Sahˬpaˬ Miˬyehˇ jawˇ-eu Sehˬ gʼawˆ hawˇ-eu Uˬ duˬ tahˬ nymˇ nymˇ ma-ahˇ bo saˆ haw piˇ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-euˬ aˬ yuiꞈ aˬ nyiˇ piˇ ma kʼoeˇ deuˬ-ahˇ caw ba nehˬ-eu gaˇ maˬ ehˇ, Leˬbiˇ tsawˇ haˬ deuˬ ya mˇ-eu gaˇ pyeuꞈ-eu meh.
Bawˇtsahˬ 1:53 - Akha53 Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.” Δείτε το κεφάλαιο |
Bawˇtsahˬ 1:53
26 Σταυροειδείς Αναφορές
Yaw saw jeˬ doꞈ damˬ-eu hawˇ-eu, jeˬ zaˬ yuˇ-awˇ mawˇ lah-ehˇ miˬ dzaˬ-ahˇ dzah puiˆ-awˇ law-eu jeˬ, yawˬ shawˬ yawˬ miˇ na luꞈ aˬ yawꞈ maꞈ mˇ luꞈ meh. Zahˇ sahˇ kʼoꞈ-ahˇ taꞈ leˇ-awˇ shawˇ jehˆ ni gʼeh-eu hawˬ jeh kʼoeˇ taˆ, kaˬ muˇ lawˇ-eu jeˬ aˬ yawꞈ maꞈ lawˇ-awˇ, yawˬ miˇ na luꞈ, shuiˇ neh jahˇ taˬ-euˬ tsiˇ kʼmˬ doꞈ taˬ duˬ kʼoeˇ taˆ, aˬ yawꞈ maꞈ tsiˇ kʼmˬ doꞈ daˆ taˬ-euˬ meh. Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ nga maꞈ mˇ luꞈ ma. Ehˇ kʼawꞈ, naw maꞈ aˬ yawꞈ-ahˇ byehˇ dzeh-euˬ meh.
Kʼoeˇ miˇ neh Yeˬluˇsaˬlehˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ deuˬ gaˇ kawˆ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ maꞈ-ahˇ ngaˇ doꞈ yawˇ bi dzaˬ-awˇ, doꞈ dawˆ-euˬ iˇ cuꞈ bi dawˇ ma. Aˬ jeˬ miˇ neh ehˇ naˇ, miˇ kʼahˬ heu kʼahˬ doe ni, Miˬyehˇ nui ma maˬ tsaˬ-eu jeˬ, aˬ yawꞈ maꞈ mˇ byah taˬ-euˬ meh.”
Aˬloˬ hawˇ-eu aˬ yawꞈ-euˬ aˬ li Eˇlaˬzaˬ hawˇ-eu Iˇdaˬmaˬ-ahˇ Moˇseˬ ehˇ nehˬ-eu, “Naw maꞈ noeˬ shaˬ-eu laꞈ kʼoeˇ tsawˇ ngoeˇ ngoeˇ luꞈ-eu gaˇ kawˆ bi siˬ bi mawˇ-eu gʼaˇ duˬ, uˬ duˬ tsehˇ kahˇ maˬ kaˆ juˇ ni jawˇ-eu maˬ ehˇ, mehˬ tsoeˬ cehˬ pyaˬ-eu maˬ ehˇ, taˬ jahˇ. Kʼoeˇ loꞈ-ehˇ jahˇ naˇ, naw maꞈ ya shiˇ-awˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ tehꞈ-a. Ehˇ kʼawꞈ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-aˬ, Sahˬpaˬ Miˬyehˇ neh pyehˬ gʼeh leꞈ-euˬ miˬ dzaˬ baˬ da neh ya shiˇ-euˬ jeˬ gʼaˇ duˬ, tsawˇ ngoeˇ ngoeˇ nehˬ nya tehꞈ-a.
Ehˇ kʼawꞈ, Leˬbiˇ tsawˇ haˬ deuˬ-ahˇ ngaˇ jawˇ-eu Sehˬ gʼawˆ hawˇ-eu kʼoeˇ gaˇ jaˆ-eu keu ka deuˬ-ahˇ haw-eu pyaˆ-eu tsawˇ haˬ bi geuꞈ-awˬ. Sehˬ gʼawˆ hawˇ-eu kʼoeˇ-euˬ keu ka deuˬ-ahˇ aˬ yawꞈ maꞈ ya baꞈ ya pi meh. Sehˬ gʼawˆ kʼoeˇ laꞈ kʼoeˇ aˬ yawꞈ maꞈ gaˇ ya mˇ-awˇ, kʼoeˇ jawˬ jawˬ-ehˇ aˬ yawꞈ maꞈ ya jawˇ meh.
Aˬloˬ-ahˇ Moˇseˬ ehˇ nehˬ-eu, “Nawˬ-euˬ miˬ jiˆ pehˆ ahˇ-eu guiˬ gʼawˆ yuˇ-awˇ, lawˇ duˬ kʼoeˇ taˆ jaˆ-eu doꞈ luꞈ-eu miˬ jiˆ pehˆ ahˇ-awˇ, miˬ jiˆ kʼoeˇ taˆ yaw saw jeˬ dawˆ puiˆ-awˬ. Kʼoeˇ naˇ, tsawˇ haˬ kʼoeˇ deuˬ jawˇ gaˇ yaw kawˇ-ehˇ iˇ-awˇ, aˬ yawꞈ maꞈ bi shawˇ laˇ-eu zahˇ jahˇ-awˬ. Yaw kawˇ kawˇ-ehˇ jahˇ-awˬ. Sahˬpaˬ Miˬyehˇ nui ma pehˇ laˇ taˬ-euˬ miˇ neh luˬ-iˇ seˇ-iˇ-eu jeˬ keuˆ le taˬ-euˬ nga.”
