Bawˇtsahˬ 26:4 - Akha

⁴ Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, nyiˬ tseˇ kʼoꞈ-ahˇ neh laꞈ taˆ paw-euˬ tsawˇ haˬ deuˬ-ahˇ tsawˇ myahˇ yuˇ-awˬ lehˇ ehˇ nehˬ-euˬ meh. Heu deuˬ-aˬ, Iˇjiˇtuˆ miˇ kʼahˬ laꞈ kʼoeˇ neh doˆ le-euˬ Iˇsaˬleˬlaˆ tsawˇ haˬ deuˬ pyeuꞈ-eu meh.

Bawˇtsahˬ 26:4 Σταυροειδείς Αναφορές

Aˇ dahˬ 46:8

Yaˬkoˆ Iˇjiˇtuˆ miˇ kʼahˬ-ahˇ jawˇ-iˇ ngeh, aˬ yawꞈ neh sheuˬ ka gʼeh-euˬ aˬ yawꞈ-euˬ aˬ li deuˬ hawˇ-eu oeˬ paˬ deuˬ-aˬ, heu deuˬ meh. Aˬ yawꞈ-euˬ aˬ li aˬ yuiꞈ yuiꞈ saˬ gʼaˬ Luˇbeˬ hawˇ-eu,

1 Laˬsaˬbaˬ 21:1

Saˬdaˬ-aˬ, Iˇsaˬleˬlaˆ tsawˇ haˬ deuˬ-ahˇ laˆ bahˬ mawꞈ-eu miˇ neh, miˇ kʼahˬ zaˬ-euˬ tsawˇ seˬ gʼoˆ-eu gʼaˇ duˬ Daˬbiˇ noeˬ tsehˆ laˇ ni jahˇ-euˬ meh.

Doˆ-iˇ 12:51

Kʼoeˇ ngeh nah laꞈ kʼoeˇ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Bawˇtsahˬ 1:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le gʼaˬ-awˇ, nyiˬ kʼoꞈ tiˬ kʼoꞈ ba la nyiˬ siˬ tiˬ siˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ-ahˇ jaˆ-eu Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ, Moˇseˬ-ahˇ Sahˬpaˬ Miˬyehˇ dawˬ ngehˬ cawˬ-euˬ meh. Aˬ yawꞈ ehˇ-eu,

Bawˇtsahˬ 26:3

Yeˬliˇkoˇ meuˬ-euˬ nui baˬ-ahˇ, Yawˇdaˬ lawˇ baˬ lawˇ deh jaˆ-eu Mawˇbaˆ miˇ kʼahˬ deh ga-ahˇ, Moˇseˬ hawˇ-eu piˇ ma Eˇlaˬzaˬ aˬ nyaꞈ aˬ yawꞈ maꞈ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh.

Bawˇtsahˬ 26:5

Yaˬkoˆ-euˬ aˬ li aˬ yuiꞈ yuiꞈ saˬ Luˇbeˬ-euˬ zaˬ deuˬ uˆ deuˬ pyeuꞈ-eu Luˇbeˬ tsawˇ jeuˬ-aˬ, Haˬnoˆ aˇ jeuˬ, Paˬloˇ aˇ jeuˬ,