ ni, zahˇ tsui ni gʼeh-eu mˬ dmˇ laꞈ kʼoeˇ nawˇ jawˇ gaˇ ngaˇ oe ma.” Tsawˇ haˬ kʼoeˇ deuˬ neh ehˇ-euˬ dawˬ kʼoeˇ dawˬ, Sahˬpaˬ Miˬyehˇ-ahˇ Moˇseˬ tsaꞈ nehˬ leˇ-euˬ meh.

Doˆ-iˇ 20:22

Moˇseˬ-ahˇ Sahˬpaˬ Miˬyehˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ bi ehˇ nehˬ-iˇ-euˬ meh. “Sahˬpaˬ Miˬyehˇ pyeuꞈ-eu ngaˇ, mˬ kʼoeˇ taˆ neh naw maꞈ-ahˇ dawˬ aˬ joˆ-ehˇ ngehˬ cawˬ-euˬ naw maꞈ ya mawˇ gʼaˬ-euˬ meh.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Iˇsaˬyaˇ 40:18

Miˬyehˇ-ahˇ aˬ geu gʼaˬ nehˬ-ehˇ shaˇ cehˆ haw nmˇ. Aˬ yawꞈ aˬ jeˬ-ahˇ duˇ-eu ehˇ nya ma loˇ.

Iˇsaˬyaˇ 40:3

Teˇ saˇ guˇ doˆ laˇ gaˇ naˇ haˬ sheˇ. “Sahˬpaˬ Miˬyehˇ gʼaˇ duˬ bawˇ tsahˬ bawˇ dahˇ-ahˇ gaˇ ma shaˇ dahˇ-awˬ. Aˬ dui-euˬ Miˬyehˇ gʼaˇ duˬ kʼaˇ shuiꞈ deh-ahˇ gaˇ ma laˆ saˆ-awˬ.

Iˇsaˬyaˇ 40:6

“Guˇ gaˬ nehˬ-awˬ” lehˇ teˇ saˇ mahˇ doˆ laˇ-awˇ, “Aˬ jeˬ ya guˇ gaˬ nmˇ” lehˇ ngaˇ naˇ haˬ-euˬ ma. “Heu loꞈ-ehˇ guˇ gaˬ nehˬ-awˬ. Tsawˇ jeuˬ dawˬ tawˆ luꞈ yaˇ moꞈ loˆ ni tehꞈ-ehˇ tawˬ-awˇ, bawˇ tsahˬ aˇ yehˆ naˆ maˬ tseˇ maˬ gmˬ-a.

Bawˇtsahˬ 12:8

Kʼoeˇ miˇ neh, aˬ yawꞈ-ahˇ ngaˇ dawˬ ngehˬ cawˬ ngeh, myaˆ pyawˬ ciˬ daˬ-awˇ, bya cehˆ ni ngehˬ cawˬ-eu ma. Dawˬ jaw dawˬ yehˆ maˬ zmˬ. Ngaˬ-euˬ seuˆ dzeuꞈ aˇ gʼehˇ kʼawꞈ, aˬ yawꞈ mawˇ haw-euˬ meh. Ngaˬ-euˬ zaˬ kʼaˆ Moˇseˬ-ahˇ iˬ baˇ taˬ-eu dawˬ, naw nyaꞈ aˬ joˆ-ehˇ ngehˬ peuˬ-eu nya.”

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Maꞈtehˬ 3:3

Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ-euˬ dawˬ heu dawˬ-aˬ, Yoˇhaˬ-ahˇ ehˇ-euˬ dawˬ pyeuꞈ-eu meh. “Bawˇ tsahˬ bawˇ dahˇ laꞈ kʼoeˇ jawˇ-awˇ, heu loꞈ-ehˇ tiˬ gʼaˬ guˇ luꞈ meh. ‘SahˬpaˬMiˬyehˇ oe-eu gʼaˇ duˬ, gaˇ ma lehˬ hmˬ laˆ saˆ taˬ-awˬ. Aˬ yawꞈ oe-eu gaˇ ma tiˬ kahˇ, dawˇ coe ni shaˇ dahˇ doˆ taˬ-awˬ.’ ”

Dawˬmehˬ 10:4

Kʼoeˇ ngeh, yaw beh poˆ boꞈ-euˬ dawˬ deuˬ pyeuꞈ-eu, gawˬ jawˬ dawˬ peh naw maꞈ uiˬ leˇ-awˇ jawˇ ngeh nah, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ dawˬ ngehˬ cawˬ ngeh nah biꞈ laꞈ-euˬ Zahˇ dawˬ kʼoꞈ dawˬ kʼoeˇ Tseˇ dawˬ, kʼaˬ lo teˇ byaꞈ kʼoeˇ taˆ aˬ yawꞈ paˇ boꞈ poˆ-awˇ, kʼaˬ lo teˇ byaꞈ kʼoeˇ nyiˬ byaꞈ aˬ yawˬ ngaˬ-ahˇ biꞈ laꞈ-euˬ meh.

Dawˬmehˬ 4:11

“Zahˇ tsui ni gʼeh-eu mˬ dmˇ, naˆ cawꞈ ni gʼeh-eu miˬ dzaˬ uˬ kʼoeˬ hawˇ-eu, mˬ-ahˇ tuˆ ni le luꞈ-eu miˬ lmˇ dehˬ kaˬ taˬ-euˬ gawˬ jawˬ dawˬ dahˬ-ahˇ naw maꞈ yawꞈ-euˬ gaˇ kawˆ naw maꞈ-euˬ zaˬ deuˬ-ahˇ dzawˇ mehˬ nehˬ-awˬ.

