Aˇ dahˬ 7:4 - Akha

⁴ Nya taꞈ shiꞈ nah byah laˇ naˇ, ngaˬ neh kʼaˇ beh taˬ-euˬ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ laˆ cawˆ-eu gʼaˇ duˬ, oeˬ tseˇ nah oeˬ tseˇ miˇ uˬ yehˇ bi yehˇ le ma.”

Aˇ dahˬ 7:4 Σταυροειδείς Αναφορές

Aˇ dahˬ 2:5

miˇ tsaˬ kʼoeˇ taˆ sahˬ lahˬ aˇ bawˇ tiˬ bawˇ-iˬ maˬ bawˇ-ehˇ, aˇ ji tiˬ ji-iˬ maˬ ji-a. Aˬ jeˬ miˇ neh ehˇ naˇ, Miˬyehˇ neh uˬ yehˇ maˬ bi yehˇ le dah-euˬ uˬ taꞈ, ka dzaˬ ka dawˇ-eu tsawˇ haˬ kʼawꞈ tiˬ gʼaˬ-iˬ maˬ jawˇ le dah-euˬ miˇ neh meh.

Aˇ dahˬ 6:13

Noˇaˬ-ahˇ Miˬyehˇ ehˇ nehˬ-eu, “Tsawˇ haˬ dawˬ tawˆ luꞈ bi shiˇ jiˇ-awˇ, ziˇ dahˬ bi dahˬ-iˇ ma lehˇ ngaˇ noeˬ tsehˆ taˬ-euˬ ma. Aˬ yawꞈ maꞈ dawˬ tawˆ luꞈ piˬ-iˇ byoˆ-iˇ jiˇ ngeh keuˆ ni, ngaˇ jahˇ nehˬ ma. Aˬ jeˬ miˇ neh ehˇ naˇ, miˇ kʼahˬ kʼahˬ lah ni aˬ yawꞈ maꞈ neh yaw haiˬ jeˬ mˇ byah jiˇ taˬ-euˬ meh.

Aˇ dahˬ 6:17

Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ laˆ cawˆ-eu gʼaˇ duˬ, iˇ cuꞈ bi dahˬ daˆ laˇ ma. Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ shiˇ jiˇ tehꞈ-a.

Aˇ dahˬ 6:3

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-ahˇ aˇ kʼoꞈ gʼawˬ myahˇ ni maˬ paˇ bi dehꞈ ma. Aˬ yawꞈ maꞈ-aˬ, gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-eu meh. Aˬ kaˇ naˇ, aˬ yawꞈ maꞈ-ahˇ tiˬ yaˇ nyiˬ tseˇ kʼoꞈ taꞈ-ehˇ maˬ paˇ bi dehꞈ dzehˬ ma.”

Aˇ dahˬ 6:7

Kʼoeˇ ngeh, aˬ yawꞈ heu loꞈ-ehˇ ehˇ-eu meh. “Ngaˬ neh beh taˬ-euˬ tsawˇ haˬ zaˬ heu deuˬ dawˬ tawˆ luꞈ-ahˇ ngaˇ laˆ cawˆ byoˆ jiˇ ma. Jeˬ zaˬ hawˇ-eu ho zaˬ nga jiˇ dawˬ tawˆ luꞈ-ahˇ kʼawꞈ, ngaˇ laˆ byoˆ jiˇ ma. Teu deuˬ-ahˇ beh-euˬ baˬ da neh ngaˇ aˇ dzehˬ-ehˇ ya noeˬ shaˬ nya.”

Aˇ dahˬ 7:10

Shiꞈ nah byah laˇ ngeh, iˇ cuꞈ dahˬ daˆ laˇ-euˬ meh.

Aˇ dahˬ 7:12

Kʼoeˇ naˇ, oeˬ tseˇ nah oeˬ tseˇ miˇ keuˆ ni uˬ yehˇ yehˇ-euˬ meh.

Aˇ dahˬ 7:17

Oeˬ tseˇ nah keuˆ ni iˇ cuꞈ dahˬ daˆ laˇ ngeh, saˇ baoˬ jaˆ gaˇ keuˆ ni iˇ cuꞈ dahˬ keuˆ laˇ-awˇ, saˇ baoˬ kʼoeˇ laˇ-ahˇ bu diˇ-euˬ meh.

