Dawˬmehˬ 12:9 - Akha

⁹ Aˬ jeˬ miˇ neh ehˇ naˇ, naw maꞈ-euˬ Sahˬpaˬ Miˬyehˇ neh naw maꞈ-ahˇ biꞈ-euˬ, nui ma saˇ lehˆ ni ya jawˇ-eu miˇ kʼahˬ kʼoeˇ kʼahˬ-ahˇ naw maꞈ maˬ jawˇ keuˆ leˇ-aˬ si.

Dawˬmehˬ 12:9 Σταυροειδείς Αναφορές

1 Sahˬpaˬ 8:56

“Saˇ jaˇ dzaˬ taˬ-euˬ jaˆ-eu loꞈ-ehˇ aˬ yawꞈ-euˬ tsawˇ haˬ deuˬ-ahˇ nui saˇ oꞈ-eu jeˬ biꞈ-eu Sahˬpaˬ Miˬyehˇ-ahˇ ja ceuˬ-awˬ. Moˇseˬ-ahˇ gʼoe-awˇ aˬ yawꞈ neh biꞈ taˬ-euˬ saˇ jaˇ dawˬ tawˆ luꞈ-ahˇ aˬ yawꞈ ziꞈ luꞈ meh.

1 Laˬsaˬbaˬ 23:25

Daˬbiˇ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ yawꞈ-euˬ tsawˇ jeuˬ kʼoeˇ taˆ nui saˇ oꞈ-eu jeˬ bi keuˆ le-awˇ, aˬ yawꞈ-euˬ gʼawˇ mawˇ Yeˬluˇsaˬlehˬ meuˬ laꞈ kʼoeˇ mˬ maˬ maˬ byaˆ zaˇ ziˇ jawˇ tehꞈ-a.

Jaceuq 95:11

Ngaˇ nui ma pehˇ-awˇ heu loꞈ-ehˇ ehˇ tsehˆ nehˬ-euˬ ma. Naw maꞈ gʼaˬ naˬ bi naˬ-eu lehˇ, ngaˬ neh lehˬ hmˬ taˬ-euˬ miˇ kʼahˬ-ahˇ, naw maꞈ maˬ ya uˇ leˇ-aˇ’ lehˇ ehˇ tsehˆ nehˬ-euˬ ma.”

Yeˬlaˬmiˇ 31:2

Sahˬpaˬ Miˬyehˇ heu loꞈ-ehˇ ehˇ-eu meh. “Mi zaˬ mi cehˇ uˬ moˆ dzeuˇ-iˇ-euˬ deuˬ, bawˇ tsahˬ bawˇ dahˇ laꞈ kʼoeˇ ngaˇ gʼawˬ shaˬ gaˬ nehˬ ma. Iˇsaˬleˬlaˆ tsawˇ haˬ deuˬ-ahˇ nui saˇ oꞈ-eu jeˬ biꞈ le ma.”

Miˇkaˬ 2:10

Tsawˬ tuˇ-awˇ doˆ-iˇ-awˬ. Naw maꞈ gʼaˇ duˬ buˬ-iˇ law-iˇ-eu gaˇ ma maˬ paˇ dahˇ meh. Naw maꞈ-euˬ iˬ baˇ baˬ da neh jawˇ duˬ heu tsahˇ ya piˬ ya byoˆ-iˇ meh.

Dawˬmehˬ 12:8

“Aˇ yamˬ kʼoeˇ yamˬ keuˆ laˇ ngeh, iˬ nah naw maꞈ mˇ luꞈ-eu loꞈ-ehˇ maˬ ya mˇ-a. Iˬ nah keuˆ ni, yawˬ ha uˬ duˬ kʼaˇ tahˬ mawꞈ-eu loꞈ-ehˇ naw maꞈ tahˬ luꞈ-eu meh.

Dawˬmehˬ 25:19

Miˇ kʼahˬ kʼoeˇ kʼahˬ Sahˬpaˬ Miˬyehˇ nawˬ-ahˇ biꞈ nehˬ laꞈ gʼaˬ-awˇ, nawˇ jawˇ-eu jawˬ jawˬ-ehˇ jawˇ luꞈ-eu nawˬ-ahˇ muiˇ-eu deuˬ-ahˇ nawˇ guˆ kʼaˇ maˬ za ni dehꞈ ziꞈ laˇ ngeh, Aˬmaˬlehˇ tsawˇ haˬ deuˬ-ahˇ maˬ ngehˇ ni sehꞈ jiˇ nehˬ-awˬ. Tsawˇ haˬ dawˬ tawˆ luꞈ aˬ yawꞈ maꞈ-ahˇ ya ngehˇ jiˇ ni, kʼoeˇ loꞈ-ehˇ jahˇ kʼoꞈ nehˬ-awˬ. Aˬ yawꞈ maꞈ-ahˇ maˬ sehꞈ ni taˬ byehˇ.

Dawˬmehˬ 3:20

(Naw maꞈ jeˬ zaˬ jawˇ myaˬ-eu ngaˇ siˬ nya ma.) Sahˬpaˬ Miˬyehˇ neh naw maꞈ-ahˇ miˇ kʼahˬ heu kʼahˬ biꞈ laꞈ-awˇ coꞈ ngehˇ ni bi jawˇ laꞈ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ jeuˬ deuˬ-ahˇ Sahˬpaˬ Miˬyehˇ biꞈ-eu lehˇ gʼeh-eu Yawˇdaˬ lawˇ baˬ-euˬ nahˇ ma ga kʼehˬ paw jaˆ-eu miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Sahˬpaˬ Miˬyehˇ aˬ yawꞈ maꞈ-ahˇ kʼoeˇ gaˇ bi jawˇ ngeh keuˆ ni, guiˇ caw deuˆ leˇ neh-awˬ. Kʼoeˇ sahˇ miˇ tsa, ngaˬ neh naw maꞈ-ahˇ biꞈ-euˬ miˇ kʼahˬ heu kʼahˬ-ahˇ naw maꞈ gʼoꞈ le-awˬ’ lehˇ ehˇ nehˬ-euˬ ma.

Dawˬmehˬ 4:21

Naw maꞈ baˬ da neh, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ nui ma pehˇ-awˇ, Yawˇdaˬ lawˇ baˬ tsehˆ-awˇ, aˬ yawꞈ neh naw maꞈ-ahˇ biꞈ-euˬ baw le za le-eu miˇ kʼahˬ kʼoeˇ kʼahˬ laꞈ kʼoeˇ ngaˇ maˬ ya uˇ leˇ-a lehˇ, aˬ yawꞈ ehˇ duˬ taˬ-euˬ meh.

Yawˇshuˆ 11:23

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.