Dawˬmehˬ 2:23 - Akha

²³ Gʼahˇ ceh-euˬ Iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ-ahˇ, Gaˬlaˬdeˬ iˇ jaw lahˇ-ahˇ neh oe-euˬ tsawˇ haˬ deuˬ jawˇ-eu meh. Yaw beh kʼoeˇ gaˇ jawˇ luꞈ-eu Aˬbymˬ tsawˇ jeuˬ-ahˇ aˬ yawꞈ maꞈ laˆ luˬ laˆ seˇ nehˬ-awˇ, tsawˇ jeuˬ kʼoeˇ jeuˬ-euˬ miˇ kʼahˬ dawˬ tawˆ luꞈ, laꞈ oˆ paw Gaˬzaˬ meuˬ-ahˇ keuˆ ni aˬ yawꞈ maꞈ jawˇ byah gʼeh-euˬ meh.)

Dawˬmehˬ 2:23 Σταυροειδείς Αναφορές

Aˇ dahˬ 10:14

Paˬdaˬluˇ tsawˇ jeuˬ, Kaˬsaˬluˇ tsawˇ jeuˬ hawˇ-eu, Piˇliˇtiˆ tsawˇ jeuˬ deuˬ-euˬ aˬ da yaw dzahˇ pyeuꞈ-eu Kaˬtawˇleˬ tsawˇ jeuˬ heu deuˬ meh.

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

1 Sahˬpaˬ 4:24

Uˇpaˬlaˇ lawˇ baˬ lawˇ deh-ahˇ jaˆ-eu Tiˇpaˬsahˇ meuˬ-ahˇ neh, nahˇ ma ga kʼehˬ paw jaˆ-eu Gaˬzaˬ meuˬ-ahˇ keuˆ ni, Uˇpaˬlaˇ lawˇ baˬ-euˬ nahˇ ma ga kʼehˬ paw jaˆ-eu miˇ kʼahˬ dawˬ tawˆ luꞈ-ahˇ, Sawˇlaˬmoˬ uˆ lahˇ-euˬ meh. UˇPaˬlaˇ lawˇ baˬ-euˬ nahˇ ma ga kʼehˬ paw kʼaˇ jawˇ-eu sahˬ paˬ dawˬ tawˆ luꞈ, aˬ yawꞈ uˆ lahˇ-eu uˬ moˆ jawˇ-awˇ, aˬ yawꞈ nehˬ-ehˇ miˇ kaˬ taꞈ-eu miˇ kʼahˬ dawˬ tawˆ luꞈ-ahˇ tsaˬ leˇ-awˇ dehꞈ-euˬ meh.

2 Sahˬpaˬ 18:8

Piˇliˇtiˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-awˇ, Gaˬzaˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu pu pu zaˬ tiˬ pu-ahˇ neh meuˬ meuˬ ma tiˬ meuˬ-ahˇ keuˆ ni, aˬ yawꞈ maꞈ kʼaˇ jawˇ gaˇ guiˇ deuˆ-euˬ meh.

1 Laˬsaˬbaˬ 1:12

Paˬdaˬluˇ tsawˇ jeuˬ, Kaˬsaˬlaˇ tsawˇ jeuˬ, Gaˬlaˬdeˬ tsawˇ jeuˬ heu deuˬ meh. (Gaˬlaˬdeˬ tsawˇ jeuˬ-aˬ, Piˇliˇtiˆ tsawˇ jeuˬ-euˬ aˬ da yaw dzahˇ meh.)

Yeˬlaˬmiˇ 25:20

aˬ yawꞈ maꞈ nehˬ-ehˇ kʼaˇ jawˇ-euˬ aˬ cawˬ tsawˇ jeuˬ deuˬ, Uˇzaˆ miˇ kʼahˬ laꞈ kʼoeˇ kʼaˇ jawˇ-eu sahˬ paˬ deuˬ, Piˇliˇtiˆ miˇ kʼahˬ laꞈ kʼoeˇ jaˆ-eu Aˬshaˇgaˬloˇ meuˬ, Gaˬzaˬ meuˬ, Eˇkaˬloˬ meuˬ heu deuˬ-euˬ sahˬ paˬ deuˬ hawˇ-eu, Aˬshaˬdoˇ meuˬ-ahˇ kʼaˇ dzeˇ-eu tsawˇ haˬ deuˬ,

Yeˬlaˬmiˇ 47:4

Piˇliˇtiˆ-ahˇ laˆ cawˆ nehˬ-eu aˇ yamˬ keuˆ le-euˬ meh. Duˇlu hawˇ-eu Siˇdoˬ meuˬ-ahˇ ngehˬ gʼeh le-eu gaˇ ma, dawˬ tawˆ luꞈ bi deuˆ tsehˆ tehꞈ-a. Gaˬlaˬdeˬ laˆ shaˆ lawˇ deh paw neh jawˇ le-euˬ, Piˇliˇtiˆ tsawˇ haˬ kʼaˇ jawˇ kʼaˇ deuˬ-ahˇ Sahˬpaˬ Miˬyehˇ pyeuꞈ-eu ngaˇ laˆ cawˆ ma.

Aˬmoˆ 9:7

Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, naw maꞈ gaˇ kawˆ ngaˇ shaˇ noeˬ-eu loꞈ-ehˇ, Suˬdaˬ tsawˇ haˬ gaˇ kawˆ kʼawꞈ ngaˇ shaˇ noeˬ luꞈ-eu ma. Naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ loꞈ-ehˇ, Piˇliˇtiˆ tsawˇ haˬ deuˬ-ahˇ Gaˬlaˬdeˬ iˇ jaw lahˇ-ahˇ neh ngaˇ sheuˬ doˆ laꞈ-awˇ, Suˇliˆ tsawˇ haˬ deuˬ-ahˇ Kiˇlaˆ miˇ kʼahˬ-ahˇ neh ngaˇ sheuˬ doˆ laꞈ-euˬ ma.

