Bawˇtsahˬ 1:54 - Akha

⁵⁴ Sahˬpaˬ Miˬyehˇ neh Moˇseˬ-ahˇ dawˬ kʼaˇ biꞈ nehˬ-euˬ jeˬ dawˬ tawˆ luꞈ-ahˇ Iˇsaˬleˬlaˆ tsawˇ haˬ deuˬ mˇ-euˬ meh.

Bawˇtsahˬ 1:54 Σταυροειδείς Αναφορές

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Doˆ-iˇ 39:32

Aˇ saˬ saˬ laˇ ngeh, Sahˬpaˬ Miˬyehˇ jawˇ-eu sehˬ gʼawˆ-ahˇ taꞈ leˇ-eu gaˇ dawˬ tawˆ luꞈ mˇ gʼaˬ jiˇ-euˬ meh. Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ mˇ-euˬ meh.

Doˆ-iˇ 39:43

Yawˬ jeˬ na luꞈ-ahˇ Moˇseˬ pyehˆ tseˇ haw ngeh, Sahˬpaˬ Miˬyehˇ neh dawˬ kʼaˇ biꞈ taˬ-eu loꞈ-ehˇ aˬ yawꞈ maꞈ mˇ gʼaˬ taˬ jiˇ-euˬ gaˇ ya mawˇ-euˬ meh. Kʼoeˇ naˇ, aˬ yawꞈ maꞈ-ahˇ Moˇseˬ dawˬ ngehˬ gʼeh nehˬ-euˬ meh.

Doˆ-iˇ 40:16

Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ-ahˇ Moˇseˬ mˇ-euˬ meh.

Doˆ-iˇ 40:32

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sehˬ gʼawˆ laꞈ kʼoeˇ aˬ yawꞈ maꞈ kʼaˇ uˇ leˇ ngeh, aˬ kuiˇ aˬ laꞈ dzuiꞈ shawˇ-euˬ meh.

Bawˇtsahˬ 1:53

Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

Bawˇtsahˬ 2:1

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ mehˬ nehˬ tsoˆ nehˬ-euˬ meh.

Bawˇtsahˬ 2:34

Sahˬpaˬ Miˬyehˇ neh Moˇseˬ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ-ahˇ, Iˇsaˬleˬlaˆ tsawˇ haˬ deuˬ mˇ-euˬ meh. Aˬ yawꞈ maꞈ jawˇ naˬ ngeh, yawˬ gʼaˬ na luꞈ yawˬ ha-euˬ paˇ loˬ paˇ lehˇ uˬ moˆ jawˇ-awˇ, aˬ yawꞈ maꞈ doˆ-iˇ ngeh yawˬ ha-euˬ aˇ jeuˬ nehˬ-ehˇ yawˬ ha doˆ-iˇ-eu meh.

Bawˇtsahˬ 36:10

Zeˬloˇpeˬhaˇ-euˬ aˬ buˇ deuˬ pyeuꞈ-eu Maˬhaˬlahˬ, Teuˇzaˬ, Hawˇgaˬlaˇ, Miˇlaˬkah hawˇ-eu Noˇaˬ-aˬ, Sahˬpaˬ Miˬyehˇ neh Moˇseˬ-ahˇ dawˬ biꞈ-euˬ gaˇ naˇ haˬ geuꞈ-awˇ, aˬ yawꞈ maꞈ-euˬ aˇ jeuˬ aˇ ca-ahˇ tehꞈ-ehˇ dahˬ dzaˬ-iˇ-euˬ meh.

Bawˇtsahˬ 8:20

Moˇseˬ-ahˇ Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ gʼeh-awˇ, Leˬbiˇ tsawˇ haˬ deuˬ a nehˬ-eu jeˬ mˇ-euˬ meh.

Bawˇtsahˬ 9:22

Nyiˬ nah myahˇ-eu maˬ ehˇ, ba la tiˬ siˬ myahˇ-eu maˬ ehˇ, tiˬ kʼoꞈ myahˇ-eu maˬ ehˇ, kʼoeˇ myah maˬ tseˇ myahˇ-eu maˬ ehˇ, mˬ dmˇ kʼoeˇ Sehˬ gʼawˆ kʼoeˇ taˆ kʼaˇ naˬ luꞈ kʼoeˇ keuˆ ni, aˬ yawꞈ maꞈ maˬ luˆ-iˇ ni jawˇ-euˬ meh. Ehˇ kʼawꞈ, mˬ dmˇ kʼoeˇ kʼaˇ daˆ leˇ ngeh aˬ yawꞈ maꞈ luˆ-iˇ-euˬ meh.

Bawˇtsahˬ 9:5

Kʼoeˇ naˇ, ba la yaw beh siˬ tseˇ oeˬ nah uˬ ciꞈ uˬ taw paw, Siˇnaˆ bawˇ tsahˬ bawˇ dahˇ laꞈ kʼoeˇ aˬ yawꞈ maꞈ bawˬ-iˬ gʼeh-euˬ meh. Moˇseˬ-ahˇ Sahˬpaˬ Miˬyehˇ neh dawˬ kʼaˇ biꞈ nehˬ-euˬ loꞈ-ehˇ aˬ yawꞈ maꞈ jahˇ-euˬ meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Dawˬmehˬ 12:32

“Ngaˬ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ naw maꞈ mˇ-awˬ. Dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a.

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.