Dawˬmehˬ 1:1 - Akha

¹ Yawˇdaˬ lawˇ baˬ nahˇ ma doˆ kʼehˬ paw jaˆ-eu bawˇ tsahˬ bawˇ dahˇ laꞈ kʼoeˇ, Iˇsaˬleˬlaˆ tsawˇ haˬ deuˬ jawˇ luꞈ ngeh, aˬ yawꞈ maꞈ-ahˇ Moˇseˬ neh ehˇ nehˬ-euˬ dawˬ deuˬ, sahˬ boꞈ heu taꞈ laꞈ kʼoeˇ ahˇ-eu meh. Tiˬ paw paˆ Paˬlaˬ meuˬ hawˇ-eu, tiˬ paw paˆ Tawˇpeˬlaˇ, Laˬbaˬ, Haˬzeˬloˆ, Diˇzaˬhaˇ meuˬ heu deuˬ jaˆ luꞈ-eu yaw kaˬ-ahˇ, Suˇpaˬ meuˬ dawˬ peh Yawˇdaˬ lawˇ baˬ deh kʼawꞈ-ahˇ aˬ yawꞈ maꞈ jawˇ-euˬ meh.

Dawˬmehˬ 1:1 Σταυροειδείς Αναφορές

Aˇ dahˬ 21:21

Aˬ yawꞈ-euˬ aˬ ma neh aˬ yawꞈ-ahˇ Iˇjiˇtuˆ tsawˇ jeuˬ zaˬ miˬ aˬ buˇ tiˬ gʼaˬ-ahˇ bi sheuˬ dahˬ dzaˬ-euˬ meh.

1 Sahˬpaˬ 11:18

Aˬ yawꞈ maꞈ Miˇdiˬyaˬ miˇ kʼahˬ-ahˇ neh doˆ-iˇ-awˇ, Paˬlaˬ miˇ kʼahˬ-ahˇ iˇ-euˬ meh. Kʼoeˇ gaˇ, tsawˇ haˬ tiˬ paˆ na deuˬ aˬ yawꞈ maꞈ jawˇ gaˇ cehˆ gm le-euˬ meh. Kʼoeˇ naˇ, Iˇjiˇtuˆ miˇ kʼahˬ-ahˇ aˬ yawꞈ maꞈ iˇ keuˆ-awˇ, Iˇjiˇtuˆ sahˬ paˬ jawˇ gaˇ le-euˬ meh. Sahˬ paˬ kʼoeˇ gʼaˬ Haˬdaˇ-ahˇ miˇ tsaˬ hawˇ-eu nymˇ tiˬ nymˇ biꞈ nehˬ-awˇ, dzaˬ dzaˬ dawˇ dawˇ caw ba nehˬ-euˬ meh.

Haˬbaˬkuˆ 3:3

Eˬdoˬ paw neh Miˬyehˇ oe meh. Muiˬ-eu shawˇ-eu aˬ dui Miˬyehˇ, Paˬlaˬ gawˬ jawˬ paw neh oe meh. Mˬ-ahˇ yaw shehꞈ kʼahˬ sehˇ byah-awˇ, miˇ tsa ja ceuˬ-eu dawˬ byah meh.

Bawˇtsahˬ 10:12

Kʼoeˇ ngeh, Iˇsaˬleˬlaˆ tsawˇ haˬ deuˬ luˆ-iˇ-awˇ, Siˇnaˆ bawˇ tsahˬ bawˇ dahˇ laꞈ kʼoeˇ neh doˆ-iˇ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ naˬ-iˇ-euˬ meh.

Bawˇtsahˬ 11:35

Iˇsaˬleˬlaˆ tsawˇ haˬ deuˬ kʼoeˇ gaˇ neh paˇ luˆ-iˇ-awˇ, Haˬzeˬloˬ lehˇ kuˇ-eu jawˇ duˬ-ahˇ paˇ jawˇ naˬ-euˬ meh.

