Bawˇtsahˬ 1:4 - Akha

⁴ Tsawˇ jeuˬ aˬ yawꞈ jeuˬ yawꞈ laꞈ kʼoeˇ aˬ yuiꞈ aˬ tsu geuꞈ luꞈ-eu gʼaˬ naw nyaꞈ-ahˇ bi caw ba-awˬ.”

Bawˇtsahˬ 1:4 Σταυροειδείς Αναφορές

1 Sahˬpaˬ 8:1

Kʼoeˇ naˇ, Ziˇoˬ lehˇ kuˇ-eu Daˬbiˇ-euˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Uˬ duˬ tahˬ nymˇ nymˇ ma laꞈ kʼoeˇ baꞈ ahˇ-eu gʼaˇ duˬ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu dawˬ tawˆ luꞈ-ahˇ, sahˬ paˬ Sawˇlaˬmoˬ neh aˬ yawꞈ jawˇ-eu Yeˬluˇsaˬlehˬ meuˬ-ahˇ kuˇ uiˬ-euˬ meh.

Doˆ-iˇ 18:21

Kʼoeˇ uˬ taꞈ, tsawˇ haˬ heu deuˬ-ahˇ bi haw bi pyaˆ-eu gʼaˇ duˬ, gʼeh nya-eu deuˬ tseˇ doˆ-awˇ, aˇ heˇ gʼaˬ kʼoeˇ taˆ aˬ yuiꞈ geuꞈ-eu deuˬ, aˇ yaˇ gʼaˬ kʼoeˇ taˆ aˬ yuiꞈ geuꞈ-eu deuˬ, ngaˬ tseˇ gʼaˬ kʼoeˇ taˆ aˬ yuiꞈ geuꞈ-eu deuˬ hawˇ-eu, tseˇ gʼaˬ kʼoeˇ taˆ aˬ yuiꞈ geuꞈ-eu deuˬ lehˇ bi baw-eu tsaˬ tehꞈ-a. Aˬ yuiꞈ aˬ tsu geuꞈ-eu tsawˇ haˬ kʼoeˇ deuˬ-aˬ, Miˬyehˇ-ahˇ guˆ-awˇ, jah coeˇ paˬ-ehˇ gʼeh-eu uˬ taꞈ, pyuˇ shuiˇ myaˆ pyawˬ-ahˇ maˬ haw-eu yaw tsaˬ yaw dawˇ tsawˇ haˬ deuˬ ya bi pyeuꞈ tehꞈ-a.

Doˆ-iˇ 18:25

Aˬ yuiꞈ aˬ tsu bi geuꞈ-eu gʼaˇ duˬ, Iˇsaˬleˬlaˆ tsawˇ haˬ dawˬ tawˆ luꞈ laꞈ kʼoeˇ, gʼeh nya-eu tsawˇ haˬ deuˬ aˬ yawꞈ tseˇ doˆ-awˇ, aˇ heˇ gʼaˬ kʼoeˇ taˆ aˬ yuiꞈ geuꞈ-eu deuˬ, aˇ yaˇ gʼaˬ kʼoeˇ taˆ aˬ yuiꞈ geuꞈ-eu deuˬ, ngaˬ tseˇ gʼaˬ kʼoeˇ taˆ aˬ yuiꞈ geuꞈ-eu deuˬ hawˇ-eu, tseˇ gʼaˬ kʼoeˇ taˆ aˬ yuiꞈ geuꞈ-eu deuˬ lehˇ bi baw-euˬ meh.

Bawˇtsahˬ 1:16

Tsawˇ haˬ heu deuˬ-aˬ, Iˇsaˬleˬlaˆ tsawˇ haˬ deuˬ laꞈ kʼoeˇ tseˇ doˆ taˬ-euˬ, tsawˇ jeuˬ aˬ yawꞈ jeuˬ yawꞈ kʼoeˇ taˆ aˬ yuiꞈ aˬ tsu geuꞈ-eu deuˬ meh.

Bawˇtsahˬ 1:44

Tsawˇ haˬ heu deuˬ-aˬ, Moˇseˬ, Aˬloˬ hawˇ-eu, Iˇsaˬleˬlaˆ tsawˇ haˬ deuˬ-euˬ aˬ yuiꞈ aˬ tsu tseˇ nyiꞈ gʼaˬ neh tsawˇ myahˇ yuˇ-euˬ tsawˇ haˬ deuˬ pyeuꞈ-eu meh. Aˬ yawꞈ maꞈ aˬ yawꞈ gʼaˬ yawꞈ, yawˬ ha aˇ jeuˬ-euˬ dah zaˇ dah luꞈ-eu deuˬ pyeuꞈ-eu meh.

