Aˇ dahˬ 9:5 - Akha

⁵ Tsawˇ haˬ-ahˇ sehꞈ-eu tsawˇ haˬ-aˬ, kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a. Tsawˇ haˬ-ahˇ laˆ sehꞈ-eu jeˬ zaˬ aˬ geu mawˇ maˬ kaˬ, shiˇ gaˇ keuˆ ni ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a.

Aˇ dahˬ 9:5 Σταυροειδείς Αναφορές

Aˇ dahˬ 42:22

Luˇbeˬ ehˇ-eu, “Aˬ li-ahˇ taˬ laˆ tahˬ taˬ laˆ naˇ lehˇ naw maꞈ-ahˇ ngaˇ ehˇ nehˬ kʼawꞈ, naw maꞈ maˬ naˇ haˬ-a. Nymˬ-mˇ poˆ jawˇ-aˬ, aˬ yawꞈ-ahˇ laˆ sehꞈ-euˬ loꞈ-ehˇ aˬ dui paˇ ya daˬ poˆ-eu keuˆ laˇ taˬ-euˬ nga.”

2 Saˬmeuˬlaˆ 4:11

Yawˬ ha-euˬ nymˇ laꞈ kʼoeˇ yuꞈ kʼaˆ taˬ-euˬ yaw lehˬ yaw ca maˬ jaˆ-eu tsawˇ haˬ-ahˇ sehꞈ-euˬ gaˇ kawˆ heu aˇ naˆ ni paˇ doeˇ dzehˬ-eu nga. Naw nyaꞈ aˬ yawꞈ-ahˇ sehꞈ-euˬ baˬ da neh, naw nyaꞈ-ahˇ miˇ tsaˬ tahˬ kʼawˇ heu siˬ kʼoeˇ taˆ maˬ paˇ bi dehꞈ ni, nymˬ-mˇ ngaˇ naw nyaꞈ-ahˇ laꞈ poˆ poˆ ma.”

1 Sahˬpaˬ 2:6

Aˬ yawꞈ-ahˇ aˬ joˆ-ehˇ ya jahˇ nehˬ-eu gaˇ kawˆ nawˇ siˬ nya meh. Aˬ yawꞈ mawˬ le-awˇ shiˇ ngeh keuˆ ni ziˇ maˬ ya bi dehꞈ jiˇ-a.

2 Sahˬpaˬ 11:1

Sahˬ paˬ Aˬhaˬziˇ-euˬ aˬ ma Aˬdaˬliˇ-aˬ, aˬ yawꞈ-euˬ aˬ li shiˇ-euˬ gaˇ kawˆ ya gaˬ ngeh, sahˬ paˬ-euˬ miˬ sawˇ zaˬ deuˬ dawˬ tawˆ luꞈ-ahˇ sehꞈ jiˇ-euˬ meh.

2 Laˬsaˬbaˬ 24:22

Sahˬ paˬ Yawˇshaˆ-aˬ, Zaˬkaˬliˇ-euˬ aˬ da Yeˬhawˇyaˬdaˬ neh aˬ yawꞈ-ahˇ ngehˬ gʼeh caw ba nehˬ-euˬ deuˬ-ahˇ maˬ noeˬ keuˆ-ehˇ Zaˬkaˬliˇ-ahˇ bi sehꞈ-euˬ meh. Zaˬkaˬliˇ shiˇ leˇ ngeh, “Naw maꞈ neh mˇ-euˬ jeˬ-ahˇ Sahˬpaˬ Miˬyehˇ mawˇ-awˇ, naw maꞈ-ahˇ kʼehˬ nehˬ kʼaˆ nehˬ luꞈ-uˇ” lehˇ ehˇ-awˇ shiˇ-euˬ meh.

2 Laˬsaˬbaˬ 33:24

Aˬmo-euˬ gaˇ mˇ-eu yaw huiˬ yaw mahˇ deuˬ Aˬmo-ahˇ puiˬ-awˇ, sahˬ paˬ-euˬ nymˇ laꞈ kʼoeˇ aˬ yawꞈ-ahˇ sehꞈ-euˬ meh.