Bawˇtsahˬ 12:16

Kʼoeˇ naˇ, Haˬzeˬloˆ lehˇ kuˇ-euˬ jawˇ duˬ-ahˇ neh aˬ yawꞈ maꞈ doˆ-iˇ-awˇ, Paˬlaˬ bawˇ tsahˬ bawˇ dahˇ-ahˇ jawˇ-euˬ meh.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Bawˇtsahˬ 13:3

Sahˬpaˬ Miˬyehˇ neh dawˬ biꞈ-euˬ loꞈ-ehˇ, tsawˇ haˬ kʼoeˇ deuˬ-ahˇ, Paˬlaˬ bawˇ tsahˬ bawˇ dahˇ laꞈ kʼoeˇ neh Moˇseˬ pyehˬ gʼeh-euˬ meh.

Bawˇtsahˬ 32:19

Yawˇdaˬ lawˇ baˬ-euˬ kʼoeˇ baˬ-ahˇ kʼaˇ jaˆ-eu jeˬ nga maꞈ tiˬ jeˬ-iˬ maˬ geuꞈ. Aˬ jeˬ miˇ neh ehˇ naˇ, Yawˇdaˬ lawˇ baˬ-euˬ nahˇ ma doˆ kʼehˬ paw baˬ pyeuꞈ-eu heu baˬ-ahˇ nga maꞈ jeˬ biˇ za gʼaˬ-euˬ ma.”

Bawˇtsahˬ 32:32

Yawˇdaˬ lawˇ baˬ nahˇ ma doˆ kʼehˬ heu gaˇ nga maꞈ jeˬ biˇ za ni, Sahˬpaˬ Miˬyehˇ uˆ lahˇ-eu uˬ moˆ Kaˬnaˬ miˇ kʼahˬ-ahˇ nga maꞈ le uˇ-awˇ guiˇ deuˆ leˇ ma.”

Bawˇtsahˬ 32:5

Nga maꞈ-ahˇ Yawˇdaˬ lawˇ baˬ maˬ bi tsehˆ doˆ laꞈ ni, miˇ kʼahˬ heu kʼahˬ-ahˇ bi jawˇ laꞈ-awˬ.”

Bawˇtsahˬ 34:15

Tsawˇ jeuˬ nyiˬ jeuˬ uˬ taꞈ tiˬ paˆ kʼoeˇ deuˬ-aˬ, Yeˬliˇkoˇ meuˬ kʼoeˇ paw paˆ, Yawˇdaˬ lawˇ baˬ nahˇ ma doˆ kʼehˬ paw baˬ-ahˇ jeˬ biˇ za gʼaˬ-euˬ meh.”

Bawˇtsahˬ 35:14

Yawˇdaˬ lawˇ baˬ nahˇ ma doˆ kʼehˬ paw smˇ meuˬ hawˇ-eu Kaˬnaˬ miˇ kʼahˬ laꞈ kʼoeˇ smˇ meuˬ tseˇ doˆ taˬ-awˬ.

Dawˬmehˬ 2:8

“Kʼoeˇ naˇ, aˬ dui maꞈ mehˬ hu paw le-awˇ, Eˇlaˆ hawˇ-eu Eˬzoˇgeˇbaˬ meuˬ-ahˇ neh Shiˇ-eu Iˬ ma laˆ shaˆ-ahˇ iˇ-eu gaˇ ma-ahˇ byehˇ dzeh yaꞈ-awˇ, laꞈ taˆ paw pyawˬ-ahˇ nahˇ ma doˆ kʼehˬ paw dzeˇ-ehˇ jaˆ-eu Mawˇbaˆ miˇ kʼahˬ paw le-euˬ ma.

Dawˬmehˬ 27:1

Kʼoeˇ naˇ, Moˇseˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ Iˇsaˬleˬlaˆ tsawˇ haˬ deuˬ-ahˇ ehˇ nehˬ-eu, “Iˬ nah ngaˇ naw maꞈ-ahˇ mehˬ nehˬ tsoˆ nehˬ-euˬ jeˬ dawˬ tawˆ luꞈ-ahˇ naˇ haˬ geuꞈ-awˬ.