Dawˬmehˬ 4:13

Naw maꞈ bi caw teh-eu gʼaˇ duˬ, aˬ yawꞈ-euˬ dawˬ ma saˇ jaˇ pyeuꞈ-eu Zahˇ dawˬ kʼoꞈ dawˬ Tseˇ dawˬ aˬ yawꞈ ehˇ mehˬ nehˬ-awˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Dawˬmehˬ 4:15

“Siˇnaˆ gawˬ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ dawˬ ngehˬ cawˬ ngeh, aˬ yawꞈ-euˬ gʼawˇ mawˇ seuˆ dzeuꞈ-ahˇ naw maꞈ maˬ ya mawˇ-aˬ. Kʼoeˇ miˇ neh, kʼaˬ dzeˇ zaˬ hawˇ-eu zaˬ miˬ zaˬ-ahˇ maˬ ehˇ, jeˬ zaˬ hawˇ-eu aˇ jiˇ-ahˇ maˬ ehˇ, miˇ tsaˬ-ahˇ joe joe-ehˇ cah-eu jeˬ hawˇ-eu ngaˬ shaˬ-ahˇ maˬ ehˇ, kʼoeˇ deuˬ-ahˇ duˇ leˇ-eu tahˬ pahˬ aˬ ma mawˇ kawˇ yawˬ ha gʼaˇ duˬ tehˆ-eu laꞈ kʼoeˇ, naw maꞈ iˬ baˇ maˬ ya mˇ ni yawˬ haˇ yawˬ ha yahˇ-awˬ.

Dawˬmehˬ 4:33

Naw maꞈ loꞈ-ehˇ miˬ dzaˬ laꞈ kʼoeˇ miˬ yehˇ dawˬ ngehˬ gaˇ ya gaˬ haw-awˇ, maˬ shiˇ ni dehꞈ-euˬ tsawˇ haˬ jawˇ meh loˇ.

Dawˬmehˬ 4:36

Mˬ kʼoeˇ taˆ neh aˬ yawꞈ-euˬ teˇ saˇ bi gaˬ le-awˇ, naw maꞈ-ahˇ aˬ yawꞈ mehˬ nehˬ tsoˆ nehˬ-awˇ, miˇ tsaˬ kʼoeˇ taˆ aˬ yawꞈ-euˬ muiˬ-eu shawˇ-eu miˬ dzaˬ naw maꞈ-ahˇ bi mawˇ-awˇ, kʼoeˇ laꞈ kʼoeˇ naw maꞈ-ahˇ dawˬ ngehˬ cawˬ-euˬ meh.

Dawˬmehˬ 5:22

“Heu-aˬ, gawˬ jawˬ dawˬ peh naw maꞈ uiˬ leˇ-awˇ jawˇ ngeh, naw maꞈ dawˬ tawˆ luꞈ-ahˇ Sahˬpaˬ Miˬyehˇ neh biꞈ-euˬ zahˇ dawˬ kʼoꞈ dawˬ deuˬ meh. Miˬ dzaˬ laꞈ kʼoeˇ hawˇ-eu zahˇ tsui ni gʼeh-eu mˬ dmˇ laꞈ kʼoeˇ, aˬ yawꞈ-euˬ baoˬ huiˬ-eu teˇ saˇ dawˬ ngehˬ doˆ laˇ ngeh, zahˇ dawˬ kʼoꞈ dawˬ heu deuˬ tehꞈ-ehˇ biꞈ laꞈ-euˬ meh. Kʼoeˇ naˇ, kʼaˬ lo teˇ byaꞈ nyiˬ byaꞈ kʼoeˇ taˆ zahˇ dawˬ kʼoꞈ dawˬ heu deuˬ aˬ yawꞈ boꞈ-awˇ, ngaˬ-ahˇ biꞈ laꞈ-euˬ meh.

Dawˬmehˬ 5:4

Gawˬ jawˬ kʼoeˇ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ myaˆ pyawˬ ciˬ daˬ-awˇ dawˬ ngehˬ cawˬ-euˬ meh.

Dawˬmehˬ 9:10

Kʼoeˇ ngeh, naw maꞈ gawˬ jawˬ-ahˇ uiˬ leˇ-awˇ jawˇ ngeh nah, miˬ dzaˬ laꞈ kʼoeˇ aˬ yawꞈ naw maꞈ-ahˇ ngehˬ cawˬ-euˬ dawˬ deuˬ-ahˇ, aˬ yawꞈ-euˬ aˬ laꞈ neh boꞈ doˆ taˬ-euˬ kʼaˬ lo teˇ byaꞈ kʼoeˇ nyiˬ byaꞈ, Sahˬpaˬ Miˬyehˇ ngaˬ-ahˇ biꞈ laꞈ-euˬ meh.

Gawˇlawˇsehˇ 1:15

Tsawˇ haˬ zaˬ deuˬ Ka li-ahˇ mawˇ nya-eu meh. Ka li-aˬ, maˬ mawˇ nya-eu Miˬyehˇ-ahˇ duˇ-eu meh. Ka liˬ-aˬ, kʼaˇ beh taˬ-euˬ jeˬ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu dehꞈ beh beh le-euˬ gʼaˬ meh.

HeˬByehˇ 12:19

daˇ heh teˇ saˇ-ahˇ maˬ ehˇ, dawˬ ngehˬ-eu teˇ saˇ-ahˇ maˬ ehˇ, ya gaˬ ya mawˇ-euˬ meh.