Dawˬmehˬ 32:30 - Akha

³⁰ Yawꞈ maꞈ gʼoe duˬ lo guˇ pyeuꞈ-eu Sahˬpaˬ Miˬyehˇ neh yawꞈ maꞈ-ahˇ maˬ byehˇ dzeh ni haw law nmˇ-aˬ, aˬ cawˬ tsawˇ haˬ tiˬ gʼaˬ tehꞈ-ehˇ, yawꞈ maꞈ tiˬ heˇ gʼaˬ-ahˇ teh-awˇ, aˬ cawˬ tsawˇ haˬ nyiˬ gʼaˬ oe-euˬ, tiˬ muiˇ gʼaˬ-ahˇ gʼaˬ leˇ nmˇ loˇ.

Dawˬmehˬ 32:30 Σταυροειδείς Αναφορές

1 Sahˬpaˬ 14:16

Yeˬyawˇbamˬ mehˬ huˬ huˬ-eu mehˬ nah caw teh-awˇ, Iˇsaˬleˬlaˆ tsawˇ haˬ deuˬ iˬ baˇ mˇ-euˬ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ byehˇ dzeh tehꞈ-a.”

2 Sahˬpaˬ 7:5

Kʼoeˇ naˇ, uˬ ciꞈ zahˇ le jawˬ-ehˇ Suˇliˆ tsawˇ haˬ-euˬ taˆ-ahˇ aˬ yawꞈ maꞈ le-euˬ meh. Kʼoeˇ gaˇ le keuˆ ngeh, tsawˇ haˬ tiˬ gʼaˬ-iˬ maˬ jawˇ gaˇ ya mawˇ-euˬ meh.

1 Laˬsaˬbaˬ 12:14

Gaˆ tsawˇ haˬ heu deuˬ laꞈ kʼoeˇ, tiˬ paˆ na deuˬ-aˬ, tiˬ heˇ gʼaˬ kʼoeˇ taˆ uˆ lahˇ-eu aˬ yuiꞈ geuꞈ-awˇ, tiˬ paˆ na deuˬ-aˬ, tiˬ yaˇ gʼaˬ kʼoeˇ taˆ uˆ lahˇ-eu aˬ yuiꞈ geuꞈ-euˬ meh.

2 Laˬsaˬbaˬ 24:24

Suˇliˆ guiˇ maꞈ yaw cuiˆ kʼawꞈ, myaˬ dui dui-eu Yuˇdaˆ guiˇ maꞈ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-euˬ miˇ neh, kʼoeˇ loꞈ-ehˇ bi deuˆ gʼaˬ ni Sahˬpaˬ Miˬyehˇ jahˇ-euˬ meh. Kʼoeˇ loꞈ-ehˇ jahˇ-awˇ, sahˬ paˬ Yawˇshaˆ-ahˇ kʼehˬ nehˬ kʼaˆ nehˬ-euˬ meh.

Yawˇbaˆ 11:10

Miˬyehˇ nawˬ-ahˇ nyehꞈ-awˇ yaˇ kʼaˬ daˇ naˇ, laˆ tsoeˬ peuˬ-eu aˬ suˇ gʼaˬ jawˇ nmˇ.

Yawˇbaˆ 16:11

Miˬyehˇ ngaˬ-ahˇ haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ a nehˬ-euˬ meh.

Jaceuq 31:8

muiˇ-eu deuˬ-euˬ aˬlaꞈlaꞈkʼoeˇ, maˬbi ahˇleˇni tsahˇdzeuˇ-awˇ, kʼahˬbya lawˬbya jeˇlo gʼeh gaˇ, kuiˇka ciˬpaˇnehˬlaꞈ-euˬmeh.

Jaceuq 44:12

Maˬpoeˬmaˬlawˬ-eu mˇmyawˬdeuˬ, yaˇkʼeu ni ahˬdzeh-eu loꞈ-ehˇ, nawˬ-euˬtsawˇhaˬnawˇahˬ-euˬmeh.

Iˇsaˬyaˇ 30:17

Aˬ cawˬ-euˬ yehˇ tiˬ gʼaˬ-ahˇ naw maꞈ ya mawˇ ngeh, nawꞈ maꞈ-euˬ yehˇ aˇ muiˇ gʼaˬ cehˆ tehꞈ-a. Aˬ cawˬ-euˬ yehˇ ngaˬ gʼaˬ-ahˇ mawˇ naˇ, naw maꞈ-euˬ yehˇ dawˬ tawˆ luꞈ cehˆ byoˆ jiˇ-awˇ, naw maꞈ guiˇ maꞈ kʼoeˇ myaˆ ni gʼeh-eu laꞈ kʼoeˇ, paˇ loˬ paˇ lehˇ baꞈ-eu tiˬ gʼaˬ tehꞈ-ehˇ, gawˬ jawˬ uˬ du dzeˇ yaꞈ tehꞈ-a.”

