Bawˇtsahˬ 6:2 - Akha

² Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ mehˬ nehˬ tsoˆ nehˬ-awˬ. Kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tsawˇ haˬ tiˬ gʼaˬ na Naˬzaˬliˇ tsawˇ haˬ pyeuꞈ laˇ-eu gʼaˇ duˬ saˇ jaˇ dzaˬ-awˇ, yawˬ ha-euˬ gʼawˇ mawˇ Sahˬpaˬ Miˬyehˇ-ahˇ a nehˬ naˇ,

Bawˇtsahˬ 6:2 Σταυροειδείς Αναφορές

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

Dawqdaq 18:1

Aˬ cawˬ-ahˇ maˬ dehꞈ tsaˬ nya-eu tsawˇ haˬ, yawˬ ha nui noeˬ tehꞈ-ehˇ geuꞈ-awˇ, aˬ cawˬ-euˬ dawˬ maˬ geuꞈ-a.

Yeˬlaˬmiˇ 35:6

Ehˇ kʼawꞈ, aˬ yawꞈ maꞈ heu loꞈ-ehˇ ehˇ-eu meh. “Nga maꞈ aˬ gaꞈ dzaˇ uiˇ maˬ dawˇ. Nga maꞈ hawˇ-eu nga maꞈ-euˬ zaˬ deuˬ uˆ deuˬ tiˬ gʼaˬ-iˬ aˬ gaꞈ dzaˇ uiˇ maˬ ya dawˇ-a lehˇ, Leˬkaˆ-euˬ aˬ li nga maꞈ-euˬ aˬ poeˬ Yawˇnaˬdehˇ ehˇ taˬ-euˬ meh.

Uˬ duˬ 20:26

Naw maꞈ-aˬ, ngaˬ-ahˇ tehꞈ-ehˇ taꞈ leˇ-eu muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, Sahˬpaˬ Miˬyehˇ pyeuꞈ-awˇ, yaw muiˬ yaw shawˇ ma. Naw maꞈ ngaˬ-ahˇ tehꞈ-ehˇ taꞈ-eu tsawˇ jeuˬ pyeuꞈ laˇ ni, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ ngaˇ tseˇ doˆ taˬ-euˬ ma.

Uˬ duˬ 27:2

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Tsawˇ haˬ tiˬ gʼaˬ na, saˇ jaˇ tiˬ jeˬ paˬ mˇ-eu laꞈ kʼoeˇ, Sahˬpaˬ Miˬyehˇ-ahˇ tsawˇ haˬ damˬ nehˬ mawꞈ naˇ, tsawˇ haˬ-euˬ aˇ poeˬ pyuˇ sawˇ doˆ-awˇ damˬ ngeh, heu loꞈ-ehˇ ya sawˇ meh.

Bawˇtsahˬ 30:3

Yawˬ ha aˬ da-euˬ nymˇ-ahˇ jawˇ luꞈ-eu zaˬ miˬ aˬ buˇ zaˬ guˬ tiˬ gʼaˬ na, tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ saˇ jaˇ dzaˬ naˇ,

Bawˇtsahˬ 6:1

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Luˇkaꞈ 1:15

Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

Gʼaˬkʼehˇ 18:18

Pawˇluˆ-aˬ, Gawˇliˬtu meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ gʼawˬ mya nah paˇ jawˇ-euˬ meh. Kʼoeˇ naˇ, aˬ yawꞈ maꞈ-ahˇ gʼawˬ-iˇ-awˇ, Biˇgiˇla hawˇ-eu Aˬguˇla aˬ nyaꞈ nehˬ-ehˇ tiˬ kawˆ loꞈ-ehˇ saˇ baoˬ dziˬ-awˇ, Suˇliˆ miˇ kʼahˬ-ahˇ iˇ-euˬ meh. Geˬjeˬ meuˬ-ahˇ iˇ keuˆ ngeh, aˬ yawꞈ dawˬ ma saˇ jaˇ dzaˬ-eu laꞈ kʼoeˇ uˬ jehˆ jehˆ dzeh-euˬ meh.

Lormav 1:1

Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

Gaˬlaˬtiˆ 1:15

Ehˇ kʼawꞈ, ngaˇ maˬ dehꞈ doˆ le mi naˆ-ehˇ Miˬyehˇ gʼawˬ shaˬ gaˬ-eu jeˬ neh ngaˬ-ahˇ tseˇ doˆ gʼaˬ-awˇ, aˬ yawꞈ-euˬ gaˇ bi mˇ-eu gʼaˇ duˬ ngaˬ-ahˇ kuˇ-euˬ meh.

