Bawˇtsahˬ 5:23 - Akha

²³ Kamˬ taˬ-eu dawˬ kʼoeˇ deuˬ sahˬ boꞈ laꞈ kʼoeˇ piˇ ma gʼaˬ boꞈ ahˇ-awˇ, iˇ cuꞈ yaw kʼaˬ ahˇ-eu naˬ bo laꞈ kʼoeˇ ya lehˬ tsiˬ ahˇ meh.

Bawˇtsahˬ 5:23 Σταυροειδείς Αναφορές

Panmaeq 20:12

Kʼoeˇ naˇ, shiˇ-euˬ tsawˇ haˬ deuˬ huiˬ zaˬ nyiˇ zaˬ dawˬ tawˆ luꞈ, dzoeˬ dzaˬ nuiˇ mahˬ kʼoeˇ-euˬ mehˬ shi yawꞈ luꞈ gaˇ ngaˇ ya mawˇ-euˬ ma. Kʼoeˇ ngeh, sahˬ boꞈ pah-euˬ meh. Kʼoeˇ naˇ, dehꞈ-eu saꞈ laˇ sahˬ boꞈ pah-euˬ meh. Shiˇ-euˬ tsawˇ haˬ deuˬ-aˬ, sahˬ boꞈ kʼoeˇ deuˬ laꞈ kʼoeˇ kʼaˇ boꞈ ahˇ taˬ-euˬ loꞈ-ehˇ, yawˬ ha neh kʼaˇ mˇ yaꞈ-euˬ gaˇ geuˇ ni yaˇ kʼaˬ bi daˇ-euˬ meh.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Jaceuq 51:9

Ngaˬ-euˬ iˬ baˇ-ahˇ maˬ haw ni nawˇ myaˆ nuiˆ miˆ tehˬ-awˇ, yaw lehˬ jeˬ dawˬ tawˆ luꞈ-ahˇ yuˇ dzeh nehˬ laꞈ-awˬ.

Jaceuq 51:1

Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

Yawˇbaˆ 31:35

Ngaˇ dawˬ ngehˬ gaˇ tiˬ gʼaˬ-iˬ maˬ naˇ haˬ-a loˇ. Yawˬ dawˬ na luꞈ tsaˬ ma lehˇ ngaˇ kamˬ peuˬ ma. Baoˬ huiˬ-eu Miˬyehˇ ngaˬ-ahˇ ngehˬ cawˬ le luꞈ-uˇ. Ngaˬ-euˬ yaw lehˬ jeˬ-ahˇ toeˬ mehˬ-eu deuˬ neh ngehˬ-euˬ dawˬ-ahˇ ngaˇ mawˇ nya ni boꞈ doˆ taˬ law nmˇ-aˬ,

2 Laˬsaˬbaˬ 34:24

Sahˬpaˬ Miˬyehˇ heu loꞈ-ehˇ ehˇ-eu meh. ‘Sahˬ paˬ-ahˇ gui mehˬ nehˬ-euˬ sahˬ boꞈ paˇ dmˬ kʼoeˇ dmˬ laꞈ kʼoeˇ boꞈ ahˇ taˬ-euˬ kʼehˬ-eu kʼaˆ-eu jeˬ Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ kʼoeˇ taˆ ngaˇ bi keuˆ le ma.

Dawˬmehˬ 31:19

“Caˇ dawˬ heu bymˇ nymˬ-mˇ boꞈ-awˬ. Iˇsaˬleˬlaˆ tsawˇ haˬ deuˬ-euˬ mehˬ shi saˇ kiˇ pyeuꞈ ni, caˇ dawˬ heu bymˇ aˬ yawꞈ maꞈ-ahˇ mehˬ nehˬ-awˬ.

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Bawˇtsahˬ 5:22

Iˇ cuꞈ heu nawˬ-euˬ uˬ maˆ laꞈ kʼoeˇ uˇ keuˆ-iˇ-awˇ, nawˬ-eu uˬ maˆ puˬ laˇ-awˇ, nawˬ-euˬ pyaˬ kaˬ liˬ-iˇ koˆ-iˇ-eu jeˬ bi keuˆ le luꞈ-uˇ.” Zaˬ miˬ zaˬ kʼoeˇ gʼaˬ gʼeh, “Ngaˇ nui ma tsaˬ ma. Sahˬpaˬ Miˬyehˇ kʼoeˇ loꞈ-ehˇ mˇ nehˬ laꞈ luꞈ-uˇ” lehˇ ya ehˇ meh.

Bawˇtsahˬ 5:24

Zaˬ miˬ zaˬ kʼoeˇ gʼaˬ-euˬ uˬ maˆ-ahˇ naˇ-eu gawˇ-eu jeˬ bi keuˆ le-eu iˇ cuꞈ yaw kʼaˬ kʼoeˇ maˬ bi dawˇ mi naˆ-ehˇ,