2 Laˬsaˬbaˬ 33:25

Aˬmo-ahˇ sehꞈ kʼoeˬ-euˬ tsawˇ haˬ kʼoeˇ deuˬ-ahˇ Yuˇdaˆ miˇ kʼahˬ zaˬ deuˬ neh paˇ sehꞈ poˆ-awˇ, aˬ yawꞈ-euˬ aˬ li Yawˇshiˆ-ahˇ sahˬ paˬ bi geuꞈ-euˬ meh.

Jaceuq 9:12

Bi kʼehˬbi kʼaˆ-euˬtsawˇhaˬ-ahˇ, Miˬyehˇtiˬjawˇ-iˬ maˬngehˇ-a, yawꞈmaꞈngoeˇ-eu teˇsaˇgaˬ-awˇ, haiˬ-eu deuˬ-ahˇkʼehˬnehˬ-eu meh.

Doˆ-iˇ 20:13

“Aˬ cawˬ-ahˇ nawˇ maˬ ya sehꞈ-a.

Doˆ-iˇ 21:12

“Tsawˇ haˬ aˬ geu gʼaˬ maˬ kaˬ, tsawˇ haˬ tiˬ gʼaˬ na-ahˇ laˆ tahˬ-awˇ bi shiˇ naˇ, aˬ yawꞈ-ahˇ ya sehꞈ meh.

Uˬ duˬ 19:16

Aˬ cawˬ gaˇ kawˆ jaˬ myawꞈ myawꞈ-eu laꞈ kʼoeˇ taˬ ja bu. Tsawˇ haˬ tiˬ gʼaˬ na, tsawˇ shiˇ uˬ kʼawˇ-ahˇ deuˬ ni yaˇ kʼaˬ daˇ nehˬ-eu jeˬ-ahˇ ya daˬ paˬ-ehˇ keuˆ laˇ ngeh, aˬ yawꞈ-ahˇ caw ba nya-eu saˇ kiˇ saˇ seˬ jaˆ naˇ, ngehˬ doˆ tmˇ doˆ nehˬ-awˬ. Ngaˇ-aˬ, Sahˬpaˬ Miˬyehˇ ma.

Uˬ duˬ 24:17

“Aˬ cawˬ-ahˇ sehꞈ-eu tsawˇ haˬ-aˬ, yaw ha-ahˇ sehꞈ nehˬ gaˇ paˇ ya daˬ tehꞈ-a.

Uˬ duˬ 24:21

Jeˬ zaˬ-ahˇ sehꞈ-euˬ tsawˇ haˬ-aˬ, jeˬ zaˬ ya tsoeˬ kʼoꞈ nehˬ tehꞈ-a. Ehˇ kʼawꞈ, tsawˇ haˬ-ahˇ sehꞈ-eu tsawˇ haˬ-aˬ, aˬ yawꞈ-ahˇ sehꞈ nehˬ gaˇ paˇ ya daˬ tehꞈ-a.

Bawˇtsahˬ 35:16

“Tsawˇ haˬ tiˬ gʼaˬ na, shmˇ neh aˬ cawˬ-ahˇ diˬ-awˇ bi shiˇ naˇ, tsawˇ haˬ-ahˇ sehꞈ-euˬ jeˬ pyeuꞈ-eu miˇ neh, aˬ yawꞈ-ahˇ paˇ ya sehꞈ poˆ meh.

Bawˇtsahˬ 35:17

Tsawˇ haˬ tiˬ gʼaˬ na, tsawˇ haˬ-ahˇ tuˆ sehꞈ nya-eu kʼaˬ lo tuˆ tehˬ-awˇ, aˬ cawˬ-ahˇ tuˆ-awˇ bi shiˇ naˇ, tsawˇ haˬ-ahˇ sehꞈ-euˬ jeˬ pyeuꞈ-eu miˇ neh, aˬ yawꞈ-ahˇ paˇ ya sehꞈ poˆ meh.