HeˬByehˇ 7:27

Piˇ ma yaw huiˬ nui deuˬ-ahˇ aˬ yawꞈ maˬ duˇ-a. Aˬ yawꞈ maꞈ loꞈ-ehˇ yawˬ nah na luꞈ yawˬ ha-euˬ iˬ baˇ gʼaˇ duˬ jeˬ hu lawˇ gʼaˬ shehˇ gʼaˬ ngeh, aˬ cawˬ-euˬ i baˇ gʼaˇ duˬ ya lawˇ ya shehˇ-eu heu deuˬ-ahˇ aˬ yawꞈ mˇ-eu maˬ loˬ-a. Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, tiˬ poˆ lawˇ-awˇ mˬ maˬ maˬ byaˆ zaˇ ziˇ gmˬ-eu lawˇ-euˬ jeˬ pyeuꞈ-eu meh.

Yaˇ kʼaˬ daˇ 13:14

Aˬ gaꞈ baw duˆ-ahˇ neh kʼaˇ doˆ le-euˬ jeˬ tiˬ jeˬ-iˬ aˬ yawꞈ maˬ ya dzaˬ-a. Aˬ gaꞈ dzaˇ uiˇ hawˇ-eu bi yehꞈ laˇ nya-eu dzaˇ uiˇ deuˬ aˬ yawꞈ maꞈ maˬ ya dawˇ-a. Ya sheuˬ meh lehˇ ehˇ taˬ-euˬ dzaˇ deuˬ-ahˇ kʼawꞈ, maˬ dzaˬ ni ya sheuˬ meh. Ngaˬ neh kʼaˇ ehˇ nehˬ-euˬ jeˬ-ahˇ aˬ yawꞈ ya mˇ meh.”

Yaˇ kʼaˬ daˇ 13:4

Aˬ gaꞈ dzaˇ uiˇ hawˇ-eu bi yehꞈ laˇ nya-eu dzaˇ uiˇ maˬ dawˇ-ehˇ, maˬ ya dzaˬ-a lehˇ ehˇ taˬ-euˬ dzaˇ maˬ dzaˬ ni yahˇ-awˬ.

Yaˇ kʼaˬ daˇ 13:5

Nawˬ li dehꞈ le naˇ, aˬ yawꞈ-euˬ uˬ duˬ tsehˇ kahˇ tiˬ jawˇ-iˬ maˬ tehˬ ni ya bi jaˆ meh. Aˬ jeˬ miˇ neh ehˇ naˇ, aˬ yawꞈ dehꞈ le-euˬ tiˬ nah neh, Naˬzaˬliˇ tsawˇ haˬ tiˬ gʼaˬ loꞈ-ehˇ Miˬyehˇ-ahˇ a nehˬ taˬ-euˬ meh. Iˇsaˬleˬlaˆ tsawˇ haˬ deuˬ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ neh aˬ yawꞈ ka kʼoꞈ nehˬ tehꞈ-a.”

Yaˇ kʼaˬ daˇ 16:17

Kʼoeˇ miˇ neh, aˇ saˬ saˬ laˇ ngeh, kʼaˇ ngeuˇ-eu loꞈ-ehˇ ehˇ nehˬ-euˬ meh. Aˬ yawꞈ ehˇ-eu, “Ngaˬ-euˬ uˬ duˬ tsehˇ kahˇ tiˬ poˆ-iˬ maˬ tehˬ haw-aˬ. Ngaˇ dehꞈ le ngeh neh, Naˬzaˬliˇ tsawˇ haˬ tiˬ gʼaˬ loꞈ-ehˇ Sahˬpaˬ Miˬyehˇ-ahˇ a nehˬ taˬ-euˬ ma. Ngaˬ-euˬ uˬ duˬ tsehˇ kahˇ tehˬ dzeh shaw naˇ, ngaˬ-euˬ gʼaˬ byoˆ-iˇ jiˇ-awˇ, aˬ cawˬ loꞈ-ehˇ gʼaˬ baˬ-eu tsawˇ haˬ tiˬ gʼaˬ pyeuꞈ-iˇ meh.”

1 Saˬmeuˬlaˆ 1:28

Kʼoeˇ miˇ neh, Sahˬpaˬ Miˬyehˇ-ahˇ aˬ li heu li a nehˬ-eu ma. Aˬ yawꞈ kʼaˇ dehꞈ-eu tiˬ ziˇ Sahˬpaˬ Miˬyehˇ-ahˇ biꞈ tsehˆ nehˬ yaꞈ-eu ma.” Kʼoeˇ naˇ, aˬ yawꞈ maꞈ kʼoeˇ gaˇ Sahˬpaˬ Miˬyehˇ-ahˇ uˬ duˬ tahˬ-euˬ meh.