Dawˬmehˬ 21:3 - Akha

³ Tsawˇ shiˇ ga-eu tsahˇ-ahˇ aˬ cawˬ naˆ maˬ tseˇ peh dzehˬ-eu meuˬ kʼoeˇ meuˬ-ahˇ jawˇ-eu aˬ yuiꞈ aˬ tsu deuˬ-aˬ, tiˬ poˆ-iˬ maˬ kʼehˇ dzaˬ haw-euˬ mawˇ neˇ mawˇ kʼaˇ tiˬ mawˇ ya tseˇ doˆ meh.

Dawˬmehˬ 21:3 Σταυροειδείς Αναφορές

Yeˬlaˬmiˇ 31:18

“Iˇsaˬleˬlaˆ tsawˇ haˬ heu loꞈ-ehˇ mahˇ-eu ngaˇ gaˬ-euˬ ma. Sahˬpaˬ Miˬyehˇ-oˇ nga maꞈ-aˬ, jeˬ zaˬ yaw gahˇ tiˬ mawˇ-ahˇ duˇ-euˬ kʼawꞈ, nawˬ neh laˆ yah nehˬ laꞈ-euˬ meh. Nga maꞈ-ahˇ sheuˬ kʼoꞈ laˬ le-awˬ. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ jawˇ gaˇ gʼoꞈ laˇ-eu gʼaˇ duˬ, nga maꞈ noeˬ jiˇ-euˬ ma.

Bawˇtsahˬ 19:2

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Tiˬ jawˇ-iˬ maˬ kʼehˇ dzaˬ haw-euˬ maˇ byawꞈ maˬ baw-eu mawˇ neˇ mawˇ kʼaˇ yaw neˇ tiˬ mawˇ tsahˇ laꞈ-awˇ,

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

Dawˬmehˬ 21:2

Aˬ yuiꞈ aˬ tsu deuˬ hawˇ-eu yaˇ kʼaˬ daˇ-eu deuˬ kʼoeˇ gaˇ iˇ-awˇ, tsawˇ shiˇ ga-eu kʼoeˇ tsahˇ-ahˇ neh, kʼoeˇ-euˬ dawˬ peh maˬ kaˬ maˬ kaˇ-ehˇ jaˆ-eu meuˬ aˬ yawꞈ meuˬ yawꞈ-ahˇ keuˆ ni aˇ mah ni kaˬ-eu daˇ dza ya dehˬ haw meh.

Dawˬmehˬ 21:4

Kʼoeˇ naˇ, tiˬ jawˇ-iˬ maˬ tsiˇ leˇ ni yoeˇ luꞈ-eu lawˇ gawˆ dawˬ peh jaˆ-eu tiˬ poˆ-iˬ maˬ mˇ dzaˬ haw-euˬ miˇ tsaˬ tiˬ tsahˇ-ahˇ, aˬ yuiꞈ aˬ tsu kʼoeˇ deuˬ mawˇ neˇ mawˇ kʼaˇ kʼoeˇ mawˇ tsahˇ gʼeh-awˇ, kawˬ lahˇ ya ngawˬ kʼehꞈ meh.

Piˇliˇpiˆ 2:8

Yawˬ ha-ahˇ taˬ nyiˇ dui dui-awˇ, laꞈ yaꞈ kʼoeˇ taˆ shiˇ gaˇ keuˆ ni, Miˬyehˇ ehˇ dawˬ naˇ haˬ-euˬ meh.

1 Saˬmeuˬlaˆ 6:7

Laˆ lawˬ yaw shuiꞈ tiˬ laˇ hawˇ-eu tiˬ jawˇ-iˬ maˬ gʼoe dzaˬ haw-euˬ mawˇ zaˬ ahˇ-eu mawˇ neˇ mawˇ ma nyiˬ ma nymˬ-mˇ mi naˆ-ehˇ lehˬ hmˬ taˬ-awˬ. Mawˇ neˇ mawˇ ma kʼoeˇ nyiˬ ma-ahˇ laˆ lawˬ tsoꞈ-awˇ, mawˇ neˇ mawˇ zaˬ-ahˇ mawˇ neˇ mawˇ kuˆ laꞈ kʼoeˇ teh uˇ kʼoꞈ yaꞈ-awˬ.