Dawˬmehˬ 17:1 - Akha

¹ “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˇ byawꞈ baw-eu mawˇ neˇ maˬ ehˇ, maˇ byawꞈ baw-eu yawˇ maˬ ehˇ, maˬ ya lawˇ-a. Kʼoeˇ loꞈ-ehˇ gʼeh-eu lawˇ-eu jeˬ-ahˇ Sahˬpaˬ Miˬyehˇ maˬ haw nahˇ-a.

Dawˬmehˬ 17:1 Σταυροειδείς Αναφορές

Aˇ dahˬ 41:19

Kʼoeˇ naˇ, behˇ jehˆ kahˬ mawˇ laˇ mawˇ laˇ-ehˇ jeh dui dui-eu mawˇ neˇ mawˇ ma shiꞈ ma paˇ doˆ laˇ-euˬ meh. Mawˇ neˇ mawˇ ma kʼoeˇ deuˬ-aˬ, Iˇjiˇtuˆ miˇ kʼahˬ laꞈ kʼoeˇ ngaˇ tiˬ jawˇ-iˬ maˬ mawˇ haw-euˬ doeˇ dui dui-eu mawˇ neˇ mawˇ ma deuˬ pyeuꞈ-eu meh.

Doˆ-iˇ 12:5

Ciꞈ myehꞈ maˬ ehˇ, yawˇ maˬ ehˇ, geuꞈ nya tehꞈ-a. Ehˇ kʼawꞈ, tiˬ myaˇ byah laˇ-euˬ yawˇ zaˬ aˬ buˬ maˬ ngeuˇ naˇ, tiˬ myaˇ byah laˇ-euˬ ciꞈ myehꞈ ciꞈ buˬ zaˬ tehꞈ-ehˇ geuꞈ nya-eu meh.

Dawqdaq 11:1

Mehˇ shuiˇ shuiˇ dzaˬ-eu paˆ yawˬ-ahˇ Sahˬpaˬ Miˬyehˇ bye-awˇ, tsaˬ-eu byah-eu paˆ yawˬ-ahˇ aˬ yawꞈ nui kʼahˇ shiˇ-eu meh.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawqdaq 20:10

Maˬ byah cehˇ pehˬ maˬ tsaˬ daˇ leuˇ, Sahˬpaˬ Miˬyehˇ bye-eu nyiˬ jeˬ.

Dawqdaq 6:16

Sahˬpaˬ Miˬyehˇ bye-eu koꞈ jeˬ jaˆ-awˇ, aˬ yawꞈ nui daˆ daˆ-eu shiꞈ jeˬ jaˆ meh.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Maˬlaˬkiˇ 1:8

Myaˆ behꞈ behꞈ-eu jeˬ zaˬ, naˇ gawˇ ahˇ-eu jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ heu deuˬ naw maꞈ ngaˬ-ahˇ lawˇ nehˬ laˇ ngeh, tiˬ jeˬ-iˬ maˬ bahˬ-aˇ lehˇ noeˬ te loˇ. Miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ-ahˇ kʼoeˇ loꞈ-ehˇ gʼeh-eu jeˬ zaˬ biꞈ leˇ haw sheˇ. Aˬ yawꞈ maꞈ nui kʼahˇ shiˇ-awˇ laˬ kʼaˬ tiˬ cehˇ ha geuꞈ nehˬ laꞈ tehꞈ-a loˇ.”

Bawˇtsahˬ 29:8

Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ, heu deuˬ yuˇ-awˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu gʼaˇ duˬ, miˬ dzaˬ dzah puiˆ-awˇ lawˇ-eu jeˬ ya lawˇ meh.

Dawˬmehˬ 15:21

Ehˇ kʼawꞈ, kuiˇ kuˆ laꞈ kuˆ kuˆ-eu maˬ ehˇ, myaˆ behꞈ behꞈ-euˬ maˬ ehˇ, maˇ byawꞈ maˇ naˇ baw-eu maˬ ehˇ, jeˬ zaˬ kʼoeˇ deuˬ laꞈ kʼoeˇ pyeuꞈ doˆ laˇ naˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, jeˬ zaˬ kʼoeˇ deuˬ nawˇ maˬ lawˇ nehˬ kʼmˬ-a.

Dawˬmehˬ 23:18

Kʼoeˇ loꞈ-ehˇ mˇ-awˇ za-euˬ pyuˇ kʼoeˇ neh, saˇ jaˇ mˇ byah-eu aˇ poeˬ biꞈ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ maˬ ya yuˇ laꞈ-a. Muiˬ-eu shawˇ-eu meh maˬ laˇ geuꞈ-eu jeˬ-ahˇ Sahˬpaˬ Miˬyehˇ bye-eu meh.

Dawˬmehˬ 24:4

Kʼoeˇ loꞈ-ehˇ pyeuꞈ laˇ gʼaˬ ngeh, aˬ yawꞈ-euˬ kʼaˬ dzeˇ zaˬ yaw beh gʼaˬ aˬ yawꞈ-ahˇ maˬ paˇ ya sheuˬ kʼoꞈ geuꞈ meh. Zaˬ miˬ zaˬ kʼoeˇ gʼaˬ-aˬ, jawꞈ-iˇ-euˬ tsawˇ haˬ pyeuꞈ-eu meh lehˇ aˬ yawꞈ ya siˬ nya meh. Zaˬ miˬ zaˬ kʼoeˇ gʼaˬ-ahˇ aˬ yawꞈ paˇ sheuˬ kʼoꞈ naˇ, Sahˬpaˬ Miˬyehˇ-ahˇ mˇ bahˬ gaˇ duˇ-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ laꞈ kʼoeˇ, kʼoeˇ loꞈ-ehˇ guˆ laˇ paˬ-ehˇ gʼeh-eu iˬ baˇ nawˇ maˬ ya mˇ-a.

Dawˬmehˬ 25:16

Tsawˇ gahˇ gahˇ dzaˬ-eu tsawˇ haˬ-ahˇ Sahˬpaˬ Miˬyehˇ bye-eu meh.

Dawˬmehˬ 7:25

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

1 Beˬtuˆluˆ 1:19

Maˇ byawꞈ maˇ naˇ tiˬ pawꞈ-iˬ maˬ baw-eu yawˇ zaˬ-ahˇ duˇ-eu Ka li aˬ yawꞈ-euˬ shiˬ lawˇ dah-euˬ miˇ neh, aˇ poeˬ kʼaˆ dui dui-eu jeˬ neh naw maꞈ-ahˇ zeuˇ kʼoꞈ taˬ-euˬ jeˬ pyeuꞈ-eu meh.