Aˇ dahˬ 9:9 - Akha

⁹ “Naw maꞈ nehˬ-ehˇ maˬ ehˇ, naw maꞈ-euˬ zaˬ deuˬ uˆ deuˬ nehˬ-ehˇ maˬ ehˇ, nymˬ-mˇ ngaˇ dawˬ ma saˇ jaˇ dzaˬ taꞈ-eu ma.

Aˇ dahˬ 9:9 Σταυροειδείς Αναφορές

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Aˇ dahˬ 6:18

Ehˇ kʼawꞈ, nawˬ nehˬ-ehˇ ngaˇ saˇ jaˇ dzaˬ ma. Nawˬ-euˬ miˬ zaˬ, nawˬ-euˬ aˬ li deuˬ hawˇ-eu, nawˬ-euˬ kuiˬ ma deuˬ nehˬ-ehˇ saˇ baoˬ laꞈ kʼoeˇ uˇ leˇ-awˬ.

Aˇ dahˬ 9:10

Kʼaˇ dehꞈ kʼaˇ jawˇ-eu jeˬ zaˬ deuˬ hawˇ-eu ho zaˬ nga jiˇ deuˬ nehˬ-ehˇ maˬ ehˇ, saˇ baoˬ laꞈ kʼoeˇ neh kʼaˇ doˆ le-euˬ jeˬ dawˬ tawˆ luꞈ nehˬ-ehˇ maˬ ehˇ, ngaˇ heu loꞈ-ehˇ dawˬ ma saˇ jaˇ dzaˬ-eu ma.

Aˇ dahˬ 9:11

Dawˬ heu deuˬ-ahˇ gʼoe-awˇ, naw maꞈ nehˬ-ehˇ dawˬ ma saˇ jaˇ dzaˬ taꞈ-eu ma. Aˬ kaˇ naˇ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ laˆ cawˆ-eu gʼaˇ duˬ, iˇ cuꞈ tiˬ jawˇ-iˬ maˬ paˇ bi dahˬ pymˬ ma. Aˬ kaˇ naˇ, iˇ cuꞈ bi dahˬ pymˬ-eu laꞈ kʼoeˇ, miˇ tsaˬ-ahˇ tiˬ jawˇ-iˬ maˬ paˇ laˆ cawˆ ma lehˇ, ngaˇ ehˇ tsehˆ-eu ma.

Aˇ dahˬ 9:17

Kʼoeˇ-aˬ, yaw dehꞈ kʼaˇ dehꞈ-eu jeˬ dawˬ tawˆ luꞈ-ahˇ, ngaˬ neh biꞈ taˬ-euˬ dawˬ ma saˇ jaˇ gaˇ kawˆ bi siˬ bi mawˇ-eu jeˬ pyeuꞈ-eu ma.”

Aˇ dahˬ 9:8

Noˇaˬ hawˇ-eu aˬ yawꞈ-euˬ aˬ li deuˬ-ahˇ, Miˬyehˇ heu loꞈ-ehˇ ehˇ nehˬ-euˬ meh.

Yeˬlaˬmiˇ 33:20

“Aˇ yamˬ tsaˬ tsaˬ ni uˬ ciꞈ ciꞈ le-awˇ, aˇ yamˬ tsaˬ tsaˬ ni uˬ bya bya laˇ-eu gʼaˇ duˬ, nah hawˇ-eu miˇ-ahˇ ngaˬ neh dzaˬ taˬ-euˬ saˇ jaˇ kʼaˇ ziꞈ kʼoeˇ keuˆ ni,

Lormav 1:3

Kʼoeˇ-aˬ, aˬ yawꞈ-euˬ Zaˬmaˇ pyeuꞈ-eu aˬ dui-euˬ Sahˬpaˬ Yeˬsuˇ Ka li gaˇ kawˆ meh. Tsawˇ haˬ zaˬ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ dehꞈ le-euˬ meh.