Dawˬmehˬ 3:8 - Akha

⁸ “Kʼoeˇ ngeh yamˬ-ahˇ, Yawˇdaˬ lawˇ baˬ nahˇ na doˆ kʼehˬ paw jaˆ-eu, Aˬnoˬ lawˇ baˬ-ahˇ neh Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Aˬmawˇliˆ sahˬ paˬ kʼoeˇ nyiˬ gʼaˬ-euˬ laꞈ-ahˇ neh, aˬ dui deuˆ za-euˬ ma.

Dawˬmehˬ 3:8 Σταυροειδείς Αναφορές

1 Sahˬpaˬ 4:19

Uˇliˆ-euˬ aˬ li Geˬbeuˬ-aˬ, Aˬmoˬ sahˬ paˬ Siˇhoˬ hawˇ-eu Baˬshaˬ sahˬ paˬ Awˇgaˆ aˬ nyaꞈ neh uˆ lahˇ-euˬ miˇ kʼahˬ pyeuꞈ-eu Giˇlaˆ gahˬ kaˬ-ahˇ haw-eu pyaˆ-eu gʼaˬ geuꞈ-euˬ meh. Sahˬ paˬ sahˬ ma kʼoeˇ tseˇ nyiꞈ gʼaˬ uˬ taꞈ, miˇ kʼahˬ kʼahˬ lah ni kʼoeˇ taˆ haw-eu pyaˆ-eu tiˬ gʼaˬ paˇ bi jawˇ-euˬ meh.

1 Laˬsaˬbaˬ 5:23

Nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ-aˬ, Baˬshaˬ miˇ kʼahˬ-ahˇ jawˇ-awˇ, laꞈ taˆ paw Baˬlaˇheˬlaˬmoˬ meuˬ, Seˬnyaˬ meuˬ hawˇ-eu Heˬlaˬmoˬ gawˬ jawˬ-ahˇ keuˆ ni jawˇ keuˆ-euˬ meh. Aˬ yawꞈ maꞈ tsawˇ haˬ myaˬ dui behˇ dui dui laˇ luꞈ-eu meh.

Jaceuq 42:6

Aˬcawˬmiˇkʼahˬ-ahˇya jawˇ-eu, nui ma cawˆdui dui-eu miˇneh, Miˬyehˇ-ahˇshaˇnoeˬluꞈ-eu ma. Ngaˬ-euˬsaꞈlaˇshaˬzahˬnaꞈni, aˬyawꞈneh bi keuˆle-euˬmeh. Heˬlaˬmoˬgawˬjawˬkʼoeˇtaˆneh, Miˇzaˬ gawˬjawˬyaw goˇ-ahˇ neh, yoeˇka leꞈ-euˬiˇcuꞈkʼoeˇdeuˬ, Yawˇdaˬiˇcuˬlawˇbaˬkʼoeˇtaˆ, tsawˬga ga ahˇleꞈ-eu loꞈ-ehˇ, nui ma-ahˇlaˆsuˬsaˬ-eu jeˬ, ngaˬ-euˬkʼoeˇtaˆkeuˆle luꞈmeh.

Jaceuq 89:12

Miˇ tsaˬ tahˬ kʼawˇ laꞈ oˆ pyawˬ laꞈ taˆ pyawˬ baw ni nawˬ neh beh taˬ-euˬ meh. Taˬbawˬ gawˬ jawˬ hawˇ-eu Heˬlaˬmoˬ gawˬ jawˬ, laˬ kʼaˬ tiˬ cehˇ nawˬ-ahˇ ja ceuˬ luꞈ meh.

Dawˬmehˬ 4:47

Aˬ yawꞈ-euˬ miˇ kʼahˬ hawˇ-eu Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmoˬ sahˬ paˬ yawˬ gʼaˬ yawˬ pyeuꞈ-eu Baˬshaˬ sahˬ paˬ Awˇgaˆ-euˬ miˇ kʼahˬ-ahˇ aˬ yawꞈ maꞈ deuˆ geuꞈ-euˬ meh.

Dawˬmehˬ 4:48

Miˇ kʼahˬ kʼoeˇ kʼahˬ-aˬ, Aˬnoˬ deh kʼawꞈ-euˬ mehˬ dzaˬ-ahˇ jaˆ-eu Aˬyawˬ meuˬ-ahˇ neh Siˬyahˬ lehˇ kuˇ-eu Heˬlaˬmoˬ gawˬ jawˬ-ahˇ doˆ ni meh.

Yawˇshuˆ 12:1

Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Yawˇshuˆ 13:8

Luˇbeˬ tsawˇ jeuˬ, Gaˆ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za-euˬ meh.