Dawˬmehˬ 29:1

Heu-aˬ, Sahˬpaˬ Miˬyehˇ neh Moˇseˬ-ahˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ nehˬ-ehˇ bi dzaˬ-euˬ dawˬ ma saˇ jaˇ dawˬ deuˬ pyeuꞈ-eu meh. Dawˬ ma saˇ jaˇ dawˬ heu deuˬ-aˬ, Siˇnaˆ gawˬ jawˬ-ahˇ Sahˬpaˬ Miˬyehˇ aˬ yawꞈ maꞈ nehˬ-ehˇ dawˬ ma saˇ jaˇ mˇ gʼaˬ miˇ tsa, yawˬ poˆ yawˬ paˇ biꞈ lahˬ-euˬ dawˬ deuˬ meh.

Dawˬmehˬ 31:1

Iˇsaˬleˬlaˆ tsawˇ haˬ deuˬ-ahˇ Moˇseˬ heu loꞈ-ehˇ paˇ ehˇ nehˬ-euˬ meh.

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

Dawˬmehˬ 5:1

Iˇsaˬleˬlaˆ tsawˇ haˬ dawˬ tawˆ luꞈ-ahˇ Moˇseˬ kuˇ uiˬ-awˇ ehˇ nehˬ-eu, “Iˇsaˬleˬlaˆ tsawˇ haˬ deuˬ-oˇ, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ-awˇ dzaw geuꞈ-eu laꞈ kʼoeˇ, yaw muiˬ paˬ-ehˇ caw teh-awˬ.

Yawˇshuˆ 22:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ, nui saˇ za-eu jeˬ aˬ yawꞈ biꞈ gʼaˬ-euˬ meh. Kʼoeˇ miˇ neh, naw maꞈ geuꞈ ma lehˇ shaˇ-euˬ loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ gʼaˬ-euˬ miˇ kʼahˬ pyeuꞈ-eu, Yawˇdaˬ lawˇ baˬ-euˬ nahˇ ma doˆ kʼehˬ paw baˬ-ahˇ jaˆ-eu naw maꞈ-euˬ miˇ kʼahˬ-ahˇ gʼoꞈ-iˇ-awˬ.

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.

Yawˇshuˆ 9:1

Yawˇdaˬ lawˇ baˬ nahˇ ma ga kʼehˬ paw jaˆ-eu gawˬ jawˬ gʼaˬ lawˬ hawˇ-eu, Gʼahˇ ceh-euˬ iˬ ma laˆ shaˆ lawˇ deh caw caw-ehˇ laꞈ taˆ paw pyawˬ-ahˇ jaˆ-eu Leˬbaˬnoˬ gawˬ jawˬ-ahˇ keuˆ ni jawˇ luꞈ-eu sahˬ paˬ deuˬ pyeuꞈ-eu, Heˬtaˆ sahˬ paˬ, Aˬmawˇliˆ sahˬ paˬ, Kaˬnaˬ sahˬ paˬ, Paˬyehˆ sahˬ paˬ, Hiˇbiˇ sahˬ paˬ hawˇ-eu Yeˬbuˇ sahˬ paˬ kʼoeˇ deuˬ dawˬ tawˆ luꞈ, Iˇsaˬleˬlaˆ tsawˇ haˬ guiˇ deuˆ gʼaˬ-euˬ gaˇ kawˆ ya siˬ-euˬ meh.

Yawˇshuˆ 9:10

Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Heˬshaˬboˬ sahˬ paˬ Siˇhoˬ hawˇ-eu Aˬshaˇtaˬyoˇ meuˬ-ahˇ jawˇ-eu Baˬshaˬ sahˬ paˬ Awˇgaˆ-ahˇ aˬ yawꞈ neh jahˇ nehˬ-euˬ gaˇ kawˆ kʼawꞈ nga maꞈ ya gaˬ-euˬ ma.

1 Saˬmeuˬlaˆ 25:1

Saˬmeuˬlaˆ ziˇ jiˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ uiˬ laˇ-eu laꞈ kʼoeˇ, aˬ yawꞈ-ahˇ tsawˇ ngoeˇ ngoeˇ nehˬ-euˬ meh. Kʼoeˇ naˇ, Laˬmahˇ meuˬ-ahˇ jaˆ-eu aˬ yawꞈ-euˬ nymˇ-ahˇ, aˬ yawꞈ maꞈ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ Daˬbiˇ iˇ-euˬ meh.