Bawˇtsahˬ 35:18

Tsawˇ haˬ tiˬ gʼaˬ na, tsawˇ haˬ-ahˇ deh sehꞈ nya-eu daˇ kawˬ baꞈ-awˇ aˬ cawˬ-ahˇ deh-awˇ bi shiˇ naˇ, tsawˇ haˬ-ahˇ sehꞈ-euˬ jeˬ pyeuꞈ-eu miˇ neh, aˬ yawꞈ-ahˇ paˇ ya sehꞈ poˆ meh.

Bawˇtsahˬ 35:21

aˬ laꞈ neh teˇ sehꞈ-euˬ maˬ ehˇ, tsawˇ haˬ-ahˇ sehꞈ-euˬ jeˬ pyeuꞈ-eu miˇ neh, aˬ yawꞈ-ahˇ paˇ ya sehꞈ poˆ meh. Shiˇ-eu gʼaˬ-ahˇ aˬ yuiꞈ aˬ nyiˇ peh dzehˬ-eu gʼaˬ tsawˇ haˬ kʼoeˇ gʼaˬ-ahˇ ya sehꞈ meh. Tsawˇ haˬ kʼoeˇ gʼaˬ-ahˇ kʼaˇ mawˇ le gaˇ aˬ yawꞈ sehꞈ nya meh.

Maꞈtehˬ 23:35

Aˇ saˬ saˬ laˇ ngeh jawˇ, maˬ bahˬ maˬ muˆ-eu tsawˇ haˬ deuˬ-ahˇ sehꞈ-euˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a. Iˬ baˇ maˬ ahˇ-eu Aˬbeˬlaˆ-ahˇ sehꞈ-euˬ gaˇ neh aˇ dahˬ beh-awˇ, Uˬ duˬ tahˬ nymˇ nymˇ ma hawˇ-eu lawˇ duˬ yaw kaˬ-ahˇ naw maꞈ neh sehꞈ-euˬ Beˬleˬkiˇ-euˬ aˬ li Zaˬkaˬliˇ-ahˇ keuˆ ni, naw maꞈ neh kʼaˇ sehꞈ-euˬ maˬ bahˬ maˬ muˆ-eu tsawˇ haˬ deuˬ-euˬ shiˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Dawˬmehˬ 19:11

“Ehˇ kʼawꞈ, tsawˇ haˬ tiˬ gʼaˬ na , yawˬ ha nehˬ-ehˇ nui ma laˆ naˇ taˬ-euˬ jaˆ-eu tsawˇ haˬ-ahˇ, yaw muiˬ paˬ-ehˇ lehˬ hmˬ-awˇ sehꞈ-euˬ laꞈ kʼoeˇ, buˬ-iˇ law-iˇ-eu meuˬ tiˬ meuˬ na laꞈ kʼoeˇ cehˆ uˇ leˇ-eu ehˇ-awˬ.

Dawˬmehˬ 19:12

Kʼoeˇ loꞈ-ehˇ pyeuꞈ laˇ ngeh, aˬ yawꞈ jawˇ-eu meuˬ-ahˇ jawˇ-eu aˬ yuiꞈ aˬ tsu deuˬ neh aˬ yawꞈ-ahˇ ya bi sheuˬ kʼoꞈ laˬ-iˇ-awˇ, shiˇ-euˬ gʼaˬ-euˬ aˬ yuiꞈ aˬ nyiˇ laꞈ kʼoeˇ laꞈ poˆ ya poˆ-eu gʼaˬ-euˬ laꞈ-ahˇ a nehˬ-awˇ, ya bi sehꞈ meh.

Yaˇ kʼaˬ daˇ 9:56

Aˬ yawꞈ-euˬ mehˇ nmˇ shiꞈ tseˇ gʼaˬ-ahˇ sehꞈ-eu laꞈ kʼoeˇ, aˬ yawꞈ-euˬ aˬ da-ahˇ Aˬbiˇmaˬlehˆ mˇ bahˬ-euˬ iˬ baˇ aˇ poeˬ, Aˬbiˇmaˬlehˆ-ahˇ Miˬyehˇ kʼoeˇ loꞈ-ehˇ jahˇ kʼoꞈ nehˬ-euˬ meh.