Dawˬmehˬ 18:4 - Akha

⁴ Keuˆ beh beh le-euˬ dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ hawˇ-eu yawˇ caꞈ hm deuˬ, aˬ yawꞈ maꞈ-ahˇ ya biꞈ meh.

Dawˬmehˬ 18:4 Σταυροειδείς Αναφορές

Yawˇbaˆ 21:20

Iˬ baˇ mˇ-eu tsawˇ haˬ deuˬ yawˬ ha-euˬ iˬ baˇ yawˬ ha pi luꞈ-uˇ. Baoˬ huiˬ-eu Miˬyehˇ nui ma pehˇ-eu jeˬ-ahˇ aˬ yawꞈ maꞈ ya daˬ luꞈ-uˇ.

Doˆ-iˇ 22:29

“Naw maꞈ-euˬ dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ deuˬ keuˆ le ngeh, ngaˬ-ahˇ ya lawˇ meh. “Dehꞈ beh deh le-euˬ naw maꞈ-euˬ aˬ li aˬ yuiꞈ deuˬ ngaˬ-ahˇ ya biꞈ laꞈ meh.

Doˆ-iˇ 23:19

“Aˬ yawˬ kʼoꞈ yawꞈ, naw maꞈ neh mˇ za-euˬ keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. “Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma-euˬ aˬ coeˇ dzaˇ uiˇ nehˬ-ehˇ maˬ ya puꞈ keuˬ dzaˬ-a.

Uˬ duˬ 23:10

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˇ naw maꞈ-ahˇ biꞈ-euˬ miˇ kʼahˬ-ahˇ naw maꞈ jawˇ keuˆ leˇ-awˇ, cehˇ yehˬ ngeh, yehˬ beh beh-euˬ cehˇ dzahˬ piˇ ma jawˇ gaˇ yuˇ gʼeh-awˇ.

Uˬ duˬ 23:17

Yawˬ nymˇ na luꞈ, kaˬ muˇ nyiˬ siˬ yuˇ laꞈ-awˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Kaˬ muˇ aˬ yawꞈ siˬ yawꞈ jahˇ ngeh, cehˇ meu nyiˬ pehˬ ya jahˇ jiˇ-awˇ, dehˬ tseˬ ya keuˬ meh. Kaˬ muˇ kʼoeˇ neh, keuˆ beh beh le-euˬ dzaˬ la gʼo cehˇ lawˇ-eu jeˬ Sahˬpaˬ Miˬyehˇ-ahˇ naw maꞈ ya lawˇ nehˬ meh.

Lormav 8:23

Beh taˬ-euˬ jeˬ tehꞈ-ehˇ kʼoeˇ loꞈ-ehˇ mahˇ luꞈ-eu maˬ ngeuˇ-a. Miˬyehˇ neh biꞈ leꞈ-euˬ laꞈ sawˬ za beh beh-euˬ deuˬ pyeuꞈ-eu Yaw sahˇ Miˬyehˇ za-euˬ aˬ dui maꞈ kʼawꞈ, aˬ dui-ahˇ aˬ yawꞈ-euˬ zaˬ bi pyeuꞈ laˇ-awˇ, aˬ dui-euˬ nui ma gʼawˇ mawˇ dawˬ tawˆ luꞈ bi buˬ-iˇnehˬ laꞈ-eu gʼaˇ duˬ Miˬyehˇ-ahˇ loꞈ luꞈ ngeh, nui ma laꞈ kʼoeˇ mahˇ mahˇ-ehˇ shaˬ luꞈ-eu ma.