Aˇ dahˬ 7:3

Aˇ jiˇ deuˬ kʼawꞈ, tiˬ jeˬ-euˬ shiꞈ gu nyehꞈ uˇ gʼeh-awˬ. Jeˬ zaˬ hawˇ-eu ho zaˬ nga jiˇ deuˬ miˇ tsaˬ kʼoeˇ taˆ aˇ yoeˬ maˬ ya tsehˆ-iˇ-ehˇ, paˇ myaˬ paˇ behˇ laˇ nya ni, ngaˬ neh nawˬ-ahˇ kʼaˇ ehˇ nehˬ-euˬ loꞈ-ehˇ jahˇ-awˬ.

Aˇ dahˬ 8:10

Shiꞈ nah paˇ dawˬ-awˇ, kʼaˬ kʼoeˬ kʼoeˇ mawˇ-ahˇ aˬ yawꞈ tiˬ poˆ paˇ pyehˬ doˆ gʼeh-euˬ meh.

Aˇ dahˬ 8:12

Kʼoeˇ naˇ, shiꞈ nah paˇ dawˬ-awˇ, kʼaˬ kʼoeˬ kʼoeˇ mawˇ-ahˇ tiˬ poˆ paˇ pyehˬ doˆ gʼeh-euˬ meh. Kʼoeˇ ngeh poˆ jawˇ, kʼaˬ kʼoeˬ kʼoeˇ mawˇ maˬ paˇ gʼoꞈ laˇ ni iˇ byoˆ gʼeh-euˬ meh.

Aˇ dahˬ 8:2

Miˇ tsaˬ dawˬ dah paw jaˆ-eu iˇ cuꞈ iˇ byoe dawˬ tawˆ luꞈ bi tsoeˬ-iˇ jiˇ-awˇ, mˬ kʼoeˇ taˆ paw jaˆ-eu iˇ cuꞈ laˇ gʼoˆ dawˬ tawˆ luꞈ piˬ tehˬ-euˬ meh. Uˬ yehˇ tsiˇ leˇ gʼaˬ-awˇ,

Yawˇbaˆ 22:16

Aˬ yawꞈ maꞈ-euˬ aˇ nah aˇ yamˬ maˬ keuˆ laˇ mi naˆ-ehˇ, iˇ jeuˬ oe-awˇ bi dehˬ dzaˬ-euˬ meh.

Yawˇbaˆ 28:25

Miˬyehˇ jaˬ lehˇ-ahˇ baoˬ biꞈ-awˇ, iˬ ma laˆ shaˆ-ahˇ dehˬ dza haw ngeh,

Jaceuq 69:28

Dehꞈ-eu saꞈ laˇ sahˬ boꞈ laꞈ kʼoeˇ aˬ yawꞈ maꞈ-euˬ tsawˇ myahˇ bi shiˆ byoˆ-awˇ, nawˬ-euˬ tsawˇ haˬ jaˇ laˇ laꞈ kʼoeˇ aˬ yawꞈ maꞈ maˬ ahˇ ni ya shaˬ luꞈ-uˇ.

Yeˬlaˬmiˇ 28:16

Kʼoeˇ miˇ neh, nawˬ-ahˇ yuˇ dzeh ma lehˇ, Sahˬpaˬ Miˬyehˇ-euˬ mawˇ do ehˇ luꞈ meh. Tsawˇ haˬ heu deuˬ Sahˬpaˬ Miˬyehˇ-ahˇ puiˬ ni nawˇ jahˇ-euˬ miˇ neh, kʼoꞈ maˬ doˆ le mi naˆ-ehˇ nawˇ ya shiˇ tehꞈ-a.”

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Panmaeq 3:5

Gʼaˬ leˇ-euˬ tsawˇ ha deuˬ-aˬ, kʼoeˇ loꞈ-ehˇ mehˬ tsoeˬ yaw pyuˇ ya dm-awˇ, saꞈ laˇ dehꞈ-eu sahˬ boꞈ laꞈ kʼoeˇ, aˬ yawꞈ maꞈ-euˬ tsawˇ myahˇ ngaˇ maˬ siˆ byoˆ. Ngaˬ Da hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ-euˬ mehˬ shi, aˬ yawꞈ maꞈ ngaˬ-euˬ tsawˇ haˬ ma lehˇ ngaˇ ehˇ ma.