Aˇ dahˬ 9:12 - Akha

¹² Naw maꞈ nehˬ-ehˇ maˬ ehˇ, kʼaˇ dehꞈ kʼaˇ jawˇ-eu yawˬ jeˬ na luꞈ nehˬ-ehˇ maˬ ehˇ, ngaˬ neh dzaˬ taˬ-euˬ dawˬ ma saˇ jaˇ heu hmˬ mˬ maˬ maˬ byaˆ zaˇ ziˇ ziꞈ-eu gaˇ kawˆ yaw duˬ yaw ciˇ baw ni, ngaˇ heu loꞈ-ehˇ jahˇ ma.

Aˇ dahˬ 9:12 Σταυροειδείς Αναφορές

Aˇ dahˬ 17:11

Ngaˇ hawˇ-eu naw maꞈ-euˬ yaw kaˬ-ahˇ dzaˬ taˬ-euˬ dawˬ ma saˇ jaˇ heu hmˬ gaˇ kawˆ saˇ kiˇ pyeuꞈ-eu gʼaˇ duˬ, naw maꞈ baˆ kʼoˆ mehˬ dzaˬ ya yehˬ meh. Aˬ kaˇ naˇ, kʼaˇ dehꞈ le-eu aˬ li yawˬ gʼaˬ na luꞈ-ahˇ, dehꞈ le gʼaˬ-awˇ yehꞈ nah byah laˇ naˇ, baˆ kʼoˆ mehˬ dzaˬ ya yehˬ nehˬ meh. Nawˬ-euˬ nymˇ laꞈ kʼoeˇ dehꞈ le-euˬ zaˬ kʼaˆ deuˬ hawˇ-eu, nawˬ neh zeuˇ tsehˆ taˬ-euˬ boeˇ miˬ siˬ kʼaˬ zaˬ kʼaˆ deuˬ kʼawꞈ, baˆ kʼoˆ mehˬ dzaˬ ya yehˬ meh.

Aˇ dahˬ 9:13

Aˇ deˇ leˇ kʼah-ahˇ mˬ dmˇ laꞈ kʼoeˇ ngaˇ bi jaˆ ma. Kʼoeˇ-aˬ, ngaˬ neh miˇ tsaˬ-ahˇ dawˬ ma saˇ jaˇ dzaˬ taˬ-euˬ gaˇ kawˆ saˇ kiˇ pyeuꞈ-eu ma.

Aˇ dahˬ 9:17

Kʼoeˇ-aˬ, yaw dehꞈ kʼaˇ dehꞈ-eu jeˬ dawˬ tawˆ luꞈ-ahˇ, ngaˬ neh biꞈ taˬ-euˬ dawˬ ma saˇ jaˇ gaˇ kawˆ bi siˬ bi mawˇ-eu jeˬ pyeuꞈ-eu ma.”

Doˆ-iˇ 12:13

Laˇ gʼoˆ-ahˇ lehꞈ taˬ-euˬ shiˬ kʼoeˇ-aˬ, naw maꞈ jawˇ-eu nymˇ deuˬ-ahˇ tseˇ paˆ-awˇ haw siˬ nya-eu gʼaˇ duˬ, bi siˬ bi mawˇ-eu jeˬ pyeuꞈ-eu ma. Iˇjiˇtuˆ tsawˇ haˬ-ahˇ ngaˇ kʼehˬ nehˬ kʼaˆ nehˬ luꞈ ngeh, shiˬ kʼoeˇ-ahˇ ngaˇ ya mawˇ naˇ, naw maꞈ-ahˇ maˬ laˆ tahˬ maˬ laˆ naˇ ni, bi buˬ bi law-iˇ ma.

Doˆ-iˇ 13:16

Kʼoeˇ loꞈ-ehˇ mˇ-eu jeˬ-aˬ, aˬ dui-euˬ naˇ kʼawˇ-ahˇ maˬ ehˇ, laꞈ du-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni bi noeˬ mawˇ-eu jeˬ pyeuꞈ-awˇ, Sahˬpaˬ Miˬyehˇ neh aˬ yawꞈ-euˬ huiˬ-eu baoˬ-ahˇ gʼoe-awˇ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gaˇ, aˬ dui-ahˇ paˇ bi noeˬ mawˇ laꞈ tehꞈ-a’ lehˇ ehˇ nehˬ-awˬ.”

Yawˇshuˆ 2:12

Naw nyaꞈ-ahˇ ngaˇ gʼawˬ shaˬ gaˬ nehˬ-euˬ loꞈ-ehˇ, ngaˬ-eu nymˇ jiˇ-ahˇ naw nyaꞈ gʼawˬ shaˬ gaˬ nehˬ ma lehˇ, aˬ yawꞈ-euˬ mehˬ shi nymˬ-mˇ naw nyaꞈ kamˬ-awˬ. Naw nyaꞈ-ahˇ ngaˇ jah coeˇ ni, saˇ kiˇ tiˬ jeˬ paˬ kʼawꞈ bi jaˆ yaꞈ-awˬ.