Zeˬpaˬniˇ 2:4

Gaˬzaˬ meuˬ tsawˇ haˬ maˬ jawˇ-ehˇ, Aˬshaˇgaˬloˇ meuˬ byoˆ-iˇ meh. Aˬshaˬdoˇ meuˬ-ahˇ jawˇ-eu deuˬ, nah kʼoeˆ laꞈ kʼoeˇ bi teh byoˆ-awˇ, Eˇkaˬloˬ meuˬ-ahˇ jawˇ-eu deuˬ, meuˬ laꞈ nyiˇ bi teh dzeh tehꞈ-a.

Zaˬkaˬliˇ 9:5

Kʼoeˇ loˇ pyeuꞈ laˇ-euˬ gaˇ mawˇ ngeh, Aˬshaˇgaˬloˇ meuˬ guˆ-iˇ-awˇ, Gaˬzaˬ meuˬ shaˬ zahˬ naꞈ leˇ-awˇ, Eˇkaˬloˬ meuˬ laˇ baˇ-iˇ-awˇ, noeˬ tmˬ-euˬ jeˬ byoˆ jiˇ tehꞈ-a. Gaˬzaˬ meuˬ sahˬ paˬ maˬ baw-ehˇ, Aˬshaˇgaˬloˇ byoˆ-iˇ tehꞈ-a.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Yawˇshuˆ 10:41

Laꞈ oˆ paw pyawˬ-ahˇ jaˆ-eu Kaˬdeˬshaˇbaˬneˬ meuˬ-ahˇ neh Goˬsheˬ gahˬ kaˬ dawˬ tawˆ luꞈ ahˇ leˇ-ehˇ, iˬ ma laˆ shaˆ lawˇ deh dawˬ peh Gaˬzaˬ meuˬ-ahˇ keuˆ ni maˬ ehˇ, laꞈ taˆ paw pyawˬ-ahˇ, Giˇbyoˬ meuˬ-ahˇ keuˆ ni maˬ ehˇ, Yawˇshuˆ guiˇ deuˆ keuˆ-euˬ meh.

Yawˇshuˆ 11:22

Iˇsaˬleˬlaˆ miˇ kʼahˬ laꞈ kʼoeˇ Aˬnaˬkaˆ tsawˇ jeuˬ tiˬ gʼaˬ-iˬ maˬ jawˇ ni pyeuꞈ-iˇ-euˬ meh. Ehˇ kʼawꞈ, Gaˬzaˬ meuˬ, Gaˬdaˇ meuˬ hawˇ-eu, Aˬshaˬdoˇ meuˬ-ahˇ ui cuiˆ na dzeˇ yaꞈ-euˬ meh.

Yawˇshuˆ 13:3

laꞈ oˆ paw pyawˬ-ahˇ jaˆ ka gʼeh-euˬ Aˬbymˬ miˇ kʼahˬ kʼahˬ lah ni meh. (Iˇjiˇtuˆ miˇ kaˬ-ahˇ jaˆ-eu Shiˇhoˬ lawˇ gawˆ-ahˇ neh, laꞈ taˆ paw Eˇkaˬloˬ miˇ kaˬ-ahˇ keuˆ ni, Kaˬnaˬ tsawˇ haˬ deuˬ-euˬ jawˇ duˬ meh. Piˇliˇtiˆ sahˬ paˬ deuˬ-aˬ, Gaˬzaˬ meuˬ, Aˬshaˬdoˇ meuˬ, Aˬshaˇgaˬloˇ meuˬ, Gaˬdaˇ meuˬ, Eˇkaˬloˬ meuˬ heu deuˬ-ahˇ jawˇ-euˬ meh.)

Yawˇshuˆ 15:47

Iˇjiˇtuˆ miˇ kʼahˬ-ahˇ jaˆ-eu lawˇ gawˆ hawˇ-eu Gʼahˇ ceh-euˬ iˬ ma laˆ shaˆ-ahˇ keuˆ ni jaˆ-eu Aˬshaˬdoˇ meuˬ, Gaˬzaˬ meuˬ hawˇ-eu, kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ hawˇ-eu pu deuˬ meh.

Yaˇ kʼaˬ daˇ 1:18

Yuˇdaˆ tsawˇ haˬ deuˬ-ahˇ Sahˬpaˬ Miˬyehˇ caw ba nehˬ-awˇ, gawˬ jawˬ gawˬ duˇ miˇ kʼahˬ-ahˇ aˬ yawꞈ maꞈ za-euˬ meh. Ehˇ kʼawꞈ, Gaˬzaˬ meuˬ, Aˬshaˇgaˬloˇ meuˬ, Eˇkaˬloˬ meuˬ heu deuˬ hawˇ-eu meuˬ heu deuˬ-euˬ gahˬ kaˬ-ahˇ aˬ yawꞈ maꞈ guiˇ maˬ deuˆ-a. Iˬ ma laˆ shaˆ lawˇ deh caw caw-ehˇ jawˇ-eu tsawˇ haˬ heu deuˬ shmˇ mahˬ laˆ lawˬ deuˬ jaˆ-eu miˇ neh, Yuˇdaˆ tsawˇ haˬ deuˬ aˬ yawꞈ maꞈ-ahˇ maˬ teh doˆ nya-a.