Bawˇtsahˬ 2:34 - Akha

³⁴ Sahˬpaˬ Miˬyehˇ neh Moˇseˬ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ-ahˇ, Iˇsaˬleˬlaˆ tsawˇ haˬ deuˬ mˇ-euˬ meh. Aˬ yawꞈ maꞈ jawˇ naˬ ngeh, yawˬ gʼaˬ na luꞈ yawˬ ha-euˬ paˇ loˬ paˇ lehˇ uˬ moˆ jawˇ-awˇ, aˬ yawꞈ maꞈ doˆ-iˇ ngeh yawˬ ha-euˬ aˇ jeuˬ nehˬ-ehˇ yawˬ ha doˆ-iˇ-eu meh.

Bawˇtsahˬ 2:34 Σταυροειδείς Αναφορές

Jaceuq 119:6

Nawˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ ngaˇ haw tsoˆ taˬ ngeh, ngaˇ daˬ maˬ ga ni ya dehꞈ tehꞈ-a.

Doˆ-iˇ 39:42

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ yawˬ jeˬ na luꞈ mˇ gʼaˬ-euˬ meh.

Bawˇtsahˬ 1:52

Iˇsaˬleˬlaˆ tsawˇ haˬ nui deuˬ-aˬ, aˬ yawꞈ gʼaˬ yawꞈ yawˬ ha-euˬ aˇ muˇ nehˬ-ehˇ yawˬ ha aˇ muˇ-euˬ paˇ loˬ paˇ lehˇ uˬ moˆ guiˇ maꞈ baw baw-ehˇ, sehˬ gʼawˆ gʼawˆ-awˇ ya jawˇ meh.

Bawˇtsahˬ 1:54

Sahˬpaˬ Miˬyehˇ neh Moˇseˬ-ahˇ dawˬ kʼaˇ biꞈ nehˬ-euˬ jeˬ dawˬ tawˆ luꞈ-ahˇ Iˇsaˬleˬlaˆ tsawˇ haˬ deuˬ mˇ-euˬ meh.

Bawˇtsahˬ 10:12

Kʼoeˇ ngeh, Iˇsaˬleˬlaˆ tsawˇ haˬ deuˬ luˆ-iˇ-awˇ, Siˇnaˆ bawˇ tsahˬ bawˇ dahˇ laꞈ kʼoeˇ neh doˆ-iˇ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ naˬ-iˇ-euˬ meh.

Bawˇtsahˬ 10:28

Iˇsaˬleˬlaˆ tsawˇ haˬ deuˬ naˬ luꞈ-eu kʼaˇ doˆ-iˇ ngeh, guiˇ maꞈ tiˬ maꞈ saˇ-iˬ tiˬ maꞈ kʼoeˇ loꞈ-ehˇ ya doˆ-iˇ-eu meh.

Bawˇtsahˬ 2:2

Iˇsaˬleˬlaˆ tsawˇ haˬ deuˬ sehˬ gʼawˆ gʼawˆ-awˇ jawˇ ngeh, yawˬ ha-euˬ guiˇ guiˇ maꞈ-euˬ paˇ loˬ paˇ lehˇ hawˇ-eu yawˬ ha-euˬ aˇ jeuˬ-euˬ paˇ loˬ paˇ lehˇ uˬ moˆ ya jawˇ meh. Ngaˇ jawˇ-eu Sehˬ gʼawˆ jawˬ jawˬ-ehˇ aˬ yawꞈ maꞈ-euˬ sehˬ gʼawˆ ya gʼawˆ meh.

Bawˇtsahˬ 2:33

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Leˬbiˇ tsawˇ haˬ deuˬ-ahˇ Iˇsaˬleˬlaˆ tsawˇ haˬ nui deuˬ nehˬ-ehˇ tiˬ kawˆ loꞈ-ehˇ tsawˇ myahˇ maˬ yuˇ keuˬ-aˬ.

Bawˇtsahˬ 23:21

Iˇsaˬleˬlaˆ tsawˇ haˬ deuˬ mehˬ hu paw dehꞈ daˆ leꞈ-eu gaˇ kawˆ ngaˇ heu loꞈ-ehˇ mawˇ-euˬ ma. Guiˬ lahˬ doeˇ-eu jeˬ hawˇ-eu shaˬ-eu zahˬ-eu jeˬ, aˬ yawꞈ maꞈ kʼoeˇ taˆ maˬ paˇ keuˆ le meh. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ nehˬ-ehˇ jawˇ-eu meh. Aˬ yawꞈ-aˬ, aˬ yawꞈ maꞈ-euˬ sahˬ paˬ ma lehˇ, aˬ yawꞈ maꞈ guˇ-eu meh.

Bawˇtsahˬ 24:2

Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ,

Bawˇtsahˬ 3:1

Heu-aˬ, Siˇnaˆ gawˬ jawˬ kʼoeˇ taˆ Moˇseˬ-ahˇ Sahˬpaˬ Miˬyehˇ dawˬ ngehˬ cawˬ ngeh yamˬ-ahˇ jawˇ luꞈ-eu Moˇseˬ hawˇ-eu Aˬloˬ-euˬ nymˇ kʼahˬ zaˬ deuˬ pyeuꞈ-eu meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.