Dawˬmehˬ 2:34 - Akha34 Kʼoeˇ ngeh, meuˬ yawˬ meuˬ na luꞈ-ahˇ aˬ dui deuˆ gʼaˬ-eu laꞈ kʼoeˇ, laˆ luˬ laˆ seˇ nehˬ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, tiˬ gʼaˬ-iˬ maˬ bi dzeuˇ-iˇ ni, dawˬ tawˆ luꞈ-ahˇ sehꞈ-euˬ ma. Δείτε το κεφάλαιο |
Dawˬmehˬ 2:34
15 Σταυροειδείς Αναφορές
Tsawˇ haˬ kʼoeˇ deuˬ-euˬ tahˬ pahˬ aˬ ma mawˇ kawˇ deuˬ naw maꞈ-euˬ nymˇ-ahˇ taˬ sha ahˇ. Kʼoeˇ loꞈ-ehˇ jahˇ naˇ, yaˬ kʼehˇ yaˬ-eu jeˬ-ahˇ tsawˇ haˬ kʼoeˇ deuˬ ya daˬ-euˬ loꞈ-ehˇ, naw maꞈ kʼawꞈ ya daˬ tehꞈ-a. Tahˬ pahˬ aˬ ma mawˇ kawˇ kʼoeˇ deuˬ-ahˇ naw maꞈ bye-awˇ, nui daˆ daˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Sahˬpaˬ Miˬyehˇ neh yaˬ kʼehˇ yaˬ taˬ-euˬ jeˬ pyeuꞈ-eu meh.
Kʼoeˇ ngeh nah, Maˬgeˬdaˬ meuˬ-ahˇ Yawˇshuˆ deuˆ-awˇ, meuˬ kʼoeˇ meuˬ-euˬ sahˬ paˬ-ahˇ nyehꞈ-euˬ meh. Meuˬ laꞈ kʼoeˇ kʼaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni, yawˬ gʼaˬ na luꞈ-ahˇ sehꞈ-euˬ meh. Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Maˬgeˬdaˬ sahˬ paˬ-ahˇ aˬ yawꞈ jahˇ nehˬ-euˬ meh.
Miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Gawˬ jawˬ gawˬ duˇ-ahˇ jawˇ-eu sahˬ paˬ deuˬ-ahˇ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ-ahˇ jawˇ-eu sahˬ paˬ deuˬ-ahˇ maˬ ehˇ, nahˇ ma doˆ kʼehˬ paw jaˆ-eu deh ga deuˬ-ahˇ jawˇ-eu sahˬ paˬ deuˬ-ahˇ maˬ ehˇ, laꞈ oˆ paw pyawˬ-ahˇ, gui coˇ ni gʼeh-eu miˇ kʼahˬ-ahˇ jawˇ-eu sahˬ paˬ deuˬ-ahˇ maˬ ehˇ, aˬ yawꞈ deuˆ gʼaˬ-euˬ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ sehꞈ-euˬ meh.
Iˇsaˬleˬlaˆ tsawˇ jeuˬ iˬ baˇ mˇ-euˬ meh. Ngaˬ nehˬ-ehˇ saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ mˇ-aˬ. Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ tiˬ paˆ na deuˬ aˬ yawꞈ maꞈ yuˇ geuꞈ-euˬ meh. Aˬ yawꞈ maꞈ smˇ kʼoeˬ kʼoeˬ-awˇ jaˬ myawꞈ myawꞈ-eu laꞈ kʼoeˇ, myawˬ kʼoeˇ deuˬ-ahˇ aˬ yawꞈ maꞈ-euˬ myawˬ nehˬ-ehˇ bi jaˆ-euˬ meh.
Aˬ yawꞈ maꞈ ehˇ-eu, “Miˇ kʼahˬ heu kʼahˬ kʼahˬ lahˬ ni naw maꞈ-ahˇ biꞈ-awˇ, naw maꞈ laˇ uˇ-eu nehˬ-ehˇ miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-ahˇ sehꞈ-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ dawˬ biꞈ taˬ-euˬ aˬ diˇ aˬ maˇ ngeuˇ meh lehˇ nga maꞈ ya siˬ duˬ-euˬ miˇ neh, kʼoeˇ loꞈ-ehˇ mˇ-euˬ ma. Naw maꞈ-ahˇ nga maꞈ guˆ dui dui-awˇ, nga maꞈ ya shiˇ gaˇ kʼahˬ lahˇ-eu miˇ neh, kʼoeˇ loꞈ-ehˇ mˇ-euˬ ma.
Aˬmaˬlehˇ tsawˇ haˬ deuˬ-ahˇ nawˇ guiˇ deuˆ-iˇ-awˇ, aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni laˆ luˬ laˆ seˇ jiˇ nehˬ-awˬ. Tiˬ jeˬ-iˬ taˬ bi dzeˇ yaꞈ. Zaˬ miˬ zaˬ kʼaˬ dzeˇ zaˬ hawˇ-eu, zaˬ guˬ zaˬ nahˬ maˬ tseˇ paˆ ni, dawˬ tawˆ luꞈ sehꞈ jiˇ-awˬ. Mawˇ neˇ, yawˇ, law taw, mahˬ tahˬ laˆ dawˬ tawˆ luꞈ sehꞈ dzeh jiˇ-awˬ.”
Διαφημίσεις