Sahˬpaˬ Miˬyehˇ dawˬ peh naw maꞈ le-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu laꞈ kʼoeˇ, tsawˇ haˬ aˇ maꞈ aˇ muˇ mehˬ shi yawꞈ-awˇ aˬ yawꞈ maꞈ gʼaˇ duˬ bi mˇ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, naw maꞈ-ahˇ biˇ paˆ doˆ-awˇ tseˇ doˆ taˬ-eu heu, dehˬ nyi-ehˇ gʼeh-eu gaˇ meh lehˇ naw maꞈ noeˬ te loˇ.
Kʼoeˇ naˇ, mehˬ hu paw doˆ-iˇ-eu guiˇ maꞈ nyiˬ maꞈ hawˇ-eu, mehˬ nah paw cah-eu guiˇ maꞈ nyiˬ maꞈ yaw kaˬ-ahˇ, Leˬbiˇ tsawˇ jeuˬ Sehˬ gʼawˆ baꞈ-awˇ ya doˆ-iˇ meh. Aˬ yawꞈ maꞈ jawˇ naˬ ngeh, yawˬ ha-euˬ paˇ loˬ paˇ lehˇ uˬ moˆ jawˇ pyawˬ baw baw-ehˇ jawˇ-eu loꞈ-ehˇ, doˆ-iˇ ngeh kʼawꞈ kʼoeˇ loꞈ-ehˇ jawˇ duˬ tsaˬ ni ya doˆ-iˇ meh.
Moˇseˬ, Aˬloˬ hawˇ-eu Aˬloˬ-euˬ aˬ li deuˬ-aˬ, Sehˬ gʼawˆ mehˬ shi nahˇ ma doˆ kʼehˬ paw pyawˬ-ahˇ jawˇ duˬ ya yuˇ meh. Iˇsaˬleˬlaˆ tsawˇ haˬ deuˬ gʼaˇ duˬ, muiˬ-eu shawˇ-eu jawˇ duˬ laꞈ kʼoeˇ mˇ-eu gaˇ deuˬ-aˬ, aˬ yawꞈ maꞈ-euˬ gaˇ pyeuꞈ-eu meh. Kʼoeˇ loꞈ-ehˇ mˇ-eu lehˇ leh jeh-eu tsawˇ haˬ nui deuˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.
Iˇsaˬleˬlaˆ tsawˇ haˬ deuˬ-ahˇ oꞈ-eu shaˬ bymˇ laꞈ kʼoeˇ, tsawˇ haˬ ngaˬ tseˇ gʼaˬ-euˬ tiˬ gʼaˬ maˬ ehˇ, mawˇ neˇ, mahˬ tahˬ laˆ, yawˇ hawˇ-eu ciꞈ myehꞈ deuˬ kʼawꞈ, ngaˬ tseˇ mawˇ-euˬ tiˬ mawˇ maˬ ehˇ, taꞈ uiˬ-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu Leˬbiˇ tsawˇ haˬ deuˬ-ahˇ biꞈ-awˬ.”
Iˇsaˬleˬlaˆ tsawˇ haˬ aˇ maꞈ aˇ muˇ deuˬ-ahˇ oꞈ-eu shaˬ bymˇ kʼoeˇ bymˇ laꞈ kʼoeˇ, tsawˇ haˬ ngaˬ heˇ gʼaˬ-euˬ tiˬ gʼaˬ maˬ ehˇ, jeˬ zaˬ ngaˬ tseˇ mawˇ-euˬ tiˬ mawˇ maˬ ehˇ, Moˇseˬ yuˇ doˆ-awˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu Leˬbiˇ tsawˇ haˬ deuˬ-ahˇ biꞈ nehˬ-euˬ meh.
Iˇsaˬleˬlaˆ tsawˇ haˬ deuˬ gʼaˇ duˬ Sehˬ gʼawˆ laꞈ kʼoeˇ gaˇ bi mˇ-eu gʼaˇ duˬ maˬ ehˇ, Iˇsaˬleˬlaˆ tsawˇ haˬ deuˬ muiˬ-eu shawˇ-eu jawˇ duˬ dawˬ peh le-eu baˬ da neh luˬ-iˇ seˇ-iˇ-eu jeˬ maˬ ya keuˆ le-eu gʼaˇ duˬ maˬ ehˇ, Iˇsaˬleˬlaˆ tsawˇ haˬ deuˬ neh biꞈ-euˬ muiˬ-eu laꞈ sawˬ loꞈ-ehˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ Leˬbiˇ tsawˇ haˬ deuˬ ngaˇ biꞈ nehˬ ma.”
Behˬsheˬmehˇ meuˬ-ahˇ jawˇ-eu tsawˇ haˬ shiꞈ tseˇ gʼaˬ-ahˇ Sahˬpaˬ Miˬyehˇ sehꞈ-euˬ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ-euˬ laꞈ kʼoeˇ paw aˬ yawꞈ maꞈ cu hu-euˬ meh. Aˬ yawꞈ maꞈ-euˬ tsawˇ haˬ kʼoeˇ myaˆ ni Sahˬpaˬ Miˬyehˇ neh bi sehꞈ-euˬ miˇ neh, aˬ yawꞈ maꞈ tsawˇ ngoeˇ ngoeˇ-euˬ meh.
Διαφημίσεις