Dawˬmehˬ 27:2 - Akha

² Yawˇdaˬ lawˇ baˬ tsehˆ doˆ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ laꞈ-euˬ miˇ kʼahˬ-ahˇ nawˇ le uˇ ngeh nah, muiˬ-eu kʼaˬ lo deuˬ nawˇ ya ka tuˇ-awˇ, kʼaˬ lo kʼoeˇ deuˬ-ahˇ laꞈ nyiˇ paw miˇ tsaˬ ya maˇ meh.

Dawˬmehˬ 27:2 Σταυροειδείς Αναφορές

Yawˇbaˆ 19:24

Maˬ ngeuˇ naˇ dawˬ heu deuˬ miˇ tsaˬ kʼoeˇ taˆ maˬ ya byoˆ-iˇ ni, kʼaˬ lo kʼoeˇ taˆ taꞈ boꞈ taˬ law nmˇ-aˬ gʼaˬ tehꞈ-a.

Yeˬsaˬgeˬlaˇ 11:19

Aˬ yawꞈ maꞈ-ahˇ ngaˇ nui ma saꞈ laˇ yaw shuiꞈ biꞈ paˇ nehˬ ma. Kʼaˬ lo loꞈ-ehˇ gʼahˇ-eu aˬ yawꞈ maꞈ-euˬ nui ma ngaˇ yuˇ dzeh-awˇ, shaˬ jiˇ loꞈ-ehˇ nahˬ-eu nui ma dawˆ paˇ nehˬ ma.

Yeˬsaˬgeˬlaˇ 36:26

Naw maꞈ-ahˇ nui ma saꞈ laˇ yaw shuiꞈ biꞈ nehˬ ma. Gʼahˇ dui dui-eu naw maꞈ-euˬ kʼaˬ lo nui ma yuˇ dzeh-awˇ, naˇ haˬ geuꞈ-eu nui ma biꞈ paˇ nehˬ ma.

Dawˬmehˬ 11:31

Naw maꞈ Yawˇdaˬ lawˇ baˬ tsehˆ doˆ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ ya jawˇ leˇ-eu aˇ yamˬ dawˬ peh peh laˇ taˬ-euˬ meh. Naw maꞈ kʼoeˇ gaˇ le keuˆ-awˇ, jawˇ duˬ dah leˇ gʼaˬ ngeh,

Dawˬmehˬ 26:1

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ kʼahˬ-ahˇ nawˇ le keuˆ-awˇ, jawˇ duˬ dah leˇ gʼaˬ ngeh,

Dawˬmehˬ 27:1

Kʼoeˇ naˇ, Moˇseˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ Iˇsaˬleˬlaˆ tsawˇ haˬ deuˬ-ahˇ ehˇ nehˬ-eu, “Iˬ nah ngaˇ naw maꞈ-ahˇ mehˬ nehˬ tsoˆ nehˬ-euˬ jeˬ dawˬ tawˆ luꞈ-ahˇ naˇ haˬ geuꞈ-awˬ.

Dawˬmehˬ 27:3

Zahˇ dawˬ kʼoꞈ dawˬ heu deuˬ hawˇ-eu mehˬ nehˬ tsoˆ nehˬ-euˬ dawˬ heu deuˬ dawˬ tawˆ luꞈ, kʼaˬ lo kʼoeˇ deuˬ kʼoeˇ taˆ ya boꞈ taˬ meh. Nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ saˇ jaˇ dzaˬ taˬ-euˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ nawˇ jawˇ uˇ keuˆ leˇ-awˇ,

Dawˬmehˬ 27:4

Yawˇdaˬ lawˇ baˬ kʼoeˇ paw baˬ-ahˇ nawˇ jawˇ ngeh, iˬ nah ngaˇ nawˬ-ahˇ mehˬ nehˬ tsoˆ nehˬ taˬ-euˬ loꞈ-ehˇ, Eˇbaˬlaˇ gawˬ jawˬ kʼoeˇ taˆ kʼaˬ lo kʼoeˇ deuˬ ka tuˇ-awˇ, laꞈ nyiˇ paw miˇ tsaˬ maˇ-awˬ.

Dawˬmehˬ 6:1

“Heu-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh ngaˬ-ahˇ dawˬ biꞈ laꞈ-awˇ, naw maꞈ-ahˇ bi mehˬ bi tsoˆ nehˬ laꞈ-euˬ zahˇ dawˬ kʼoꞈdawˬ deuˬ meh. Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ laꞈ kʼoeˇ, zahˇ dawˬ kʼoꞈ dawˬ heu deuˬ-ahˇ naw maꞈ caw teh-awˬ.

Dawˬmehˬ 9:1

“Iˇsaˬleˬlaˆ tsawˇ haˬ deuˬ-oˇ, naˇ haˬ sheˇ. Iˬ nah naw maꞈ Yawˇdaˬ lawˇ baˬ tsehˆ-awˇ, naw maꞈ myaˆ maˬ tseˇ myaˬ dzehˬ-awˇ baoˬ huiˬ dzehˬ-eu tsawˇ jeuˬ deuˬ-euˬ miˇ kʼahˬ-ahˇ deuˆ geuꞈ leˇ-eu aˇ yamˬ peh laˇ-euˬ meh.

Yawˇshuˆ 1:11

“Dzaˬ dzaˬ dawˇ dawˇ lehˬ hmˬ taˬ-awˬ. Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ taˬ-euˬ miˇ kʼahˬ-ahˇ jawˇ uˇ leˇ-eu gʼaˇ duˬ, smˬ nah laꞈ kʼoeˇ naw maꞈ Yawˇdaˬ lawˇ baˬ ya tsehˆ tehꞈ-a.”

Yawˇshuˆ 4:1

Iˇsaˬleˬlaˆ tsawˇ jeuˬ dawˬ tawˆ luꞈ Yawˇdaˬ lawˇ baˬ tsehˆ doˆ jiˇ ngeh, Yawˇshuˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-eu meh.

Yawˇshuˆ 8:30

Kʼoeˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ, Eˇbaˬlaˇ gawˬ jawˬ kʼoeˇ taˆ, lawˇ duˬ ti tsahˇ Yawˇshuˆ gawˬ-euˬ meh.

Yawˇshuˆ 8:31

“Shmˇ dzahˬ taꞈ neh maˬ taꞈ byawꞈ-euˬ kʼaˬ lo neh gawˬ-euˬ lawˇ duˬ” lehˇ, Moˇseˬ-euˬ Zahˇ dawˬ kʼoꞈ dawˬ sahˬ boꞈ laꞈ kʼoeˇ ehˇ taˬ-awˇ, Moˇseˬ neh Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ yaꞈ-euˬ loꞈ-ehˇ, lawˇ duˬ kʼoeˇ hmˬ aˬ yawꞈ gawˬ-euˬ meh. Lawˇ duˬ kʼoeˇ hmˬ kʼoeˇ taˆ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ aˬ yawꞈ maꞈ lawˇ nehˬ-awˇ, cawˬ cawˬ taꞈ-eu lawˇ-eu jeˬ kʼawꞈ, lawˇ-euˬ meh.

Yawˇshuˆ 8:32

Iˇsaˬleˬlaˆ tsawˇ haˬ deuˬ haw luꞈ ngeh, Moˇseˬ neh boꞈ taˬ-eu Zahˇ dawˬ kʼoꞈ dawˬ-ahˇ, kʼaˬ lo kʼoeˇ taˆ Yawˇshuˆ boꞈ-euˬ meh.