Aˇ dahˬ 8:16 - Akha

¹⁶ “Nawˬ-euˬ miˬ zaˬ, nawˬ-euˬ aˬ li deuˬ hawˇ-eu, nawˬ-euˬ kuiˬ ma deuˬ nehˬ-ehˇ saˇ baoˬ laꞈ nyiˇ doˆ-iˇ-awˬ.

Aˇ dahˬ 8:16 Σταυροειδείς Αναφορές

Aˇ dahˬ 7:1

Noˇaˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ nymˇ kʼahˬ zaˬ dawˬ tawˆ luꞈ sheuˬ-awˇ, saˇ baoˬ laꞈ kʼoeˇ uˇ leˇ-awˬ. Miˇ tsaˬ heu kʼoeˇ taˆ yaw tsaˬ yaw dawˇ jeˬ mˇ-eu tsawˇ haˬ nawˇ tiˬ gʼaˬ jawˇ-eu tehꞈ meh lehˇ ngaˇ siˬ duˬ ma.

Aˇ dahˬ 7:13

Kʼoeˇ ngeh nah-ahˇ, Noˇaˬ hawˇ-eu aˬ yawꞈ-euˬ miˬ zaˬ maˬ ehˇ, aˬ yawꞈ-euˬ aˬ li Sheˬmaˆ, Haˬmaˇ, Yaˬpahˇ hawˇ-eu aˬ yawꞈ-euˬ kuiˬ ma deuˬ maˬ ehˇ, saˇ baoˬ laꞈ kʼoeˇ uˇ leˇ-euˬ meh.

Aˇ dahˬ 7:7

Aˬ yawꞈ hawˇ-eu aˬ yawꞈ-euˬ miˬ zaˬ maˬ ehˇ, aˬ yawꞈ-euˬ aˬ li deuˬ hawˇ-eu kuiˬ ma deuˬ maˬ ehˇ, iˇ cuꞈ dahˬ pymˬ gaˇ ya buˬ ya law-iˇ ni, saˇ baoˬ laꞈ kʼoeˇ uˇ leˇ-euˬ meh.

Aˇ dahˬ 8:15

Noˇaˬ-ahˇ Miˬyehˇ heu loꞈ-ehˇ ehˇ nehˬ-euˬ meh.

Aˇ dahˬ 8:17

Jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼawꞈ paˇ myaˬ paˇ behˇ laˇ-awˇ, miˇ tsaˬ kʼoeˇ taˆ byah-iˇ nya ni, laꞈ nyiˇ paw pyehˬ doˆ gʼeh-awˬ.”

Jaceuq 121:8

Nawˇ kʼaˇ iˇ kʼaˇ laˇ-eu yawˬ gaˇ na luꞈ, mˬ maˬ maˬ byaˆ zaˇ ziˇ aˬ yawꞈ haw piˇ tehꞈ-a.

Jaceuq 91:11

Nawˇ kʼaˇ iˇ kʼaˇ laˇ gaˇ bi haw piˇ-eu gʼaˇ duˬ, mˬ taˆ gʼaˬ kʼehˇ deuˬ-ahˇ Miˬ yehˇ dawˬ biꞈ tehꞈ-a.

Zaˬkaˬliˇ 9:11

Sahˬpaˬ Miˬyehˇ ehˇ-eu, “Ngaˬ neh naw maꞈ-ahˇ dzaˬ taˬ-euˬ, dawˬ ma saˇ jaˇ shiˬ baˬ da neh, duˬ kʼahˬ naꞈ gaˇ bi paꞈ taˬ-euˬ, naw maꞈ tsawˇ haˬ ngaˇ puiˇ pyehˬ ma.

Yawˇshuˆ 3:17

Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ-awˇ lawˇ baˬ tsehˆ luꞈ ngeh, aˬ yawꞈ maꞈ dawˬ tawˆ luꞈ maˬ tsehˆ doˆ jiˇ kʼoeˇ keuˆ ni, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ gui coˇ ni gʼeh-eu lawˇ baˬ gʼahˇ ceh yawꞈ luꞈ-eu meh.

Yawˇshuˆ 4:10

Iˇsaˬleˬlaˆ tsawˇ haˬ deuˬ-ahˇ bi mˇ-eu gʼaˇ duˬ Sahˬpaˬ Miˬyehˇ neh Yawˇshuˆ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ mˇ gʼaˬ jiˇ ngeh keuˆ ni, piˇ ma deuˬ Yawˇdaˬ lawˇ baˬ gʼahˇ ceh yawꞈ-euˬ meh. Kʼoeˇ loꞈ-ehˇ mˇ-awˬ lehˇ Moˇseˬ neh dawˬ biꞈ taˬ-euˬ jaˆ-eu meh. Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ-ahˇ yaw kawˇ-ehˇ tsehˆ doˆ-euˬ meh.