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Iˇsaˬyaˇ 52:3

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ zaˬ kʼaˆ bi geuꞈ ngeh, aˇ poeˬ biꞈ-awˇ zeuˇ-euˬ maˬ ngeuˇ-a. Kʼoeˇ loꞈ-ehˇ duˇ ni, naw maꞈ-ahˇ pyehˬ nehˬ-euˬ gʼaˇ duˬ kʼawꞈ, aˇ poeˬ maˬ biꞈ ni bi pyehˬ ma.

Uˬ duˬ 26:7

Naw maꞈ-ahˇ muiˇ-eu tsawˇ haˬ deuˬ-ahˇ naw ma teh-awˇ, naw maꞈ-euˬ mi cehˇ uˬ moˆ, aˬ yawꞈ maꞈ saꞈ gʼawˇ li tehꞈ-a.

Uˬ duˬ 26:8

Naw maꞈ tsawˇ haˬ ngaˬ gʼaˬ, aˬ cawˬ tiˬ yaˇ gʼaˬ-ahˇ gʼaˬ leˇ-awˇ, naw maꞈ tsawˇ haˬ tiˬ yaˇ gʼaˬ, aˬ cawˬ tiˬ muiˇ gʼaˬ-ahˇ gʼaˬ leˇ tehꞈ-a.

Maꞈtehˬ 18:25

Zaˬ kʼaˆ kʼoeˇ gʼaˬ dziˇ dzoˆ maˬ tsoeˬ tsehˆ nya-a. Kʼoeˇ miˇ neh, aˬ yawꞈ-euˬ gʼawˇ mawˇ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ maˬ ehˇ, a yawꞈ kʼaˇ jaˆ-eu jeˬ dawˬ tawˆ luꞈ maˬ ehˇ, ahˬ dzeh jiˇ-awˇ, dziˇ dzoˆ bi tsoeˬ tsehˆ-eu gʼaˇ duˬ sahˬ paˬ neh dawˬ biꞈ-euˬ meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Yawˇshuˆ 23:10

Naw maꞈ tsawˇ haˬ aˬ geu gʼaˬ maˬ kaˬ, aˬ cawˬ tsawˇ haˬ tiˬ heˇ gʼaˬ cehˆ byoˆ ni jahˇ nya tehꞈ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ gʼaˇ duˬ aˬ yawꞈ guiˇ deuˆ luꞈ-eu meh.

Yaˇ kʼaˬ daˇ 2:14

Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, tahˇ joe baˬ maꞈ pyehˬ gʼeh leꞈ-awˇ, aˬ yawꞈ maꞈ-euˬ myawˬ gahˬ deuˬ bi ceh geuꞈ-euˬ meh. Aˬ yawꞈ maꞈ-euˬ jawˬ jawˬ-ehˇ kʼaˇ jawˇ-eu aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ aˬ yawꞈ maꞈ naˆ maˬ tseˇ gʼaˬ bi kʼaˆ dzehˬ laˇ-awˇ, Iˇsaˬleˬlaˆ tsawˇ haˬ deuˬ aˬ cawˬ-ahˇ maˬ gʼaˬ leˇ ni pyeuꞈ-iˇ-euˬ meh.

Yaˇ kʼaˬ daˇ 3:8

Kʼoeˇ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ nui ma pehˇ laˇ-awˇ, Maˬsoˬpoˬtaˬmiˇ sahˬ paˬ Kuˇshaˬliˇshaˬdeˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, yehꞈ kʼoꞈ byah ni bi uˆ lahˇ-euˬ meh.

1 Saˬmeuˬlaˆ 2:2

“Sahˬpaˬ Miˬyehˇ loꞈ-ehˇ shawˇ-eu, nui gʼaˬ tiˬ gʼaˬ-iˬ maˬ jawˇ-a. Yawꞈ-ahˇ duˇ-eu gʼaˬ maˬ jawˇ-a. Miˬyehˇ loꞈ-ehˇ haw piˇ nya-eu, nui gʼaˬ tiˬ gʼaˬ-iˬ maˬ jawˇ-a.