Dawˬmehˬ 11:7 - Akha

⁷ Sahˬpaˬ Miˬyehˇ neh mˇ-euˬ huiˬ-eu gaˇ heu deuˬ dawˬ tawˆ luꞈ-ahˇ, naw maꞈ ya mawˇ-euˬ meh.

Dawˬmehˬ 11:7 Σταυροειδείς Αναφορές

Jaceuq 106:2

Aˬ yawꞈ neh mˇ-euˬ huiˬ dui dui-eu gaˇ deuˬ-ahˇ aˬ suˇ gʼaˬ ja jiˇ coeˇ ta. Aˬ suˇ gʼaˬ aˬ yawꞈ-ahˇ ja ceuˬ jiˇ coeˇ ta.

Jaceuq 145:12

Kʼoeˇ miˇ neh tsawˇ haˬ yawˬ gʼaˬ na luꞈ nawˬ neh mˇ-euˬ huiˬ-euˬ gaˇ deuˬ gaˇ kawˆ siˬ nya-awˇ, nawˇ uˆ lahˇ-eu jeˬ baoˬ yaw shehꞈ kʼahˬ sehˇ huiˬ-eu gaˇ kawˆ siˬ nya tehꞈ-a.

Jaceuq 150:2

Aˬ yawꞈ neh mˇ-euˬ huiˬ-eu gaˇ deuˬ baˬ da neh, aˬ yawꞈ-ahˇ ja ceuˬ-awˬ. Aˬ yawꞈ huiˬ dui mahˇ dui dui gaˇ ja ceuˬ-awˬ.

Dawˬmehˬ 11:6

Luˇbeˬ tsawˇ jeuˬ Eˇliˇbaˆ-euˬ aˬ li Daˬtaˬ hawˇ-eu Aˬbiˇlamˬ aˬ nyaꞈ-ahˇ aˬ yawꞈ neh jahˇ nehˬ-euˬ jeˬ-ahˇ noeˬ keuˆ-awˬ. Tsawˇ haˬ yawˬ gʼaˬ na luꞈ-euˬ mehˬ shi miˇ tsaˬ tsawˬ nga laˇ-awˇ, aˬ yawꞈ nyaꞈ-ahˇ maˬ ehˇ, aˬ yawꞈ nyaꞈ-euˬ miˬ sawˇ zaˬ deuˬ-ahˇ maˬ ehˇ, aˬ yawꞈ nyaꞈ-euˬ sehˬ gʼawˆ-ahˇ maˬ ehˇ, aˬ yawꞈ nyaꞈ-euˬ zaˬ kʼaˆ hawˇ-eu jeˬ zaˬ deuˬ-ahˇ maˬ ehˇ, myoꞈ ahˇ jiˇ-euˬ meh.

Dawˬmehˬ 11:8

“Iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, naw maꞈ lawˇ baˬ tsehˆ doˆ nya-awˇ, naw maꞈ jawˇ leˇ-eu lehˇ gʼeh-eu miˇ kʼahˬ naw maꞈ za tehꞈ-a.

Dawˬmehˬ 27:10

Kʼoeˇ miˇ neh, aˬ yawꞈ ehˇ dawˬ naˇ haˬ-awˇ, iˬ nah ngaˇ naw maꞈ-ahˇ biꞈ luꞈ-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-euˬ mehˬ nah caw teh-awˬ.”

Dawˬmehˬ 29:2

Iˇsaˬleˬlaˆ tsawˇ haˬ dawˬ tawˆ luꞈ-ahˇ Moˇseˬ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Iˇjiˇtuˆ sahˬ paˬ-ahˇ maˬ ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ kʼahˬ lah ni-ahˇ maˬ ehˇ, Sahˬpaˬ Miˬyehˇ neh jahˇ nehˬ-euˬ jeˬ-ahˇ naw maꞈ-euˬ mawˇ do ya mawˇ duˬ gʼaˬ-euˬ meh.

Dawˬmehˬ 4:3

Peˬoˇ gawˬ jawˬ-ahˇ Sahˬpaˬ Miˬyehˇ neh mˇ-euˬ jeˬ naw maꞈ ya mawˇ-euˬ meh. Kʼoeˇ gaˇ, Baˬlaˇ-ahˇ uˬ duˬ kʼaˇ tahˬ-euˬ tsawˇ haˬ deuˬ-ahˇ aˬ yawꞈ sehꞈ-euˬ meh.

Dawˬmehˬ 5:3

Aˬ duiˬ-euˬ aˬ poeˬ aˬ bawˇ deuˬ nehˬ-ehˇ tehꞈ maˬ ngeuˇ ni, iˬ nah dehꞈ luꞈ-eu aˬ dui maꞈ dawˬ tawˆ luꞈ nehˬ-ehˇ, dawˬ ma saˇ jaˇ heu hmˬ aˬ yawꞈ dzaˬ-euˬ jeˬ pyeuꞈ-eu meh.

Dawˬmehˬ 7:19

Naw maꞈ-euˬ myaˆ-ahˇ ya mawˇ duˬ-euˬ guˆ dui dui laˇ paˬ-ehˇ gʼeh-eu jeˬ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ, huiˬ-eu baoˬ hawˇ-eu gʼaˬ, heu deuˬ-ahˇ gʼoe-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bi buˬ-iˇ laꞈ-euˬ gaˇ noeˬ keuˆ-awˬ. Iˇjiˇtuˆ tsawˇ haˬ deuˬ-ahˇ aˬ yawꞈ laˆ luˬ laˆ seˇ nehˬ-euˬ loꞈ-ehˇ, iˬ nah naw maꞈ guˆ luꞈ-eu tsawˇ haˬ dawˬ tawˆ luꞈ-ahˇ aˬ yawꞈ laˆ luˬ laˆ seˇ nehˬ tehꞈ-a.

Yawˇshuˆ 24:31

Yawˇshuˆ yaw dehꞈ kʼaˇ dehꞈ kʼoeˇ keuˆ ni, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ uˬ duˬ tahˬ-euˬ meh. Aˬ yawꞈ shiˇ dzeuˇ ngeh kʼawꞈ, Iˇsaˬleˬlaˆ tsawˇ haˬ deuˬ gʼaˇ duˬ Sahˬpaˬ Miˬyehˇ neh mˇ-euˬ yawˬ jeˬ na luꞈ-ahˇ ya mawˇ-euˬ aˬ yuiꞈ aˬ tsu kʼoeˇ deuˬ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ aˬ yawꞈ maꞈ uˬ duˬ tahˬ-euˬ meh.