Bawˇtsahˬ 17:3

Leˬbiˇ tsawˇ jeuˬ-euˬ gawˬ yoeˬ kʼoeˇ taˆ Aˬloˬ-euˬ tsawˇ myahˇ boꞈ-awˬ. Tsawˇ jeuˬ aˬ yawꞈ jeuˬ yawꞈ laꞈ kʼoeˇ aˬ yuiꞈ geuꞈ-eu gʼaˬ, gawˬ yoeˬ tiˬ yoeˬ ya yuˇ laꞈ meh.

Bawˇtsahˬ 25:14

Miˇdiˬyaˬ tsawˇ haˬ zaˬ miˬ zaˬ kʼoeˇ gʼaˬ nehˬ-ehˇ tiˬ kawˆ loꞈ-ehˇ bi sehꞈ-euˬ Iˇsaˬleˬlaˆ tsawˇ haˬ kʼoeˇ gʼaˬ-euˬ tsawˇ myahˇ-aˬ, Suˇmoˬ tsawˇ jeuˬ laꞈ kʼoeˇ aˇ jeuˬ aˇ ca tiˬ ca-euˬ aˬ yuiꞈ geuꞈ-eu Saˬluˇ-euˬ aˬ li Zmˇliˬ pyeuꞈ-eu meh.

Bawˇtsahˬ 25:4

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-euˬ ehˇ dawˬ naˇ haˬ-eu laꞈ kʼoeˇ, Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ kuˇ uiˬ-awˇ, nah gʼahˇnah gaˆ-ahˇ sehꞈ jiˇ nehˬ-awˬ. Kʼoeˇ loꞈ-ehˇ jahˇ naˇ, Iˇsaˬleˬlaˆ tsawˇ haˬ deuˬ-ahˇ ngaˇ nui ma maˬ paˇ pehˇ ma.”

Bawˇtsahˬ 30:1

Iˇsaˬleˬlaˆ tsawˇ jeuˬ deuˬ-euˬ aˬ yuiꞈ aˬ tsu deuˬ-ahˇ, Moˇseˬ heu loꞈ-ehˇ mehˬ nehˬ tsoˆ nehˬ-euˬ meh.

Bawˇtsahˬ 4:34

Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ deuˬ kʼoeˇ taˆ aˬ yuiꞈ aˬ tsu geuꞈ-eu deuˬ neh, Kawˇlaˆ aˇ jeuˬ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh.

Bawˇtsahˬ 7:2

Kʼoeˇ naˇ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu pyeuꞈ-eu tsawˇ myahˇ yuˇ gaˇ haw-eu pyaˆ-eu tsawˇ haˬ deuˬ,

Dawˬmehˬ 1:15

Kʼoeˇ miˇ neh, naw maꞈ neh tseˇ doˆ-euˬ zaˬ siˬ tsawˇ gahˇ ahˇ-awˇ mˇ haw shaˇ haw-euˬ aˬ yuiꞈ aˬ tsu deuˬ-ahˇ, naw maꞈ kʼoeˇ taˆ aˬ yuiꞈ bi geuꞈ-euˬ ma. Tiˬ paˆ na deuˬ-ahˇ tiˬ heˇ gʼaˬ kʼoeˇ taˆ maˬ ehˇ, tiˬ paˆ na deuˬ-ahˇ tiˬ yaˇ gʼaˬ kʼoeˇ taˆ maˬ ehˇ, tiˬ paˆ na deuˬ-ahˇ ngaˬ tseˇ gʼaˬ kʼoeˇ taˆ maˬ ehˇ, tiˬ paˆ na deuˬ-ahˇ tseˇ gʼaˬ kʼoeˇ taˆ maˬ ehˇ, aˬ yuiꞈ bi geuꞈ-euˬ ma. Yaw huiˬ yaw mahˇ geuꞈ-eu tsawˇ haˬ deuˬ kʼawꞈ, Iˇsaˬleˬlaˆ tsawˇ jeuˬ dawˬ tawˆ luꞈ laꞈ kʼoeˇ, ngaˇ tseˇ doˆ taˬ-euˬ ma.

Yawˇshuˆ 22:14

Nahˇ ma ga kʼehˬ paw jawˇ-eu Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ tsawˇ haˬ tiˬ gʼaˬ tseˇ doˆ-awˇ, aˬ yuiꞈ aˬ tsu tseˇ gʼaˬ-ahˇ Piˇnaˬhaˇ nehˬ-ehˇ bi iˇ-euˬ meh. Tsawˇ haˬ kʼoeˇ tseˇ gʼaˬ, aˬ yawꞈ gʼaˬ yawꞈ Iˇsaˬleˬlaˆ tsawˇ jeuˬ tiˬ jeuˬ-euˬ aˬ yuiꞈ aˬ tsu pyeuꞈ-eu meh.