Dawˬmehˬ 23:24 - Akha

²⁴ “Aˬ cawˬ-euˬ aˬ gaꞈ yaˇ kmˇ-ahˇ nawˇ cah tsehˆ ngeh, nawˇ kʼaˇ dzaˬ mawꞈ-eu myaˆ ni aˬ gaꞈ aˇ siˬ pyaˆ dzaˬ nya meh. Ehˇ kʼawꞈ, tiˬ gaˇ paw pyaˆ ahˇ-awˇ, iˇ kahˇ-ahˇ maˬ ya yuˇ kʼoꞈ gʼeh-a.

Dawˬmehˬ 23:24 Σταυροειδείς Αναφορές

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 66:13

Miˬ dzaˬ-ahˇ dzah puiˆ-awˇ lawˇ-eu jeˬ, nawˬ-euˬ nymˇ-ahˇ ngaˇ yuˇ laꞈ-awˇ, ngaˬ neh saˇ jaˇ dzaˬ taˬ-euˬ loꞈ-ehˇ lawˇ nehˬ ma.

Dawqdaq 20:25

Maˬ noeˬ duˬ ni lawˇ-eu shehˇ-eu lahˇ ju kʼmˇ gaˇ duˇ-awˇ, noeˬ paˇ-eu aˇ yamˬ maˬ jaˆ-a.

Uˬ duˬ 27:2

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Tsawˇ haˬ tiˬ gʼaˬ na, saˇ jaˇ tiˬ jeˬ paˬ mˇ-eu laꞈ kʼoeˇ, Sahˬpaˬ Miˬyehˇ-ahˇ tsawˇ haˬ damˬ nehˬ mawꞈ naˇ, tsawˇ haˬ-euˬ aˇ poeˬ pyuˇ sawˇ doˆ-awˇ damˬ ngeh, heu loꞈ-ehˇ ya sawˇ meh.

Lormav 12:13

Nawˇ kʼaˇ jaˆ-eu jeˬ nawˬ-euˬ cawˬ Ka li zaˬ deuˬ-ahˇ caw ba nehˬ-awˇ, daˬ yah-ahˇ yaw muiˬ-ehˇ ha-awˬ.

1 Gawˇliˬtu 10:26

Aˬ jeˬ miˇ neh ehˇ naˇ, “Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jaˆ-eu yawˬ jeˬ na luꞈ Sahˬpaˬ Miˬyehˇ-euˬ tehꞈ meh” lehˇ, Jaˇliꞈ laꞈ koeˇ ehˇ taˬ-euˬ jaˆ meh.

Dawˬmehˬ 23:23

Ehˇ kʼawꞈ, yawˬ ha nui ma keuˆ-eu laꞈ kʼoeˇ saˇ jaˇ dzaˬ naˇ, maˬ byehˇ ni ya mˇ byah meh.

Dawˬmehˬ 23:25

Aˬ cawˬ-euˬ deh yaˇ-ahˇ nawˇ cah tsehˆ ngeh, nawˬ-euˬ aˬ laꞈ neh cehˇ nmˇ shawˆ dzaˬ nya meh. Ehˇ kʼawꞈ, yehˬ kʼoꞈ neh maˬ ya yehˬ-a.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.

Yawˇshuˆ 9:18

Ehˇ kʼawꞈ, aˬ yawꞈ maꞈ-ahˇ Iˇsaˬleˬlaˆ tsawˇ haˬ deuˬ maˬ sehꞈ nya-a. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ maꞈ-ahˇ saˇ jaˇ dzaˬ gʼaˬ-euˬ meh. Gaˇ kawˆ kʼoeˇ baˬ da neh, Iˇsaˬleˬlaˆ tsawˇ haˬ deuˬ nui kʼahˇ maˬ shiˇ-ehˇ, aˬ yuiꞈ aˬ tsu deuˬ-ahˇ toˇ-euˬ meh.